Lo govèrn romanés anoncièt dimenge l’anullacion del polemic decret que cercava de despenalizar qualques delictes de corrupcion. L’aprobacion d’aquel decret-lei reformava lo còde penal e beneficiava dirèctament al secretari general del Partit Socialdemocrata Liviu Dragnea, çò que generèt las protèstas pus grandas qu’a vistas aquel país dempuèi la casuda de Nicolae Ceaușescu.
 
“Lo decret es estat revocat”, çò diguèron de fonts governamentalas a Reuters, après una reünion extraordinària del conselh dels ministres que se tenguèt dimenge. Puèi se publiquèt lo tèxt oficial de l’anullacion.
 
Après un long braç de fèrre entre govèrn e manifestants, lo govèrn anoncièt dissabte qu’aboliriá formalament lo polemic decret-lei. En mai d’aquò, lo primièr ministre assegurèt que lo ministre de la justícia assumiriá sa responsabilitat per la manca d’informacion adeqüata sus l’aprobacion d’aquel decret.