Actualitats
Lo parlament escocés a fach un vòte istoric contra lo Brexit
Lo govèrn d’Edimborg a sollicitat del govèrn de Theresa May de paralisar lo procès de sortida de l’UE
Lo Parlament d’Escòcia a fach un vòte per mostrar lo malcontentament de la majoritat d’escoceses sus la sortida del Reialme Unit de l’Union Europèa, un fach qu'es estat solament mes en debat al parlament britanic. Amb lo vòte favorable de 90 deputats sus 129, lo parlament escocés s'opausa a l'invocacion de l'article 50 del Tractat de Lisbona, que deu activar lo Brexit. La primièra ministra escocesa, Nicola Sturgeon, a qualificat lo vòte d'istoric e a predich que "serà plan mai que simbolic", çò rapòrta la BBC.
La primièra ministra escocesa, Nicola Sturgeon, a demandat mai d'un còp que se prenga en compte los interèsses d’Escòcia dins las negociacions del Brexit, en argumentant que la majoritat d’escoceses s’i opausèt dins lo referendum de junh passat.
Per aquela rason, lo govèrn escocés a presentat al parlament d’Edimborg una mocion que reclama a la primièra ministra britanica, Theresa May, la paralisi del procès de sortida de l’UE. Segon Dòna Sturgeon, l’executiu britanic “a daissat fòrça questions sens responsa”, coma, per exemple, quinas implicacions aurà la sortida del Reialme Unit del mercat unic.
La primièra ministra escocesa, Nicola Sturgeon, a demandat mai d'un còp que se prenga en compte los interèsses d’Escòcia dins las negociacions del Brexit, en argumentant que la majoritat d’escoceses s’i opausèt dins lo referendum de junh passat.
Per aquela rason, lo govèrn escocés a presentat al parlament d’Edimborg una mocion que reclama a la primièra ministra britanica, Theresa May, la paralisi del procès de sortida de l’UE. Segon Dòna Sturgeon, l’executiu britanic “a daissat fòrça questions sens responsa”, coma, per exemple, quinas implicacions aurà la sortida del Reialme Unit del mercat unic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 La democracia n'ei pas lo poder de la majoritat d'oprimir ua minoritat.
#2 Què ? Escòcia demostra que no és democràtica, o que no és britànica ?
En aquest segond cas no haguera de voler aturar es procès de brexit per a GranBretanya, si no demanar que no s'apliqui a Escòcia (esperant un nou referendum, aixines si que ses coses quedarien mès clares!)
La Gran Bretanha votet per sortir de l'UE e ganhet de sortir. Doncas s'ha d'acceptar lo resultat. Lo parlament britanic ha ratificat la separacion. Ben fet. Se lo parlament escocè ho accepta pas demostra qu' es pas democràtic.
Encara un vòte fòrça interessant pels occitans , coma la demanda d'ajuda facha par lo president de la Generalitat de Catalonha davant la cambra dels representants de l'UE , fa doas setmanas...
Anem poder estudiar de prèp la reaccion de l'UE a la demanda d'ajuda implicita facha pels pòbles d' Escòcia e de Catalonha. Serà una leiçon per nosautres per saber se devèm contunhar de bramar Euròpa Euròpa , sens veire qu'es venguda un mostre tecnocratic jos la copa de l'OTAN e de d'Alemanha, o se se va decidir de butar per l'independéncia d'aquelses pòbles, dins l'encastre europenc...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari