Actualitats
Remandan Sarkozy en justícia per l’afar Bygmalion
La decision del jutge arriba a un marrit moment per las aspiracions electoralas dels Republicans
L’èx-president francés Nicolas Sarkozy se seirà sul banc dels acusats per l’afar Bygmalion, es a dire pel presumit finançament illegal de sa campanha electorala de 2012. Lo limit de las despensas èra de 22,5 milions d'èuros, mas la campanha de l’èx-president ne despensèt gaireben 43. Una part de las despensas s'amaguèron darrièr un complèxe sistèma de falsas facturas, çò que fa sospechar que la despensa globala siá encara pus granda.
En mai de Sarkozy, seràn tanplan jutjadas 13 personas, la majoritat de nauts responsables de son partit, Los Republicans (LR), ancianament nomenat Union per un Movement Popular (UMP).
Un marrit moment per Los Republicans
E mai se lo ministèri public financièr de París demandèt aquel remandament en justícia en setembre passat, la decision del jutge arriba a un marrit moment per las aspiracions electoralas de la còla d’LR. Mentre que la campanha electorala oficiala es pas començada, lo candidat François Fillon s’enfonza dins los sondatges a causa de l’afar apelat Penelopegate, un escàndol que tòca la femna e dos filhs del candidat LR a l’Elisi, qu’aurián recebut de salaris parlamentaris per d’emplecs que los realizèron pas.
L’afar Bygmalion
L’èx-president de la Republica Francesa, Nicolas Sarkozy, foguèt mes en examen lo 16 de febrièr passat de 2016 pel “finançament illegal” de sa campanha presidenciala de 2012, a causa d’un despassament del plafon dels comptes de campanha.
Après una audicion de 12 oras, los jutges del pòl financièr del tribunal de granda instància de París decidiguèron de plaçar l’èx-president francés jos l’estatut de testimòni assistit per “fals, escrocariá e abús de fisança”. O faguèron dins l’encastre de l’afar Bygmalion, un escàndol que se nomena coma la societat que faguèt de falsas facturas d’aperaquí 18,5 milions d’èuros per que l’UMP, lo partit de Sarkozy, poguèsse justificar de despensas qu’en realitat correspondián a la campanha electorala.
Amb Sarkozy i a ja 14 individús meses en examen per aquel afar, dont los caps de Bygmalion, mas tanben divèrses lidèrs de l’UMP coma l’èx-director general Eric Cesari e los dos responsables de la campanha, Guillaume Lambert e Jérôme Lavrilleux, qu’a reconegut sa participacion a l’afar.
En mai de Sarkozy, seràn tanplan jutjadas 13 personas, la majoritat de nauts responsables de son partit, Los Republicans (LR), ancianament nomenat Union per un Movement Popular (UMP).
Un marrit moment per Los Republicans
E mai se lo ministèri public financièr de París demandèt aquel remandament en justícia en setembre passat, la decision del jutge arriba a un marrit moment per las aspiracions electoralas de la còla d’LR. Mentre que la campanha electorala oficiala es pas començada, lo candidat François Fillon s’enfonza dins los sondatges a causa de l’afar apelat Penelopegate, un escàndol que tòca la femna e dos filhs del candidat LR a l’Elisi, qu’aurián recebut de salaris parlamentaris per d’emplecs que los realizèron pas.
L’afar Bygmalion
L’èx-president de la Republica Francesa, Nicolas Sarkozy, foguèt mes en examen lo 16 de febrièr passat de 2016 pel “finançament illegal” de sa campanha presidenciala de 2012, a causa d’un despassament del plafon dels comptes de campanha.
Après una audicion de 12 oras, los jutges del pòl financièr del tribunal de granda instància de París decidiguèron de plaçar l’èx-president francés jos l’estatut de testimòni assistit per “fals, escrocariá e abús de fisança”. O faguèron dins l’encastre de l’afar Bygmalion, un escàndol que se nomena coma la societat que faguèt de falsas facturas d’aperaquí 18,5 milions d’èuros per que l’UMP, lo partit de Sarkozy, poguèsse justificar de despensas qu’en realitat correspondián a la campanha electorala.
Amb Sarkozy i a ja 14 individús meses en examen per aquel afar, dont los caps de Bygmalion, mas tanben divèrses lidèrs de l’UMP coma l’èx-director general Eric Cesari e los dos responsables de la campanha, Guillaume Lambert e Jérôme Lavrilleux, qu’a reconegut sa participacion a l’afar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
1) Ah! Ah! Ah! Ah! Ah !
2) Lo precedent president faguèt çò mèsma, lo (o la) que vendrà farà exactament çò mèsma e serà plan segur inocentat coma totis los autres.
3) Bòf...
Sorkozy compareissirà pas au tribunau aqueste cop que dei dos jutges cargats de l'afaire n'i aguèt ren qu'un qu'aguèt signat e lei doas signaturas son necitas.per quand a Fillon,k remember, remember ditz Baudelaire, me remembri que nostre brave deputat socialista fai una trentena d'annadas aviá embauchat, son filh e un de sei nebots, ço que faguèt qu'a una reunion electorala de nostra communa una electriça professora li demandèt ço que pensava dau nepotisme; lo deputat sortent que foguèt reelegit manifestament entendiá aqueu mot per lo primier cop e faguèt una responsa entortolhada : se n'i a qu'èran partisan dau nepotisme, n'i a d'autres que li èran opausat. coma que ne'n siegue, eu li èra pas opausat ,bord que per son darrier mandat embauchèt sa mestressa assistenta parlamentària e dins son electorat totis troberiam aquo normau, a levat son esposa, de segur
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari