Actualitats
Montpelhièr: quatre detenguts per preparar un atemptat kamikaze a París
S’agís de tres òmes e d’una gojata de 16 ans, que, segon la polícia, volián cometre un atemptat amb un gilet explosiu dins un endrech toristic de la capitala francesa
La sosdireccion antiterrorista francesa arrestèt ièr divendres quatre personas a Montpelhièr per la presumida preparacion d’un atemptat kamikaze a París, çò rapòrtan los mèdias. “Los quatre suspèctes de 16, 20, 26 e 33 ans, son estats arrestats après la crompa d’acetòna”, que podiá servir a la confeccion d’un engenh explosiu, çò rapòrta una font policièra mençonada per Midi Libre, que se felicita d’un “projècte d’atemptat desjogat”. Dins l’apartament ont los an arrestats, an trobat 71 gramas de TATP e un laboratòri per sa fabricacion.
Los detenguts son una gojata de 16 ans e tres òmes, dont un aviá una relacion sentimentala amb la dròlla, del temps qu’un autre auriá donat l’òrdre de far l’atemptat e qu’un autre es considerat coma complice. Segon la cadena LCI, la gojata voliá cometre un atemptat kamikaze amb un gilet explosiu. Mas segon BFMTV, lo presumit suicidari seriá un dels òmes.
Captada suls rets socials
Segon Midi Libre, la jove filha seriá estada marcada suls rets socials après aver exprimit sa volontat de partir dins lo territòri contrarotlat per l’autoproclamat Estat Islamic o de far un atemptat en França.
D’autres detenguts a l’entorn
Lo jornal lengadocian apond que d’autras arrestacions sul meteis afar se tenguèron tanben a Montpelhièr, Clapièrs e Marcilhan. Lo suspècte arrestat a Clapièrs seriá originari de la vila de Charleville-Mézières, dins lo nòrd de França, ont una intervencion policièra seriá en cors.
Los detenguts son una gojata de 16 ans e tres òmes, dont un aviá una relacion sentimentala amb la dròlla, del temps qu’un autre auriá donat l’òrdre de far l’atemptat e qu’un autre es considerat coma complice. Segon la cadena LCI, la gojata voliá cometre un atemptat kamikaze amb un gilet explosiu. Mas segon BFMTV, lo presumit suicidari seriá un dels òmes.
Captada suls rets socials
Segon Midi Libre, la jove filha seriá estada marcada suls rets socials après aver exprimit sa volontat de partir dins lo territòri contrarotlat per l’autoproclamat Estat Islamic o de far un atemptat en França.
D’autres detenguts a l’entorn
Lo jornal lengadocian apond que d’autras arrestacions sul meteis afar se tenguèron tanben a Montpelhièr, Clapièrs e Marcilhan. Lo suspècte arrestat a Clapièrs seriá originari de la vila de Charleville-Mézières, dins lo nòrd de França, ont una intervencion policièra seriá en cors.
#Montpellier Interpellat° de 4 individus suspectés de préparer 1 attentat sur notre territoire: @BrunoLeRoux félicite les forces de l'ordre pic.twitter.com/gfpcjsYOTC
— Ministère Intérieur (@Place_Beauvau) 10 de febrer de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se pensava que a l'EI li donarian una pension de viudetat. N'hi ha que son beneitas .
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari