Actualitats
Las Illas Feròe votaràn l’autodeterminacion lo 25 d’abril de 2018
Las illas fan partida de Danemarc mas pas de l'Union Europèa e debaton se vòlon èsser un nòu estat independent
Lo govèrn de las Illas Feròe anoncièt dissabte passat que començariá d’elaborar una nòva Constitucion, que se votarà en agost de 2018. Aquela nòva Constitucion oficializarà lo drech d’autodeterminacion d’aquelas illas, que fan partida a l'ora d'ara del Reialme de Danemarc.
Lo primièr ministre de las Feròe, lo socialdemocrata Aksel V. Johannesen, faguèt publica la decision a travèrs d’un comunicat ont explica que “la Constitucion feroesa nos definirà coma nacion e definirà nòstres dreches, dont lo d’autodeterminacion”. La nòva Constitucion enebirà explicitament a Danemarc de prene cap de decision sus las illas sens consultar lor populacion.
Lo govèrn danés a exprimit dins las darrièras setmanas son malèsser sus aquel projècte e a afirmat que se las Feròe vòlon l'independéncia, o devon dire d’una faiçon clara per la poder negociar.
Las Illas Feròe son un grop d’illas de l’Atlantic Nòrd situadas entre las còstas d’Islàndia, d’Escòcia e de Norvègia. Fan partida del Reialme de Danemarc mas son un airal autonòm amb de poders fòrça largs. Per exemple, fan pas partida de l'Union Europèa, an una representacion internacionala pròpria e la capacitat de signar d'acòrdis amb d’estats.
Lo primièr ministre de las Feròe, lo socialdemocrata Aksel V. Johannesen, faguèt publica la decision a travèrs d’un comunicat ont explica que “la Constitucion feroesa nos definirà coma nacion e definirà nòstres dreches, dont lo d’autodeterminacion”. La nòva Constitucion enebirà explicitament a Danemarc de prene cap de decision sus las illas sens consultar lor populacion.
Lo govèrn danés a exprimit dins las darrièras setmanas son malèsser sus aquel projècte e a afirmat que se las Feròe vòlon l'independéncia, o devon dire d’una faiçon clara per la poder negociar.
Las Illas Feròe son un grop d’illas de l’Atlantic Nòrd situadas entre las còstas d’Islàndia, d’Escòcia e de Norvègia. Fan partida del Reialme de Danemarc mas son un airal autonòm amb de poders fòrça largs. Per exemple, fan pas partida de l'Union Europèa, an una representacion internacionala pròpria e la capacitat de signar d'acòrdis amb d’estats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Felictacions, espero que surti el SI.
Visca la Terra...Lliure!
L'Ernest, "El Tàrrega".
N'i a un que se pensava que i aviá quicòm de poirit dins lo reiaume de Dinamarca ! Qué se pòt dire alara del reiaume d’Espanha o de la republica de França?
Per ser independents s'ha pas de pagar o pagar quan se puga.
Ja o faguèron en abrial de 2004 e votèron majoritàriament a favor de l'independéncia. Lo problèma èra financièr: avián pas los mejans per remborsar Dinamarca (son deficitaris), èran tròp endeutats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari