Vladivostok es una vila coneguda mai que mai per aver la gara terminus del Transsiberian. Es a l’extrèm oriental de Russia, un endrech gaireben isolat ont los ivèrns o glaçan tot, quitament la mar. Mas durant l’estiu i arriban de toristas de pertot per vesitar sas plajas caleïdoscopicas. Aquí, la sabla sorna e volcanica es venguda tota plena de colors.

 

Un pauc mai al nòrd i a la baia d’Ussuri, coneguda familiarament coma la Baia del v
Veire. Pendent qualques decennis foguèt emplegat coma una descarga per las divèrsas fabricas de botelhas e de porcelana. Ara an retirat los regèts pus grands e toxics, mas an daissat un testimoniatge d’aquela inconsciéncia ecologica, e la sabla es amagada jos las colors de cairèls e veires de tota sòrta.