Actualitats
Lo ministèri public estúdia de mesuras contra Fillon
Estúdia doas opcions dins l’afar: dobrir una informacion judiciària o citar dirèctament lo candidat en correccionala. Lo classament sens seguida sembla desenant exclús
Lo ministèri public francés estúdia doas opcions dins l’afar Fillon: dobrir una informacion judiciària o citar dirèctament lo candidat en correccionala. Lo classament sens seguida sembla desenant exclús, çò rapòrta Le Journal du Dimanche.
Quina que siá la procedura, finiriá pas abans lo 17 de març, qu’es la data limit per la recepcion de las candidaturas a la presidenciala. Dins aquel cas, la magistratura poiriá declarar una “trèva electorala” e s’absténer de tota accion judiciària abans l’eleccion, que son primièr torn serà lo 23 d’abril que ven.
La molhèr de l’èx-primièr ministre francés, ara candidat a la presidenciala, auriá encaissat d’argent a causa d’emplecs fictius a l’Assemblada francesa. Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar. Precisèt qu’o fariá solament s’el èra mes en causa formalament.
La pèrda de popularitat de Fillon, qu'èra lo favorit a l’Elisi fins fa qualques setmanas, es un fach. Uèch franceses sus dètz creson pas las explicacions que balhèt, segon un sondatge qu’a elaborat Odoxa per France Info: segon aquela enquista d'opinion, lo 79% dels ciutadans son pas convencuts per las declaracions del candidat drechista. Demest los votants de drecha, son tanben majoritaris los que li fan pas fisança: lo 61%.
Tot comptat e rebatut, a consolidat las posicions de l’ultradrechista Marine Le Pen e del centrista Emmanuel Macron. Totes dos son los candidats que se disputan la presidéncia al segond torn, segon totes los sondatges.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Aquela practica nepotista semblariá pas brica estranha se prenèm en compte una informacion que la publiquèt Mediapart i a longtemps, çò es que l’Assemblada francesa remunerèt, l’an 2014, 52 esposas, 28 filhs e 32 filhas.
Quina que siá la procedura, finiriá pas abans lo 17 de març, qu’es la data limit per la recepcion de las candidaturas a la presidenciala. Dins aquel cas, la magistratura poiriá declarar una “trèva electorala” e s’absténer de tota accion judiciària abans l’eleccion, que son primièr torn serà lo 23 d’abril que ven.
La molhèr de l’èx-primièr ministre francés, ara candidat a la presidenciala, auriá encaissat d’argent a causa d’emplecs fictius a l’Assemblada francesa. Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar. Precisèt qu’o fariá solament s’el èra mes en causa formalament.
La pèrda de popularitat de Fillon, qu'èra lo favorit a l’Elisi fins fa qualques setmanas, es un fach. Uèch franceses sus dètz creson pas las explicacions que balhèt, segon un sondatge qu’a elaborat Odoxa per France Info: segon aquela enquista d'opinion, lo 79% dels ciutadans son pas convencuts per las declaracions del candidat drechista. Demest los votants de drecha, son tanben majoritaris los que li fan pas fisança: lo 61%.
Tot comptat e rebatut, a consolidat las posicions de l’ultradrechista Marine Le Pen e del centrista Emmanuel Macron. Totes dos son los candidats que se disputan la presidéncia al segond torn, segon totes los sondatges.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Aquela practica nepotista semblariá pas brica estranha se prenèm en compte una informacion que la publiquèt Mediapart i a longtemps, çò es que l’Assemblada francesa remunerèt, l’an 2014, 52 esposas, 28 filhs e 32 filhas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per la dreta la política és per guanhar diners.
Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar.
1) Als Occitans, als Catalans, als Bretons, als Basques, non, non lor a pas demandat perdon se que non solament de se calar, o de parlar francés…
2) Qu'aja demandat perdon als Franceses, de ges de biais non significa pas que los Franceses li ajan perdonat !!!
3) Refusa de demissionar. S'estima dins son dreit, donc es normal que non demissione. Mas lo dreit es lo dreit e lo dever es lo dever. La lei parlarà. E se li bastèsse de non demissionar per far perdre la dreita, tota la dreita, i comprés la dreita socialista e macronista, e mai per far perdre l'ultradreita, ieu, seriái tot simplament encantat que non demissionèsse.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari