CAPÇALERA PAIS INVISIBLE

Actualitats

SocietatPoliticaInternacional

Lo Tribunal Constitucional espanhòl anulla l’acòrdi del Parlament de Catalonha pel referendum

En mai d’aquò, espandís la procedura contra sa presidenta, Carme Forcadell, e uèch membres del burèu, ara castigadors al penal. Lo govèrn de la Generalitat assegura que res cambiarà pas

La cort constitucionala a espandit sa procedura contra la presidenta de la cambra catalana, Carme Forcadell, ara castigadoira al penal
La cort constitucionala a espandit sa procedura contra la presidenta de la cambra catalana, Carme Forcadell, ara castigadoira al penal
Lo Tribunal Constitucional espanhòl a anullat totes los acòrdis que prenguèt lo Parlament de Catalonha en octòbre de 2016, aprovats pel vòte majoritari dels partits independentistas (Junts pel Si e CUP), que sollicitavan del govèrn catalan de far un referendum sus l' independéncia abans lo mes de setembre que ven, que i aja un acòrdi amb lo govèrn de l’estat o non. En mai d’aquò, la cort constitucionala a espandit sa procedura contra la presidenta de la cambra catalana, Carme Forcadell, ara castigadoira al penal, e tanben contra uèch membres del burèu del Parlament, çò rapòrta VilaWeb.
 
Los jutges portaràn lors decisions al ministèri public, coma o sollicitava lo govèrn espanhòl.
 
Aquela decision arriba mentre qu’òm espèra la senténcia del jutjament mediatic de la setmana passada contra l’èx-president de la Generalitat de Catalonha Artur Mas, l’èx-vicepresidenta Joana Ortega e l’èx-conselhièra de l’ensenhament Irene Rigau. Los tres elegits èran davant los tribunals per aver organizat lo procès participatiu del 9 de novembre de 2014, acusats de desobesissença grèva, prevaricacion, malversacion de fonzes publics e usurpacion de foncions.
 
En seguida, la pòrtavotz del govèrn de la Generalitat de Catalonha, Neus Munté, assegurèt que la decision de la cort madrilenca pertocava pas los plans del govèrn catalan. “S’altèra pas brica nòstra volontat indubitabla de far un referendum ongan”, çò afirmèt.
 

 
 
“Es tornat, Franco?”
 
De soslinhar la reaccion de l’eurodeputada bèlga Helga Stevens sus Twitter. “Es tornat, Franco?”, çò se demanda. “Que s’es passat amb l’autonomia catalana, e amb la libertat d’expression e d’opinion? Que s’es passat amb l’autodeterminacion e lo respècte pels ciutadans?”, çò ditz, en tot mençonar una fiulada de l’eurodeputat catalan Ramon Tremosa, que conta en anglés la decision de la cort constitucionala espanhòla.
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Shelomon
3.

Una causa al mens sembla mai que clara : l'estat espanhòl s'eissuga lo cuol amb la dignitat democratica del pòble catalan. Sabi pas s'es de franquisme, mas es clar qu'es de racisme e de necitge totalitari.

  • 4
  • 0
francesc palma
2.

Lo Tribunal Constitucional dirigit pel PP que legesca la Constitucion, que parla de nacionalitats e regions. E que reconega la nacion catalana. Aquesta es la clau per la solucion del problema.

  • 4
  • 0
Emmanuèl Isopet
1.

Cal dire a Madrid, la crispacion ajuda pas las relacions unamas ni las politicas ; en mai gasta la digestion e lo som. "Keep cool" coma dison los vesins!

  • 5
  • 0

Escriu un comentari sus aqueste article