Actualitats
An arrestat l’eiretièr de Samsung per un escàndol de trafec d’influéncia e corrupcion
Las autoritats de la Corèa del Sud sospièchan que Lee donèt o prometèt de subornacions de 35 milions d’èuros per obténer l’autorizacion del govèrn per que fusione sas filialas
L’eiretièr de Samsung, Lee Jae Yong, foguèt detengut dijòus passat, acusat de corrupcion, dins l’encastre de l’escàndol de trafec d’influéncia que sas protagonistas son la presidenta sud-coreana, Park Geun–hye, e son amiga intima Choi Soon-sil.
Un tribunal del districte central de Seol dictèt dijòus un òrdre d’arrestacion contra lo “numèro dos” de la societat de tecnologia, e sul pic foguèt detengut, segon çò que rapòrta l’agéncia sud-coreana Yonhap.
Es atal que la justícia acceptèt la demanda del conselh independent que se carga de metre en examen aquel afar, que lo dimars sollicitèt pel segond còp que Lee foguèsse inculpat per corrupcion, malversacion e perjuri.
Dins la segonda demanda, los enquestaires sollicitèron d’apondre a Lee de nòvas acusacions, que, en mai de las mençonadas, i a de procediments criminals, coma violar la legislacion suls transferiments d’actius a l’estrangièr, e d’autres.
La cort de Seol considerèt que la detencion de Lee èra “necessària” pr’amor de las “nòvas cargas e pròvas”, mas per contra refusèt la demanda d’arrestar tanben lo president de Samsung Electronics, Park Sang Jin.
Las autoritats sud-coreanas sospièchan que Lee donèt o prometèt 43 miliards de wons (aperaquí 35 milions d’èuros) per subornar Choi, per fin qu’ela se serviguèsse de son amistat amb la presidenta del país e obtenguèsse que lo govèrn autorizèsse la fusion de doas filialas de Samsung en 2015.
Un tribunal del districte central de Seol dictèt dijòus un òrdre d’arrestacion contra lo “numèro dos” de la societat de tecnologia, e sul pic foguèt detengut, segon çò que rapòrta l’agéncia sud-coreana Yonhap.
Es atal que la justícia acceptèt la demanda del conselh independent que se carga de metre en examen aquel afar, que lo dimars sollicitèt pel segond còp que Lee foguèsse inculpat per corrupcion, malversacion e perjuri.
Dins la segonda demanda, los enquestaires sollicitèron d’apondre a Lee de nòvas acusacions, que, en mai de las mençonadas, i a de procediments criminals, coma violar la legislacion suls transferiments d’actius a l’estrangièr, e d’autres.
La cort de Seol considerèt que la detencion de Lee èra “necessària” pr’amor de las “nòvas cargas e pròvas”, mas per contra refusèt la demanda d’arrestar tanben lo president de Samsung Electronics, Park Sang Jin.
Las autoritats sud-coreanas sospièchan que Lee donèt o prometèt 43 miliards de wons (aperaquí 35 milions d’èuros) per subornar Choi, per fin qu’ela se serviguèsse de son amistat amb la presidenta del país e obtenguèsse que lo govèrn autorizèsse la fusion de doas filialas de Samsung en 2015.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En mai d'aquò Samsung vend de mèrda. Darrièrament s'es vist que de concorses ninòis dins los mèdia-bordilhas propausan de Samsung coma cadèu. Devon cercar un bais de se'n desfar. Fa quicòm coma un an que dins los avions demandan als passagièrs de montar pas a bòrd amb de telefonets Samsung. Se vei que pòdon provocar de panica a bòrd. A! l'excelléncia asiatica! N'i a qu'an pas qu'aquò a la boca. Mentretant nos emplenan lo monde d'escobilhas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari