Actualitats
Las melhoras aigas gasosas del Mond son occitanas
D’aigas embotelhadas en Lengadòc e Auvèrnhe venon d’èsser distinguidas pel primièr Concors Internacional de las Aigas Gourmet
La melhora aiga gasosa del Mond ven de Lengadòc. Embotelhada a l’Amalon (Espinosa), l’aiga Vernière ven d’èsser distinguida pel primièr Concors Internacional de las Aigas Gourmet (Bocafina, en lenga nòstra), demest 50 aigas mineralas que provenon de 20 païses diferents, çò rapòrta Le Figaro. A la 2a posicion d’aquela categoria i a l’aiga de Sant Geronç (Brivadés) e a la 3a la de Chasteladon (Montanha Borbonesa). En mai d’aquò, dins aquela categoria, tanben las 5a e 6a aigas gasosas guierdonadas son embotelhadas en Auvèrnhe.
D’autras aigas occitanas son estadas distinguidas coma l’aiga de Trainhac (País d’Usèrcha) qu’a recebut lo 2d prèmi de la categoria plata leugièra, o l’aiga Chantemerle, mesa en botelha a Mairàs (Cevena Vivaresa), que l’an distinguida amb un diplòma Gourmet dins las categorias plata mixta e gasosa leugièra.
La primièra edicion internacionala d’aquel concors, organizat a París per l’Agéncia per la Valorizacion dels Produches Agricòlas (AVPA), desvelèt lo 4 de febrièr passat son palmarès de las melhoras aigas mineralas del Mond.
Al nivèl mondial, lo mercat de las aigas embotelhadas es a créisser de mai en mai. Lo consume es passat de 9 litres per persona en 1999 a 27 litres en 2013. L’estat francés n’es lo primièr exportator mondial.
Vesètz la lista de las aigas recompensadas dins lo document çai jonch.
D’autras aigas occitanas son estadas distinguidas coma l’aiga de Trainhac (País d’Usèrcha) qu’a recebut lo 2d prèmi de la categoria plata leugièra, o l’aiga Chantemerle, mesa en botelha a Mairàs (Cevena Vivaresa), que l’an distinguida amb un diplòma Gourmet dins las categorias plata mixta e gasosa leugièra.
La primièra edicion internacionala d’aquel concors, organizat a París per l’Agéncia per la Valorizacion dels Produches Agricòlas (AVPA), desvelèt lo 4 de febrièr passat son palmarès de las melhoras aigas mineralas del Mond.
Al nivèl mondial, lo mercat de las aigas embotelhadas es a créisser de mai en mai. Lo consume es passat de 9 litres per persona en 1999 a 27 litres en 2013. L’estat francés n’es lo primièr exportator mondial.
Vesètz la lista de las aigas recompensadas dins lo document çai jonch.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Coma dis lo gal.... OCOCOCOOOOO...... mai tambe doblidtez pas lo proverbi .... un pauc gelòs ... "l'Amalon sas de sòus porta lo sas de mal garda lo..."
L'Amalon o La Maló ?
La melhor aiga, los melhors vins, la melhor cosina, lo melhor clima, la melhor música, la melhor lenga derivada del latin, los melhors trobadors e trobairitz., la terra,los arbres, la vegetacion, e lo cel mai polit, la gent mai agradiva,.....per començar.
Dins lo document junt, vesèm que Corsega apareis dins la colona "pays" ;)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari