Actualitats
L’estat francés legaliza l’autoproduccion e l’autoconsume d’electricitat
Lo parlament a aprovat una lei que legaliza l’autoconsume energetic e faculta las operacions restacadas a la produccion pròpria d'energia
Lo parlament francés a dich enfin de òc a l’autoconsume d’electricitat. Après l’Assemblada francesa, lo Senat a aprovat lo tèxt d’un projècte de lei establit per una comission mixta parlamentària, amb la tòca de favorir lo consume, per tot particular o tota entrepresa, de corrent qu’autoprodutz, mai que mai gràcias a de panèls solars, çò rapòrta La Tribune.
Per tant, lo projècte de lei legaliza l’autoconsume energetic de las collectivitats e obliga las companhiás que gerisson los rets de distribucion de facultar las operacions restacadas a la produccion pròpria d'energia. Se prevei egalament de tarifas adaptadas a las installacions d’autoconsume e de reduccions tarifàrias per l'usatge d'energias renovelablas.
S'agís d'una reüssida de las bèlas dins lo procès de transicion energetica dins l’estat francés, lo pus nuclearizat d’Euròpa puèi que lo 77% de son energia electrica proven de la fission atomica.
Mentretant, dins l’estat espanhòl, l’autoconsume d’electricitat es enebit per la lei que prevei de multas de 30 milions d’èuros s’òm capta l’energia del Solelh per far d’electricitat.
Per tant, lo projècte de lei legaliza l’autoconsume energetic de las collectivitats e obliga las companhiás que gerisson los rets de distribucion de facultar las operacions restacadas a la produccion pròpria d'energia. Se prevei egalament de tarifas adaptadas a las installacions d’autoconsume e de reduccions tarifàrias per l'usatge d'energias renovelablas.
S'agís d'una reüssida de las bèlas dins lo procès de transicion energetica dins l’estat francés, lo pus nuclearizat d’Euròpa puèi que lo 77% de son energia electrica proven de la fission atomica.
Mentretant, dins l’estat espanhòl, l’autoconsume d’electricitat es enebit per la lei que prevei de multas de 30 milions d’èuros s’òm capta l’energia del Solelh per far d’electricitat.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que atal sia es la causa mai naturala. Lo que seria pas natural seria que enibissen d'haver plaques solars.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari