Actualitats
Amnestia Internacionala avertís de l’imposicion del discors de l’òdi dins lo Mond
L’organizacion senhala qualques dirigents politics coma responsables d’aquel discors coma Orbán, Erdoğan Duterte o Trump
Amnestia Internacionala avertís de l’imposicion del discors de l’òdi dins lo Mond. “Un sorn viatge dins lo temps a respècte de la situcion dels dreches umans” que fa que lo Mond actual semble de mai en mai lo dels ans 1930, çò ditz l’organizacion pacifista internacionala, que dins son darrièr rapòrt annal constata una reculada globala dels dreches umans e l’espandiment del messatge de la paur de la part de dirigents coma Trump, Orbán, Erdoğan o Duterte.
L’organizacion internacionala a centrat son darrièr rapòrt annal sul messatge de l’òdi, qu’a crescut durant l’an 2016 en fasent aflorar lo costat mai escur de l’òme. Dins aquel sens, l’organizacion cita qualques dirigents politics coma responsables d’un discors qu’a portat lo Mond a la division politica e a la colèra, coma l’ongrés Viktor Orbán, lo turc Recep Tayyip Erdoğan o lo filipin Rodrigo Duterte. L’ONG tanben cranh que se pòsca prene coma modèl la victòria electorala de Donald Trump per legitimar dins d’autres païses de posicions contra los dreches e las libertats, e per ansin mençona los discorses xenofòbs que lo nòu president estatsunidenc faguèt pendent sa campanha electorala.
Per quant als dreches de las personas migrantas e refugiadas, lo rapòrt assegura que son 36 los païses qu’an violat lo drech internacional en las expulsant illegalament devèrs de païses ont lors dreches son clarament menaçats, e acusa los politicians e los govèrns d’o tolerar e d’o fomentar. Davant la manca de reaccion politica, lo secretari general de l’organizacion, Salil Shetty, fa una crida als ciutadans per que se mobilizen, e cita coma exemple la manifestacion de dissabte passat a Barcelona en favor de l’aculhença dels refugiats.
Un an 2017 alarmant
Amnestia Internacionala avertís que las crisis de l’an passat riscan de “s’exacerbar” durant l’an 2017 a causa de “l’abséncia de la volontat politica en matèria de dreches umans”. L'organizacion vei “una scèna internacionala instabla” amb “una longa lista de crisis sens que se constate una volontat reala de las resòlvre", en tot mençonar Siria, Iemèn, Libia, Afganistan, Burundi, Iraq e lo Sodan del Sud, demest d'autres luòcs.
En mai d’aquò, lo rapòrt soslinha que, l’an passat, se cometèt de crimes de guèrra dins 23 païses, e que fàcia a 2017 los governants considèran que los dreches umans “son un obstacle pels dreches nacionals”, çò “qu’afeblís considerablament la lucha contra las atrocitats comesas dins la planeta”.
L’organizacion internacionala a centrat son darrièr rapòrt annal sul messatge de l’òdi, qu’a crescut durant l’an 2016 en fasent aflorar lo costat mai escur de l’òme. Dins aquel sens, l’organizacion cita qualques dirigents politics coma responsables d’un discors qu’a portat lo Mond a la division politica e a la colèra, coma l’ongrés Viktor Orbán, lo turc Recep Tayyip Erdoğan o lo filipin Rodrigo Duterte. L’ONG tanben cranh que se pòsca prene coma modèl la victòria electorala de Donald Trump per legitimar dins d’autres païses de posicions contra los dreches e las libertats, e per ansin mençona los discorses xenofòbs que lo nòu president estatsunidenc faguèt pendent sa campanha electorala.
Per quant als dreches de las personas migrantas e refugiadas, lo rapòrt assegura que son 36 los païses qu’an violat lo drech internacional en las expulsant illegalament devèrs de païses ont lors dreches son clarament menaçats, e acusa los politicians e los govèrns d’o tolerar e d’o fomentar. Davant la manca de reaccion politica, lo secretari general de l’organizacion, Salil Shetty, fa una crida als ciutadans per que se mobilizen, e cita coma exemple la manifestacion de dissabte passat a Barcelona en favor de l’aculhença dels refugiats.
Un an 2017 alarmant
Amnestia Internacionala avertís que las crisis de l’an passat riscan de “s’exacerbar” durant l’an 2017 a causa de “l’abséncia de la volontat politica en matèria de dreches umans”. L'organizacion vei “una scèna internacionala instabla” amb “una longa lista de crisis sens que se constate una volontat reala de las resòlvre", en tot mençonar Siria, Iemèn, Libia, Afganistan, Burundi, Iraq e lo Sodan del Sud, demest d'autres luòcs.
En mai d’aquò, lo rapòrt soslinha que, l’an passat, se cometèt de crimes de guèrra dins 23 païses, e que fàcia a 2017 los governants considèran que los dreches umans “son un obstacle pels dreches nacionals”, çò “qu’afeblís considerablament la lucha contra las atrocitats comesas dins la planeta”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari