Actualitats
An dobèrt una investigacion judiciària contra Fillon
Lo ministèri public francés a dobèrt una instruccion per las acusacions de malversacion de fonzes publics, d’abús de bens socials, de complicitat e recelament e tanben de trafec d’influéncias
Lo ministèri public francés a dobèrt una informacion judiciària contra François Fillon, lo candidat a la presidenciala francesa del partit drechista Los Republicans. En seguida de l’enquèsta preliminara entamenada lo 25 de genièr, lo ministèri public de las finanças a dobèrt l’investigacion judiciària suls elements d'acusacion de malversacion de fonzes publics, d’abús de bens socials e de complicitat e recelament d’aqueles delictes contra François Fillon e sa molhèr Penelope, çò rapòrta Le Monde.
La molhèr de l’èx-primièr ministre francés, ara candidat a la presidenciala, auriá encaissat d’argent a causa d’emplecs fictius a l’Assemblada francesa. Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar. Precisèt qu’o fariá solament s’el èra mes en causa formalament.
La pèrda de popularitat de Fillon, qu'èra lo favorit a l’Elisi fins fa qualques setmanas, es un fach. Uèch franceses sus dètz creson pas las explicacions que balhèt, segon un sondatge qu’a elaborat Odoxa per France Info: segon aquela enquista d'opinion, lo 79% dels ciutadans son pas convencuts per las declaracions del candidat drechista. Demest los votants de drecha, son tanben majoritaris los que li fan pas fisança: lo 61%.
Tot comptat e rebatut, a consolidat las posicions de l’ultradrechista Marine Le Pen e del centrista Emmanuel Macron. Totes dos son los candidats que se disputan la presidéncia al segond torn, segon totes los sondatges.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Aquela practica nepotista semblariá pas brica estranha se prenèm en compte una informacion que la publiquèt Mediapart i a longtemps, çò es que l’Assemblada francesa remunerèt, l’an 2014, 52 esposas, 28 filhs e 32 filhas.
La molhèr de l’èx-primièr ministre francés, ara candidat a la presidenciala, auriá encaissat d’argent a causa d’emplecs fictius a l’Assemblada francesa. Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar. Precisèt qu’o fariá solament s’el èra mes en causa formalament.
La pèrda de popularitat de Fillon, qu'èra lo favorit a l’Elisi fins fa qualques setmanas, es un fach. Uèch franceses sus dètz creson pas las explicacions que balhèt, segon un sondatge qu’a elaborat Odoxa per France Info: segon aquela enquista d'opinion, lo 79% dels ciutadans son pas convencuts per las declaracions del candidat drechista. Demest los votants de drecha, son tanben majoritaris los que li fan pas fisança: lo 61%.
Tot comptat e rebatut, a consolidat las posicions de l’ultradrechista Marine Le Pen e del centrista Emmanuel Macron. Totes dos son los candidats que se disputan la presidéncia al segond torn, segon totes los sondatges.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Aquela practica nepotista semblariá pas brica estranha se prenèm en compte una informacion que la publiquèt Mediapart i a longtemps, çò es que l’Assemblada francesa remunerèt, l’an 2014, 52 esposas, 28 filhs e 32 filhas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta es la democràciaI de l'UE: un que aima los diners dels altres, o una d'extrema dreta. Una merda tot plegat.
Enfadas e intrigas de palatz a cò de la parisencalha. Concretament quin interès per nosautres occitans ? Pas cap.
Es pas mas la debuta d'informacions judiciaires que van tocar una bona partida de l'elita politica francesa coma quò se passa aus Etats-Unis o dau costat dau vatican. Son nonmas a crebar l'abscès.
Laissam Macron e Le Pen tranquiles. Occupam-nos pus leu de nòstres, daus occitans e de l'Occitania. Es lo moment de s'afirmar en tant qu'occitans e pas de purar sur nòs politics
siái pensionat e toqui una soma de 974 euros 11 cade mes, lo coifur qu'Hollande a embauchat per s'ocupar de sa bèutat capilària es pagat 9 500 euros cade mes, son conselher que Macron ne prenguèt lo posta despensava cade mes 3 o 4 000 euros pagats per l'Elisèu per li cerar las pompas, tot aquo legau, ei pas de presa d'interes o de suborn, coma ço que reprochan a Fillon, qu'al mens a fach trabalhar sa familha e que se ço pot reprochar en totes los deputats
lei jutges roges , sota la bandiera socialista, an capitat de desquilhar Fillon e dobti que podrà se repatinar, l'intencion de li noïre es undubitabla, d'aguer chausit aquèu periode electorau per li riblar lo clavèu. doncas bon profiech per Marine Le Pen e lo joinet despenja-figa Macron que s'afrontaràn au segond torn. e lo naufrage de Hamon ne sarà que mai coïsènt e lei bracejaments de Mèlanchon serviràn pas de ren. Au menut liberalisme, Europa e immigracion descabestrada o ben nacionalisme vielhassos, dirigisme economic e frontieras ben gardadas, belèu que entanterin l'aumentacion dei taussas d'interès nos aurà precipitat dins l'estatut de la Grèça puissança 100
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari