Los 5, 6 e 7 d’octòbre se debanarà a Santa Fe la Granda e dins cinc autras comunas de Brageiragués lo festenal pluridisciplinari “Occitània mon amor” amb de conferéncias, de filmes, de concèrts, d’espectacles e l’exposicion “Gironda occitana” de Patric Lavaud.
 
Per aquela tresena edicion del festenal, la comuna de Santa Fe la Granda e la comunautat de comunas del país, qu’an una remarcabla consciéncia d’occitanitat, an renovat lo lor partenariat.
 
La tresena edicion del festenal “Occitània mon amor” se debanarà dins sièis vilas e aculhirà entre d’autres Claudi Martí, Bernat Combi, Laurence Bourdin, Olivier Peirat, Daniel Chavaroche, Sylvain Roux, Monique Burg e d’autres.
 
Cal soslinhar que clavarà lo festenal un espectacle dels calandrons de Peireguers (Peiregòrd Central).
 
Podètz veire lo programa çai jonch. Ça que la, per mai d’informacions podètz vesitar lo sit web del festenal. Per de reservacions cal sonar los +33(0)5 57 46 10 84 o +33(0)5 53 61 55 46.