capçalera campanha

Actualitats

PoliticaInternacional

Corsega aurà sa collectivitat unica

L’Assemblada francesa a ratificat la futura collectivitat de Corsega, que foncionarà a partir de 2018 del meteis biais que Martinica e Guaiana

L’Assemblada francesa ratifiquèt, lo 22 de febrièr passat a mièjanuèch, lo projècte de lei sus las tres ordonanças que crèan la futura collectivitat de Corsega, amb los vòtes favorables de totes los deputats presents, levat los del partit drechista nomenat Los Republicans. Pasmens, solament un quinzenat de parlamentaris èran dins l’emicicle. La satisfaccion en Corsega èra màger per aquel fach “istoric pel pòble còrs”, coma o disiá Alta Frequenza.
 
La collectivitat unica de Corsega fusionarà, a partir del 1r de genièr de 2018, tres institucions actualas: la collectivitat territoriala e los dos departaments. Es lo meteis modèl que seguisson Martinica e Guaiana, e es un cambiament qu’a lo sosten de la coalicion autonomista e independentista del govèrn de Corsega.
 
Lo president de l’Assemblada de Corsega, Jean-Guy Talamoni, remembrèt que lo movement corsista o esperava dempuèi “40 ans”. Gilles Simeoni, lo president del conselh executiu, çò es lo govèrn còrs, o qualifiquèt de “grand pas pel país“, pr’amor que se concentraràn dins un sol poder public còrs totas las competéncias qu’an, separadament, las regions e los departaments. I aurà d’eleccions per la nòva Assemblada de la collectivitat unica en decembre, çò rapòrta La Croix.
 
 
 
 
 


abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

"Tàrrega" Igualada (PP.CC.)
4.

Vinga, vinga, mes, això comença a avançar, i que no s'aturi, i quan mes millor!
Visca la terra...Lliure!
L'Ernest, "El Tàrrega".

  • 0
  • 0
Ernèst Guevara Jr.
3.

#1 Los Franceses (politics) non respèctan que la fòrça. Los independentistas de Corsega an emplegat longtemps la fòrça e ara son respectats. Los qu'an ensajat de discutir amb lo dreit (dels pòbles a dispausar d'eles meteisses, per exemple), los Franceses non lor an acordats que de mendicalha, res mai. Fa que la politica francesa (fondamentalament barbara, puèi que non respectuosa del dreit) es una incitacion permanenta al terrorisme…

  • 0
  • 0
Clementina Solinhac GALIZA
2.

La lenga còrsa i serà oficiala?

  • 3
  • 0
francesc palma
1.

Per un cop l'assemblada francesa ho ha fait ben. Ja era hora qu' en faguessin una de ben feta.

  • 3
  • 0

Escriu un comentari sus aqueste article