Actualitats
Alemanha decorarà pas los policièrs italians qu’abatèron Amri
E mai se l’estat italian los considèra coma d’eròis, lo govèrn de Merkel vòl pas ignorar qu’aqueles agents fan l’apologia del faissisme
Lo suspècte d’aver perpetrat l’atemptat contra lo mercat nadalenc de Berlin que daissèt un dotzenat de victimas mortalas e de mai d’un cinquantenat de ferits, moriguèt dins una fusilhada amb la polícia italiana a Milan (Lombardia), quatre jorns après l’atemptat. Amri aviá tirat contra dos agents, Cristian Movio e Luca Scatà,
quand ensagèron de l’arrestar per li demandar sos documents d’identitat, e los agents l'abatèron. Un dels policièrs foguèt ferit.
Angela Merkel saludèt l’accion de Movio e Scatà, mas los ministres alemands decidiguèron de los decorar pas, e mai se l’estat italian los considerèt coma d’eròis. La rason n’es que dins lors perfils de Facebook e d’Instagram, los dos policièrs avián publicat de fotografias e de comentaris de tendéncia ultradrechista, çò rapòrta Directa. Scatà, l'agent que tirèt sus Amri, aviá publicat de fòtos sus Instagram ont fasiá la saludacion faissista del braç levat, d’imatges de Mussolini “traït pels infames” e de messatges critics amb la celebracion del 25 d'abril, jorn de la liberacion del nazisme e del faissisme en Itàlia. Movio, l'agent nafrat, partejava de publicacions sus Facebook de natura racista e xenofòba.
En mai d’aquò, Directa tanben rapòrta qu’es pas lo primièr cas que se documenta l’afinitat de la polícia italiana amb l’ultradrecha, que proven dels ans 1970.
quand ensagèron de l’arrestar per li demandar sos documents d’identitat, e los agents l'abatèron. Un dels policièrs foguèt ferit.
Angela Merkel saludèt l’accion de Movio e Scatà, mas los ministres alemands decidiguèron de los decorar pas, e mai se l’estat italian los considerèt coma d’eròis. La rason n’es que dins lors perfils de Facebook e d’Instagram, los dos policièrs avián publicat de fotografias e de comentaris de tendéncia ultradrechista, çò rapòrta Directa. Scatà, l'agent que tirèt sus Amri, aviá publicat de fòtos sus Instagram ont fasiá la saludacion faissista del braç levat, d’imatges de Mussolini “traït pels infames” e de messatges critics amb la celebracion del 25 d'abril, jorn de la liberacion del nazisme e del faissisme en Itàlia. Movio, l'agent nafrat, partejava de publicacions sus Facebook de natura racista e xenofòba.
En mai d’aquò, Directa tanben rapòrta qu’es pas lo primièr cas que se documenta l’afinitat de la polícia italiana amb l’ultradrecha, que proven dels ans 1970.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per matar a una persona se li ha de donar pas una medalha a nengun. E mai sabent qu'eran policias fachas italians.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari