Actualitats
Montredon: dimenge que ven, remembraràn la tragèdia de 1976
Lo 4 de març de 1976, los afrontaments dels vinhairons en lucha amb la polícia (CRS) arribèron al drama
Dimenge que ven, 5 de març, se commemorarà a Montredon (Corbièras) la tragèdia del 4 de març de 1976. Lo sindicat dels Vinhairons, amb lo sosten de qualques collectius occitanistas, dont País Nòstre, cridan a se recampar a 11h30 davant l’estèla d'Emile Pouytés.
La tragèdia del 4 de març de 1976
Lo 4 de març de 1976 a Montredon, los afrontaments dels vinhairons en lucha amb la polícia (CRS) arribèron al drama. Doas personas mòrtas, un vinhairon e un policièr, de nombroses ferits e un traumatisme durable pel mond vinhairon, ansin foguèt lo bilanç de la lucha del sector viticòla. Las protèstas dels vinhairons, a causa de la davalada dels prèses e de las importacions dels vins d’Itàlia, non quitavan de créisser, del temps que las violéncias policièras sens limit ordenadas pel ministre de l’Interior d’alara, Michel Poniatowski, passèron tanplan l’òsca. Après la tragèdia de Montredon, la protèsta dels vinhairons s’acabèt sul pic.
“Viure e trabalhar al país”
Cada annada, aquel anniversari se remembra de manièra silenciosa, e arunan se commemorèt amb un caractèr especialament solemne car èra lo 40n anniversari de la fusilhada, e foguèt marcat per divèrsas presas de paraulas, jos un capitèl plaçat a qualques centenats de mètres del luòc del drama. “Çò que volèm es viure e trabalhar al país”, çò diguèt alara lo president del Sindicat dels Vinhairons d’Aude, Frédéric Rouanet, qu’evocava “lo trist anniversari”. Tanben los ancians responsables dels Comitats d’Accion Viticòla, André Cases, Jacques Serre e Jacques Mestre, remembrèron la fusilhada. Clavèt l’acte lo discors del senator socialista Roland Courteau.
La tragèdia del 4 de març de 1976
Lo 4 de març de 1976 a Montredon, los afrontaments dels vinhairons en lucha amb la polícia (CRS) arribèron al drama. Doas personas mòrtas, un vinhairon e un policièr, de nombroses ferits e un traumatisme durable pel mond vinhairon, ansin foguèt lo bilanç de la lucha del sector viticòla. Las protèstas dels vinhairons, a causa de la davalada dels prèses e de las importacions dels vins d’Itàlia, non quitavan de créisser, del temps que las violéncias policièras sens limit ordenadas pel ministre de l’Interior d’alara, Michel Poniatowski, passèron tanplan l’òsca. Après la tragèdia de Montredon, la protèsta dels vinhairons s’acabèt sul pic.
“Viure e trabalhar al país”
Cada annada, aquel anniversari se remembra de manièra silenciosa, e arunan se commemorèt amb un caractèr especialament solemne car èra lo 40n anniversari de la fusilhada, e foguèt marcat per divèrsas presas de paraulas, jos un capitèl plaçat a qualques centenats de mètres del luòc del drama. “Çò que volèm es viure e trabalhar al país”, çò diguèt alara lo president del Sindicat dels Vinhairons d’Aude, Frédéric Rouanet, qu’evocava “lo trist anniversari”. Tanben los ancians responsables dels Comitats d’Accion Viticòla, André Cases, Jacques Serre e Jacques Mestre, remembrèron la fusilhada. Clavèt l’acte lo discors del senator socialista Roland Courteau.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal remembrar que lo Poniatowski cercava l'afrontament. Lo tren èra un tren pretèxt que deviá demorar en gara. Se trachava de causar qualques blavairòls e un pauc de sang -pas de tuar çaquelà, mas quand òm jòga a un jòc dangierós...- per espantar los vinhairons.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari