Actualitats
Fillon manten sa candidatura malgrat sa convocacion pels jutges
Lo candidat denóncia un “assassinat politic” e assegura que se presentarà davant los jutges per lor portar “[sa] vertat, la vertat”
François Fillon manten sa candidatura a l’Elisi malgrat sa convocacion per mesa en examen lo 15 de març que ven, çò rapòrta Le Monde. “Serai candidat”, çò assegurèt ièr dimars dins una conferéncia de premsa, en defendent que son los franceses qu’o devon decidir. En mai d’aquò, lo candidat a la presidenciala francesa del partit drechista Los Republicans (LR) prometèt de se presentar davant los jutges per lor portar “[sa] vertat, la vertat”. Dins aquel sens, reïterèt qu'el aviá pas agit pas indegudament en engatjar sa femna e sos enfants coma assistents parlamentaris.
“Cedirai pas, me rendrai pas, me retirarai pas, anarai fins al cap, pr’amor qu’al delà de ma persona es la democracia qu’es desfisada”, çò diguèt Fillon, que quitament parlèt “d’assassinat politic”. “Es un assassinat, d’efièch. Per aquel descadenament desproporcionat, per aquela causida d’aquel calendièr, e soi pas ieu solament qu’òm assassina, es l’eleccion presidenciala”, çò apondèt.
Sa femna, Penelope Fillon, es tanben convocada davant la justícia en vista d’una eventuala mesa en examen, çò rapòrta Le Figaro.
Campanha impossibla
L’afar Fillon a tenduda la campanha de l’eleccion presidenciala. Quitament, durant la conferéncia de premsa del candidat, Bruno Le Maire demissionèt de sa còla de campanha.
Lo jornal Libération a publicat un comptador en linha dels elegits e politicians drechistas e centristas qu’abandonan Fillon.
D’un autre costat, segon Le Figaro, la presidenta LR de l’Illa de Franca, Valérie Pécresse, a participat a l’organizacion d’una manifestacion de sosten a François Fillon, prevista dimenge a París.
E aquela polarizacion se poguèt remarcar al salon de l’agricultura de París, ont la molonada cridava, d’un costat, “Fillon president”, del temps que d’autres cridavan: “En preson!”.
La molhèr de l’èx-primièr ministre francés, ara candidat a la presidenciala, auriá encaissat d’argent a causa d’emplecs fictius a l’Assemblada francesa. Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar. Precisèt qu’o fariá solament s’el èra mes en causa formalament.
La pèrda de popularitat de Fillon, qu'èra lo favorit a l’Elisi fins fa qualques setmanas, es un fach. Uèch franceses sus dètz creson pas las explicacions que balhèt, segon un sondatge qu’a elaborat Odoxa per France Info: segon aquela enquista d'opinion, lo 79% dels ciutadans son pas convencuts per las declaracions del candidat drechista. Demest los votants de drecha, son tanben majoritaris los que li fan pas fisança: lo 61%.
Tot comptat e rebatut, a consolidat las posicions de l’ultradrechista Marine Le Pen e del centrista Emmanuel Macron. Totes dos son los candidats que se disputan la presidéncia al segond torn, segon totes los sondatges.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Aquela practica nepotista semblariá pas brica estranha se prenèm en compte una informacion que la publiquèt Mediapart i a longtemps, çò es que l’Assemblada francesa remunerèt, l’an 2014, 52 esposas, 28 filhs e 32 filhas.
“Cedirai pas, me rendrai pas, me retirarai pas, anarai fins al cap, pr’amor qu’al delà de ma persona es la democracia qu’es desfisada”, çò diguèt Fillon, que quitament parlèt “d’assassinat politic”. “Es un assassinat, d’efièch. Per aquel descadenament desproporcionat, per aquela causida d’aquel calendièr, e soi pas ieu solament qu’òm assassina, es l’eleccion presidenciala”, çò apondèt.
Sa femna, Penelope Fillon, es tanben convocada davant la justícia en vista d’una eventuala mesa en examen, çò rapòrta Le Figaro.
Campanha impossibla
L’afar Fillon a tenduda la campanha de l’eleccion presidenciala. Quitament, durant la conferéncia de premsa del candidat, Bruno Le Maire demissionèt de sa còla de campanha.
Lo jornal Libération a publicat un comptador en linha dels elegits e politicians drechistas e centristas qu’abandonan Fillon.
D’un autre costat, segon Le Figaro, la presidenta LR de l’Illa de Franca, Valérie Pécresse, a participat a l’organizacion d’una manifestacion de sosten a François Fillon, prevista dimenge a París.
E aquela polarizacion se poguèt remarcar al salon de l’agricultura de París, ont la molonada cridava, d’un costat, “Fillon president”, del temps que d’autres cridavan: “En preson!”.
Des "Fillon président" sont aussitôt couverts par des huées et des "En prison". Un résumé de la campagne impossible... pic.twitter.com/HFT9lzSkSb
— Matgoa (@Matgoa) 1 de març de 2017
La molhèr de l’èx-primièr ministre francés, ara candidat a la presidenciala, auriá encaissat d’argent a causa d’emplecs fictius a l’Assemblada francesa. Fillon demandèt perdon als franceses per l’escàndol mas insistiguèt per dire que los emplecs èran legals e refusèt de demissionar. Precisèt qu’o fariá solament s’el èra mes en causa formalament.
La pèrda de popularitat de Fillon, qu'èra lo favorit a l’Elisi fins fa qualques setmanas, es un fach. Uèch franceses sus dètz creson pas las explicacions que balhèt, segon un sondatge qu’a elaborat Odoxa per France Info: segon aquela enquista d'opinion, lo 79% dels ciutadans son pas convencuts per las declaracions del candidat drechista. Demest los votants de drecha, son tanben majoritaris los que li fan pas fisança: lo 61%.
Tot comptat e rebatut, a consolidat las posicions de l’ultradrechista Marine Le Pen e del centrista Emmanuel Macron. Totes dos son los candidats que se disputan la presidéncia al segond torn, segon totes los sondatges.
L’argent que lo recebèt sa femna
La femna de Fillon encaissèt doas indemnitats per cessament d’emplec de l’Assemblada Nacionala, per un total de 45 000 èuros, segon una informacion que la publiquèt la revista Le Canard Enchaîné, que descobriguèt l’escàndol dels emplecs presumits fictius de Dòna Fillon.
Segon aquel setmanièr, la femna del candidat encaissèt 900 000 èuros, gràcias a una tièra d’emplecs que los realizèt pas, principalament una tasca fictiva d’assistenta parlamentària de son marit.
Aquela practica nepotista semblariá pas brica estranha se prenèm en compte una informacion que la publiquèt Mediapart i a longtemps, çò es que l’Assemblada francesa remunerèt, l’an 2014, 52 esposas, 28 filhs e 32 filhas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Buòh! Fillon lo piós qu’ostenta exactament la forma de pietat qui encitè lo papa Francés a denonciar catolics d’aqueste escantilh. “Quantes còps am entenut a díser: s’ei catolica aquesta persona, mei varré qu’estossi atèa?” ce prediquè. (E rai deus milierats d’atèus qui pròvan cada jorn qu’an mei empatia, mei consciéncia sociau, mei respècte deus demei e de la vòsta sacrosenta "creacion" que tandes minjadiu isanhós com vos.)
#13 Ten pas la logica de pensar qu'es lo Shark-òzi. S'èra el, auriá lançada la bomba pendent las primàrias de la drecha. Pas aprèp, i tròp pas cap d'interès, al contrari.
Pòt pas qu'èsser Macron o qualqu'un de son entoratge : amb l'accès a Bercy, i a pas qu'el que podiá saber qui embauchava qual(a) a l'assemblada, e qui aprofiechava malonestament dels sòuses publics. I a pas qu'el que pòt aprofiechar d'una drecha decridibilisada.
En mai d'aquò, imagini fòrt mal lo Shark-òzi anar sortir l'entrevista anglesa de la Penelòpa. Macron, si.
#12 Totòm sap plan, e lo pilòt de la Sarthe primièr, que son los esbirres de Sarkozy qu'an fach lo còp. De veire cossí Talonetas se precipitèt de los sosténer après çò que l’autre li aviá enviat en plena cara, èra evident que li reservava qualque trapèla. S'aima tròp aquel parelh!
Coma si ditz amb l'aire de la famosa cançon "Merci Macron !"
Car es el que faguèt lo còp en denonciant Fillon, quitament se lo Canard a un pauc la caponariá (ahah) de voler pas zo dire.
#6 Lo Front National e lo piós François Fillon nos explican cada jorn que la delinquéncia es de pertot. E vos parli pas dels estrangièrs ! Amb tot aquò acceptatz una femna d'ostal magrebina ? Demandatz a la piosa Penelope que vos faga lo recapte ! Aital aurà un trabalh vertadièr.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari