Actualitats
Mai de la mitat dels electors d’LR demandan a Fillon que se retire
Segon un sondatge d’Harris Interactive, lo 75% dels ciutadans franceses vòlon que Fillon renóncie a sa candidatura. Se se pren en compte los votaires centristas o drechistas, es lo 52% que vòl la retirada del candidat
Mai de la mitat dels ciudatans de l’estat francés que se declaran ideologicament de centre o de drecha voldrián que lor candidat oficial a l’Elisi, François Fillon, se retirèsse après èsser convocat davant los jutges per l’escàndol dels presumits emplecs fictius de sa femna Penelope e de sos enfants coma assistents parlamentaris.
Segon un sondatge d’Harris Interactive divulgat dijòus passat, lo 75% dels ciutadans de la Republica vòlon que se demeta. Se se pren en compte solament los electors centistas e drechistas, la proporcion de critics descreis, mas es totjorn majoritària: 52%.
Fillon tendriá solament lo sosten dels simpatizants del partit nomenat Los Republicans (LR), que lo 53% son partisans de manténer lo meteis candidat fins a la fin, independentament dels escàndols.
Lo 43% de las 980 personas interrogadas s’identifica amb l’argument que Fillon deuriá pas èsser tractat “coma los autres” en tèrmes judiciaris, del temps qu'un 38% sosten la paraula “assassinat politic” per quant a las enquèstas dobèrtas.
Fillon denoncièt dimècres passat un “assassinat politic” contra el, après sa convocacion per mesa en examen lo 15 de març que ven. L’èx-primièr ministre acusèt alara las autoritats judiciàrias de lo voler assassinar politicament, e o diguèt dins una conferéncia de premsa, ont tornèt assolidar que renonciariá pas a sa candidatura.
Juppé lèst per remplaçar Fillon e amb de possibilitats de ganhar
Alain Juppé, rival de Fillon a la primària drechista, assegura qu’es dispausat a remplaçar lo candidat en cas que se retire. En mai d’aquò, lo deputat-cònsol de Bordèu ganhariá lo primièr torn de la presidenciala segon un sondatge que lo publiquèt ièr divendres Odoxa. Segon aquel sondatge, Macron seriá lo segond pus votat e l’ultrafrancista Marine Le Pen seriá al tresen luòc. Per contra, se Fillon manten sa candidatura, seriá eliminat al primièr torn.
Segon un sondatge d’Harris Interactive divulgat dijòus passat, lo 75% dels ciutadans de la Republica vòlon que se demeta. Se se pren en compte solament los electors centistas e drechistas, la proporcion de critics descreis, mas es totjorn majoritària: 52%.
Fillon tendriá solament lo sosten dels simpatizants del partit nomenat Los Republicans (LR), que lo 53% son partisans de manténer lo meteis candidat fins a la fin, independentament dels escàndols.
Lo 43% de las 980 personas interrogadas s’identifica amb l’argument que Fillon deuriá pas èsser tractat “coma los autres” en tèrmes judiciaris, del temps qu'un 38% sosten la paraula “assassinat politic” per quant a las enquèstas dobèrtas.
Fillon denoncièt dimècres passat un “assassinat politic” contra el, après sa convocacion per mesa en examen lo 15 de març que ven. L’èx-primièr ministre acusèt alara las autoritats judiciàrias de lo voler assassinar politicament, e o diguèt dins una conferéncia de premsa, ont tornèt assolidar que renonciariá pas a sa candidatura.
Juppé lèst per remplaçar Fillon e amb de possibilitats de ganhar
Alain Juppé, rival de Fillon a la primària drechista, assegura qu’es dispausat a remplaçar lo candidat en cas que se retire. En mai d’aquò, lo deputat-cònsol de Bordèu ganhariá lo primièr torn de la presidenciala segon un sondatge que lo publiquèt ièr divendres Odoxa. Segon aquel sondatge, Macron seriá lo segond pus votat e l’ultrafrancista Marine Le Pen seriá al tresen luòc. Per contra, se Fillon manten sa candidatura, seriá eliminat al primièr torn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2Aquela es una pauc bona « a pas fach exprès, pecaire, e n'i a d'autre que ne fan de mai gròssas ». Dirai aquò lo còp que ven que me farai arrestar per un moment de distraccion, que passèri al dessús del 90 Km/h autorizats : « ai pas fach exprès, mossur l'agent, e es injuste, tot ara n'i a tres que m'an doblat a mai de 120, e mai un passèt la linha blanca ». Gausarai pas apondre « sabètz, soi un bon crestian ». E podrai pas sortir mon imunitat parlamentària. D'alhors, e perque soi pas deputat que pòdi èsser dins aquesta situacion, si que non auriái un « chauffeur » pagat pels administrats.
#3 Malaja non serà pas la des·hèita de la dreta tota, lo Macron enqüèra pòt ganhar… e se pèrd, que serà contra qui? Horresco referens…
Coma tot aquò s' endeven se poiriá plan, que lo Fillon se mantenga , e que nos trobèssem , dins un cas fòrça inausit e pivelant , (plasent per ieu) , ont Fillon , e Juppe s'escarniriàn la pèl e se batrián los vòtes del PR, jos l'agach crudèl de Nicolas Sarkosy ( supausat que lo Sarkosy tornèsse pas)
Cò que fa qu' ambe la dintrada d'un gròs « balese » de la politica coma Juppé, o Sarkosy ( segond l'esquèma somiat per Hollanda abans d'èsser forçat de sortir del juòc), pareis versemblable que lo jove perdigal de l'annada , Macron va se trobar un pauc leugièr, mentre qu' Hamon que s'aprepara per 2022 , demòra coma un socialiste frondaira , utopic e tròp d'esquèrra.
Lo PS a pas d'autra causida que de butar costat Macron , l'òme del socialisme liberal , financièr e rasonable.
Tre ara, podèm notar que l'oligarchia financièra mondiala otanisada, pòt èsser satisfacha del bilanç , a capitat de metre quatre fers al fuòc.
Levat que tot aquel electorat ( entre las extrèmas) que vòl tot cambiar sens ren cambiar, van se despartir en quatre parts , çò que pòt ajudar MLP s'es pas metuda en examen , mas tanben JLM que se trape las 500 signaturas . JLM lo sol candidatque ten un programe coerent, complet , levat que parla pas gaire d' aparar la diversitat linguistica del nòstre pais.
#4 E alora ? Poperen es candidat a las presidencialas ? A mon aveaire, es un pauc força mort, non ? E Fillon pas encara.
#2
An anunciat una tièra dels diputats que emplegan lor familha Degun l'a fait. Cal tornar a o demandar Ancian sòci del PS dins los annadas 70 (ara, planhi de m'aver daissat engarçar per aquel partit !) , me remembri que lo diputat de Bron, Jean Poperen, emplegava la siá femna (Nathalie)e autres membres de la siá familha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari