Actualitats
China enebirà totalament lo comèrci de l’evòri en 2018
La tòca es de melhor protegir los elefants africans e de luchar contra lo trafec d’evòri
China a anonciat qu’en 2018 lo comèrci de l’evòri serà completament enebit. Aquela informacion poiriá èsser fòrça positiva per la populacion actuala d’elefants africans pr’amor qu’aquel país es totjorn lo pus grand importator d’evòri de tota la planeta. L’interdiccion s’aplicarà a tota sòrta de comèrci e a la transformacion del quite evòri.
L’accion entrepresa per las autoritat chinesas es causada per la volontat de melhor protegir los elefants africans e de luchar contra lo trafec d’evòri que sa destinacion finala es China. L’enebicion serà graduala pendent tot l’an 2017 fins a venir totala lo 31 de desembre d’ongan.
Aital, durant lo mes de març, una tièra d’obradors e botigas que vendon d’evòri en China deuràn clavar lors activitats. Puèi, çò a confirmat lo govèrn chinés, n’i aurà d’autres que deuràn barrar en 2017.
Los obradors de transformacion d’evòri e las plataformas d’afars que deuràn barrar aqueste quite març arriban a la chifra de 34 e 143 respectivament. Cal pensar qu’en China, a l’ora d’ara, un quilo d’evòri aténher un prètz de 1050 èuros. La fòrta demanda actuala provòca lo chaple de desenats de milièrs d’elefants africans cada an.
Una populacion en grèu declin
La populacion actuala d’elefants africans, Loxodonta africana, a declinat entre 2007 e 2014 fins al 30%. Divèrsas organizacions animalistas son arribats de calcular qu’aperaquí 100 elefants son tuats cada jorn en Africa. Es per aquela rason que la decision del govèrn chinés es estada considerada coma plan positiva per las associacions de proteccion dels animals de tota la planeta.
WWF a volgut felicitar las autoritats chinesas per aquela decision e a presat lo fach de poder aver en fin finala “un calendièr fach per China per salvar los elefants de l’extincion finala”. Totun, Chery Lo, una responsabla d’aquela organizacion, a confirmat qu’“amb lo mercat chinés barrat, Hong Kong poiriá venir lo mercat favorit dels trafegaires d’evòri” pr’amor qu’aquela vila demorarà fòra la decision del govèrn chinés.
Es verai que China es lo primièr país consumaire d’evòri de la planeta, mas après a i a los Estats Units qu’en 2016 an ja proïbit totalament lo comèrci d’evòri amb d’excepcions. Los comèrcis chineses que vendon de produches ancians d’evòri poirián tanben contunhar de o far, coma als Estats Units. Mas lo govèrn chinés a promés una supervision totala e sistematica de l’origina d’aquelas pèças. Lo tresen país del Mond consumaire d’evòri, a l’ora d’ara, es Tailàndia.
Christian Andreu
L’accion entrepresa per las autoritat chinesas es causada per la volontat de melhor protegir los elefants africans e de luchar contra lo trafec d’evòri que sa destinacion finala es China. L’enebicion serà graduala pendent tot l’an 2017 fins a venir totala lo 31 de desembre d’ongan.
Aital, durant lo mes de març, una tièra d’obradors e botigas que vendon d’evòri en China deuràn clavar lors activitats. Puèi, çò a confirmat lo govèrn chinés, n’i aurà d’autres que deuràn barrar en 2017.
Los obradors de transformacion d’evòri e las plataformas d’afars que deuràn barrar aqueste quite març arriban a la chifra de 34 e 143 respectivament. Cal pensar qu’en China, a l’ora d’ara, un quilo d’evòri aténher un prètz de 1050 èuros. La fòrta demanda actuala provòca lo chaple de desenats de milièrs d’elefants africans cada an.
Una populacion en grèu declin
La populacion actuala d’elefants africans, Loxodonta africana, a declinat entre 2007 e 2014 fins al 30%. Divèrsas organizacions animalistas son arribats de calcular qu’aperaquí 100 elefants son tuats cada jorn en Africa. Es per aquela rason que la decision del govèrn chinés es estada considerada coma plan positiva per las associacions de proteccion dels animals de tota la planeta.
WWF a volgut felicitar las autoritats chinesas per aquela decision e a presat lo fach de poder aver en fin finala “un calendièr fach per China per salvar los elefants de l’extincion finala”. Totun, Chery Lo, una responsabla d’aquela organizacion, a confirmat qu’“amb lo mercat chinés barrat, Hong Kong poiriá venir lo mercat favorit dels trafegaires d’evòri” pr’amor qu’aquela vila demorarà fòra la decision del govèrn chinés.
Es verai que China es lo primièr país consumaire d’evòri de la planeta, mas après a i a los Estats Units qu’en 2016 an ja proïbit totalament lo comèrci d’evòri amb d’excepcions. Los comèrcis chineses que vendon de produches ancians d’evòri poirián tanben contunhar de o far, coma als Estats Units. Mas lo govèrn chinés a promés una supervision totala e sistematica de l’origina d’aquelas pèças. Lo tresen país del Mond consumaire d’evòri, a l’ora d’ara, es Tailàndia.
Christian Andreu
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I si els treien les dents a ells?
Visca la Terra...Lliure!
l'Ernest, "El Tàrrega".
Cal deissar los que visquin !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari