Actualitats
La Val d’Aran festeja lo mes del caviar
Elaborat en Aran, aqueste produch de nauta qualitat serà lo protagonista dels principals restaurants del país durant lo mes de març. D’autras activitats son tanben prepausadas
Aqueste mes de març, Aran festeja lo mes del caviar en tot far promocion d’un produch de luxe e de nauta qualitat elaborat al país. Dins aquel sens, entre lo 3 e lo 23 de març, onze restaurants araneses an previst de prepausar de menuts ont lo caviar jogarà un ròtle màger, tant dins los plats coma dins los dessèrts. “Damb aguest tipe d’eveniment çò que volem ei potenciar eth torisme gastronomic damb productes elaboradi ena Val d’Aran” çò assolidèt Anna Díaz, conselhièra dels torisme e desvolopament economic d’Aran.
Los restaurants que i participan son: Era Mòla (Vielha), Eth Triton (Arties), Roc’n’Cris (Aubèrt), Er Occitan (Bossòst), Era Coquèla (Vielha), Eth Bistro (Vielha), Gin Loe (Vaquèira), AC Hotels (Vaquèira), Es Arraïtzes (Garòs), La Fonda (Vielha) e Pirineu Gourmet (Arties).
En mai d’aquò, lo mes del caviar prevei d’autras activitats coma de vesitas a l’usina de caviar de Les per ne conéisser l’istòria e lo procès d’elaboracion, de tastas a la botiga de Vielha e de tractaments termals elaborats amb de caviar a las tèrmas de Les.
Lo caviar aranés es produch per la societat Nacarii de faiçon artisanala e a obtengut la reconeissença de cosinièrs e de gastronòms de pertot gràcias a sas sabor, frescor, puretat e transparéncia.
Los restaurants que i participan son: Era Mòla (Vielha), Eth Triton (Arties), Roc’n’Cris (Aubèrt), Er Occitan (Bossòst), Era Coquèla (Vielha), Eth Bistro (Vielha), Gin Loe (Vaquèira), AC Hotels (Vaquèira), Es Arraïtzes (Garòs), La Fonda (Vielha) e Pirineu Gourmet (Arties).
En mai d’aquò, lo mes del caviar prevei d’autras activitats coma de vesitas a l’usina de caviar de Les per ne conéisser l’istòria e lo procès d’elaboracion, de tastas a la botiga de Vielha e de tractaments termals elaborats amb de caviar a las tèrmas de Les.
Lo caviar aranés es produch per la societat Nacarii de faiçon artisanala e a obtengut la reconeissença de cosinièrs e de gastronòms de pertot gràcias a sas sabor, frescor, puretat e transparéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Manjafavas a la crespina: a pas besonh de manjar de caviar, el.
#1 Me diràs pas quand mesma, far se reproduire daus peissons (daus esturjons) per lor raubar lors uòus en lor copar lo ventre ren mas per un plaser gustatiu relatiu e plan efemèr, en mai que los solets riches l'i an accès, qu'es d'un torçut... afen, l'i a ren de ben estonant quand s'agís d'inventar de las crudeutats de totas sòrtas e d'enginjar de la sufrença, pus ren m'estona, los umans an la palma.
"Çò nòste" qu'ei tambès eth nòrd de Gasconha, eth esturjons an tostemps pujat en eras aiguas de baisha Garona e Dordonha. Que i a ua vielha tradicion, ara arreviscolada, deth consum e comercialisacion deths uèus en aqueris parçans#1
Un bon punt de veir que ua empresa deth sector agro-alimentar de produccion pròpia a creishut e ben escaijut en Aran. Quan sabèm qu'era societat aranesa a deishat crebar era sua agricultura e liurat ara especulacion d'imòbles eras milhors terras !
Sense voler hèr eth "criticalhon", qu'ei tambès ua oportunitat de veir era aplicacion, en un cas normau deth negòci, deth estatut oficiau dera lengua en Aran :
- Entà promòir era manifestacion, eth Conselh Generau ac hè coma cau en Aranés/Occitan ( s'auètz clicat sus "çò assolidèt Anna Díaz").
- Era madeisha empresa, de Les, sus eth sòn siti internet (se clicatz sus "Nacarii") no sap sonque eras lenguas deths ahèrs. Apareish en tot prumèr en Espanhòu, e se cercatz eras autas lenguas, que i aurà eth Catalan, seguit deth Francés e eth Anglés entà acabar. Ni tampauc un eslògan de dus mòts en Aranés, au mens entà dar un shinhau de color de Garona....
Que vòli tornar diser que pensi que montar ua empresa atau en eras nòsta vaths, qu'ei ua mòstra de coratge, un bon exemple a seguir en d'autis parçans, que trabalhar damb qualitat, que paga, e qu'era sua arrenomada ei plan mereishuda !
Totun, mès enlà d'aquèth cas concret, mos hèr pensar sus era plaça vertadèra dera lengua nòsta en Aran (era milhora de tot Occitània, mès tampòc -e de luenh- eth paradís). Enquià ont era lengua ei oficiau, parlada per aumens 20% deth pòble, qu'ei de mau hèr ligar-la damb eth monde dera economia, deth negòci, deth trabalh.... Alavètz quinas esperanças laguens deth estat francés ? Que cau veir eras causas coma son ! Era majoria deth monde deth trabalh deths locutors d'occitans qu'ei..... eth ensenhament e musica-dansa occitans !!!! (eth article sus eras arrescontras de Montpelhièr que n'ei ua mòstra mès). Aqueris professionaus son totis pagadis, en prumèra o seconda linha, damb sòus publics deth estat jacobin, damb eths sòns ministeris que decideishen de çò qu'ei era cultura e era educacion....
Una novèla que va far cridar los animalistas, vegans and co!
Pensavi pas que i agèsse una produccion de caviar en ço nostre. Mercés d'aquesta info.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari