Actualitats
Un concors de Repsol relança la disputa entre Espanha e Portugal per la sobeiranetat d’Olivença
La Glèisa de la Magdalena d’aquela municipalitat, annexada per Espanha en 1801, es lo capdavant de la votacion del “melhor endrech d’Espanha” de Repsol
Fins al 26 de setembre, foguèt dobèrt un concors promogut per l’entrepresa Repsol per elegir, mejançant votacion populara, “lo melhor endrech d’Espanha”. Après qualques fasas, dos endreches son arribats a la finala: l’espaci natural de la Lòna de la Gitana, en Castelha, e la Glèisa de la Magdalena d’Olivença. Aquela glèisa del sègle XVI ganhèt la votacion. Espanha annexèt aquela municipalitat en 1801, una annexion que Portugal reconeis pas. Portugueses e espanhòls an aprofechat lo concors per ne revendicar la sobeiranetat.
Son sustot d’internautas portugueses que se son mobilizats fins ara a travèrs de fòrça forums e grops de Facebook, ont demandan de “votar per aquela catedrala bastida pels portugueses e balhar de visibilitat a Olivença”. L’associacion Além Guadiana apelava tanben a votar, per motius de promocion culturala e patrimoniala. Aquela associacion es centrada en l’estudi, recuperacion e difusion de la cultura portuguesa a Olivença.
Per contra, lo Grop dels Amics d’Olivença, que dempuèi 1938 revendica la reïntegracion d’Olivença en Portugal, considèra que la candidatura de la Glèisa de la Magdalena al concors de Repsol es una provocacion: “L’eleccion serà pas innocenta e aurà de menar totes los portugueses a se demandar quines son los motius reals dels organizaires de l’eveniment”.
Son sustot d’internautas portugueses que se son mobilizats fins ara a travèrs de fòrça forums e grops de Facebook, ont demandan de “votar per aquela catedrala bastida pels portugueses e balhar de visibilitat a Olivença”. L’associacion Além Guadiana apelava tanben a votar, per motius de promocion culturala e patrimoniala. Aquela associacion es centrada en l’estudi, recuperacion e difusion de la cultura portuguesa a Olivença.
Per contra, lo Grop dels Amics d’Olivença, que dempuèi 1938 revendica la reïntegracion d’Olivença en Portugal, considèra que la candidatura de la Glèisa de la Magdalena al concors de Repsol es una provocacion: “L’eleccion serà pas innocenta e aurà de menar totes los portugueses a se demandar quines son los motius reals dels organizaires de l’eveniment”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Espanha-Castelha és així
Catalonha-Aran, Portugal (Galícia inclusa), Bascoat meteisse combat còntra l'imperialisme castilhan !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari