Actualitats
Rugbi de XIII: ASC-FCL, rendètz-vos bèl, dimenge 12 de març a Carcassona
Lo mond tretzista camina sus sos dos pès amb la represa de la competicion NRL en Austràlia
Alan Roch
14-14: Los Vikings destrempan la defensa catalana
La tresena jornada de Superliga suspren amb lo carton passat per Castleford a Leeds: 66-10, la victòria d’Hull-FC cò d’Huddersfield: 48-8, la tresena desfaita de Warrington (cò de Salford: 24-14 ), e la victòria de Wakefield a Saint Helens: 16-12. Sola marca logica: la victòria de Wigan sus Leigh: 20-0.
A Brutus, lo public aviá bon espèr de veire una tresena victòria dels Dragons en seguida fàcia als Vikings de Widnes. Se joguèt jos una pluèja que transformèt lo terren en fangàs. Los catalans mestregèron la partida pendent 38 minutas per menar 14-0. Mas los Vikings marcavan dins la darrièra minuta del primièr temps: 14-6 e i tornavan a la represa: 14-10. Los catalans dominavan, mas marcavan pas. Benjamin Garcia pausava la palma 2 cm abans la rega! E a cinc minutas del tèrme, los vesitaires egalizavan 14-14. La temptativa pietadosa de tombat dins la darrièra minuta del dobertura Walsh veniá coma un simbòl de la serada mancada dels Sang e Aur.
Divendres, lo viatge cò de Leeds serà complicat que lo Rinocèros se serà fait brandir las pelhas aprèp lo rescontre de Castleford.
Al programa de la jornada venenta: dijòus, lo revenge de la finala de 2016: Warrington-Wigan; divendres: Hull-St Helens (que serà lo 18 a Brutus), Leigh-Huddersfield; dimenge: Wakefield-Salford e Widnes-Castleford.
En U-19, la partida se joguèt a Sant Estève e los catalans batèron Widnes 37-34.
Championship: primièra victòria mondina en Anglatèrra
Mercé a una penalitat dels 40 mètres a 4 minutas de la fin, lo Tolosa Olimpic ganha a Halifax: 12-10 dins de condicions meteorologicas tipicament anglesas. Dissabte, lo TO reçauprà a Blanhac (6 oras del vèspre), los Lions de Swinton.
NRL: las Làmias an mal als caissals
En Austràlia, la competicion NRL a représ amb la desfaita dels campions, las Làmias de Cronulla, sus lor pelena contra Brisbana: 26-18. Divendres, los West Tigers anèron ganhar cò dels Lapinons: 34-18. Los Dragons de Sant Jòrd Illawara prenon lo cap del classament amb una victòria 42-10 sus las Pantèras de Penrith.
En cap d’aficha de la segonda jornada: dijòus: Polets-Dògols; divendres: Bròncos-Vaquièrs; dimenge: Dragons-Paramatta.
Elèit 1: dimenge festiu a Domèc
En Elèit 1, aqueste dimenge 5 de març, en partida avançada, al tèrme d’un rescontre vodat a l’ataca, Palau daissa la victòria 28-22 a Avinhon.
Seguiràn dissabte: Albi-Limós e Tolosa-Vilanòva; dimenge: St Gaudenç-Dragonets e, a l’estadi Domèc, l’afrontament dels caps de fila entre l’AS Carcassona e lo primièr del classament: los vesins de Lesinhan. Una escasença pels Singlars de Corbièras d’afirmar lor superioritat mas los Canaris se batràn fins a la darrièra pluma e a la darrièra becada. Lo public picarà fòrt de las mans e, en particular, totes los qu’auràn pres part a la taulejada d’abans partida (inscripcion al prèp del secretariat de l’ASC: +33(0)4 68 47 74 74).
Copa: Lesinhan-Limós en mièja finala
Dijòus, se tirèron dins los locals de la Federacion de Carcassona las mièjas finalas de la Copa que se debanaràn la dimenjada dels 22 e 23 d’abril. Lo sòrt causiguèt las oposicions Lesinhan-Limós e Carcassona-Albi que se debanaràn al Molin e a Domèc.
Interès esportiu e toristic del GPS
Tèxte de la Croniqueta occitana del n° de febrièr de la revista XIII-Magazine:
L’Òme-Nadal menèt GPS pels jogaires campions de França. Pòdon atal utilizar totes los benfaches esportius que ne tirarà la direccion tecnica aprèp estudis de chifras, de corbas, de percentatges, de cronometratges, de posicionaments…
Mas lo GPS se poiriá tanben utilizar, un còp la partida acabada, per permetre als vesitaires de descobrir las riquesas dels païses occitan e catalan: la Ciutat de Carcassona, las arcadas per dançar Carnaval a Limós, l’auséncia de molin al Molin de Lesinhan, lo pont e la Ciutat dels Papas a Avinhon, una tuta d’ors prèp de Sent Gaudenç, la catedrala e lo musèu Tolosa-Lautrèc a Albi, lo Capitòli e l’inquet a Tolosa, una confisariá especializada en prunas d’Agen a Vilanòva, una òrta d’ensaladas a Sant Estève, lo camin del Canigó a Palau, una demostracion de castellers a Baó, l’Uòu al Clapàs, la claror de l’alba a L’Escura, las cavas de vin d’Argon, Ferrals o Vilagalhenc, la Tor dels Templièrs a Entraigas, los berlingòts de Carpentràs, los farçons de Vilafranca de Roergue, la plaça Bèlacort de Lion, lo Castilhet e la plaça de la Lòtja a Perpinhan…
Aquí pel GPS! Ça que la, se s’utilizava lo novèl sistèma europèu Galileo, demostrariam fòrt e ferme que nòstra Tèrra es pas planièra ni mai redonda, mas… ovala!
Alan Roch
La tresena jornada de Superliga suspren amb lo carton passat per Castleford a Leeds: 66-10, la victòria d’Hull-FC cò d’Huddersfield: 48-8, la tresena desfaita de Warrington (cò de Salford: 24-14 ), e la victòria de Wakefield a Saint Helens: 16-12. Sola marca logica: la victòria de Wigan sus Leigh: 20-0.
A Brutus, lo public aviá bon espèr de veire una tresena victòria dels Dragons en seguida fàcia als Vikings de Widnes. Se joguèt jos una pluèja que transformèt lo terren en fangàs. Los catalans mestregèron la partida pendent 38 minutas per menar 14-0. Mas los Vikings marcavan dins la darrièra minuta del primièr temps: 14-6 e i tornavan a la represa: 14-10. Los catalans dominavan, mas marcavan pas. Benjamin Garcia pausava la palma 2 cm abans la rega! E a cinc minutas del tèrme, los vesitaires egalizavan 14-14. La temptativa pietadosa de tombat dins la darrièra minuta del dobertura Walsh veniá coma un simbòl de la serada mancada dels Sang e Aur.
Divendres, lo viatge cò de Leeds serà complicat que lo Rinocèros se serà fait brandir las pelhas aprèp lo rescontre de Castleford.
Al programa de la jornada venenta: dijòus, lo revenge de la finala de 2016: Warrington-Wigan; divendres: Hull-St Helens (que serà lo 18 a Brutus), Leigh-Huddersfield; dimenge: Wakefield-Salford e Widnes-Castleford.
En U-19, la partida se joguèt a Sant Estève e los catalans batèron Widnes 37-34.
Championship: primièra victòria mondina en Anglatèrra
Mercé a una penalitat dels 40 mètres a 4 minutas de la fin, lo Tolosa Olimpic ganha a Halifax: 12-10 dins de condicions meteorologicas tipicament anglesas. Dissabte, lo TO reçauprà a Blanhac (6 oras del vèspre), los Lions de Swinton.
NRL: las Làmias an mal als caissals
En Austràlia, la competicion NRL a représ amb la desfaita dels campions, las Làmias de Cronulla, sus lor pelena contra Brisbana: 26-18. Divendres, los West Tigers anèron ganhar cò dels Lapinons: 34-18. Los Dragons de Sant Jòrd Illawara prenon lo cap del classament amb una victòria 42-10 sus las Pantèras de Penrith.
En cap d’aficha de la segonda jornada: dijòus: Polets-Dògols; divendres: Bròncos-Vaquièrs; dimenge: Dragons-Paramatta.
Elèit 1: dimenge festiu a Domèc
En Elèit 1, aqueste dimenge 5 de març, en partida avançada, al tèrme d’un rescontre vodat a l’ataca, Palau daissa la victòria 28-22 a Avinhon.
Seguiràn dissabte: Albi-Limós e Tolosa-Vilanòva; dimenge: St Gaudenç-Dragonets e, a l’estadi Domèc, l’afrontament dels caps de fila entre l’AS Carcassona e lo primièr del classament: los vesins de Lesinhan. Una escasença pels Singlars de Corbièras d’afirmar lor superioritat mas los Canaris se batràn fins a la darrièra pluma e a la darrièra becada. Lo public picarà fòrt de las mans e, en particular, totes los qu’auràn pres part a la taulejada d’abans partida (inscripcion al prèp del secretariat de l’ASC: +33(0)4 68 47 74 74).
Copa: Lesinhan-Limós en mièja finala
Dijòus, se tirèron dins los locals de la Federacion de Carcassona las mièjas finalas de la Copa que se debanaràn la dimenjada dels 22 e 23 d’abril. Lo sòrt causiguèt las oposicions Lesinhan-Limós e Carcassona-Albi que se debanaràn al Molin e a Domèc.
Interès esportiu e toristic del GPS
Tèxte de la Croniqueta occitana del n° de febrièr de la revista XIII-Magazine:
L’Òme-Nadal menèt GPS pels jogaires campions de França. Pòdon atal utilizar totes los benfaches esportius que ne tirarà la direccion tecnica aprèp estudis de chifras, de corbas, de percentatges, de cronometratges, de posicionaments…
Mas lo GPS se poiriá tanben utilizar, un còp la partida acabada, per permetre als vesitaires de descobrir las riquesas dels païses occitan e catalan: la Ciutat de Carcassona, las arcadas per dançar Carnaval a Limós, l’auséncia de molin al Molin de Lesinhan, lo pont e la Ciutat dels Papas a Avinhon, una tuta d’ors prèp de Sent Gaudenç, la catedrala e lo musèu Tolosa-Lautrèc a Albi, lo Capitòli e l’inquet a Tolosa, una confisariá especializada en prunas d’Agen a Vilanòva, una òrta d’ensaladas a Sant Estève, lo camin del Canigó a Palau, una demostracion de castellers a Baó, l’Uòu al Clapàs, la claror de l’alba a L’Escura, las cavas de vin d’Argon, Ferrals o Vilagalhenc, la Tor dels Templièrs a Entraigas, los berlingòts de Carpentràs, los farçons de Vilafranca de Roergue, la plaça Bèlacort de Lion, lo Castilhet e la plaça de la Lòtja a Perpinhan…
Aquí pel GPS! Ça que la, se s’utilizava lo novèl sistèma europèu Galileo, demostrariam fòrt e ferme que nòstra Tèrra es pas planièra ni mai redonda, mas… ovala!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari