Actualitats
Ongria arrestarà totes los refugiats e los demandaires d’asil
L’ÒNU avertís qu’aquela lei “viòla las obligacions del país a l'esgard del drech internacional e de las nòrmas de l’UE”
Lo parlament ongrés aprovèt ièr una lei discutida que permet la detencion dels migrants e de totes los demandaires d’asil, una mesura criticada pel Naut Comissariat de las Nacions Unidas pels Refugiats (NACNUR). La decision legislativa, que permet d'arrestar sistematicament totes los migrants, que sián de demandaires d’asil o non, s’apròvet per 138 vòtes en favor, 6 contra e 22 abstencions, a causa de la majoritat absoluda del partit conservator.
S'agís d'una mesura que s'èra suprimida l'an 2013 jos la pression de l'Union Europèa e del NACNUR, e prevei que los immigrants sián embarrats dins de camps que se bastiràn sus la frontièra sud del país, amb Croàcia e Serbia, tant que serà examinada lor demanda d’asil.
Tant l'ÒNU coma las organizacions umanitàrias denóncian que se viòle la legislacion internacionala e que l'accès dels refugiats a tota proteccion siá vengut impossible. L’ÒNU avertís qu'aquela lei permet de deténer totes los demandaires d’asil que sián en territòri ongrés, los enfants compreses. “Los enfants deurián pas èsser jamai detenguts en cap de cas”, çò soslinha lo NACNUR.
Lo primièr ministre Viktor Orbán, qu’a obtengut lo sosten de l’ultradrechista Jobbik per aquela mesura, considèra que s’agís de “protegir la sobeiranetat ongresa”. Son govèrn anoncièt la setmana passada qu’aviá començat de bastir una nòva barralha sus la frontièra amb Serbia, una barralha alçada mai que mai amb lo trabalh de presonièrs.
Se calcula qu’en Ongria i a aperaquí 400 refugiats. Ça que la, lo govèrn d’Orbán a perlongat l’estat d’emergéncia per encausa d'immigracion massissa fins al mes de setembre.
S'agís d'una mesura que s'èra suprimida l'an 2013 jos la pression de l'Union Europèa e del NACNUR, e prevei que los immigrants sián embarrats dins de camps que se bastiràn sus la frontièra sud del país, amb Croàcia e Serbia, tant que serà examinada lor demanda d’asil.
Tant l'ÒNU coma las organizacions umanitàrias denóncian que se viòle la legislacion internacionala e que l'accès dels refugiats a tota proteccion siá vengut impossible. L’ÒNU avertís qu'aquela lei permet de deténer totes los demandaires d’asil que sián en territòri ongrés, los enfants compreses. “Los enfants deurián pas èsser jamai detenguts en cap de cas”, çò soslinha lo NACNUR.
Lo primièr ministre Viktor Orbán, qu’a obtengut lo sosten de l’ultradrechista Jobbik per aquela mesura, considèra que s’agís de “protegir la sobeiranetat ongresa”. Son govèrn anoncièt la setmana passada qu’aviá començat de bastir una nòva barralha sus la frontièra amb Serbia, una barralha alçada mai que mai amb lo trabalh de presonièrs.
Se calcula qu’en Ongria i a aperaquí 400 refugiats. Ça que la, lo govèrn d’Orbán a perlongat l’estat d’emergéncia per encausa d'immigracion massissa fins al mes de setembre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal vencer las guerras de l'imperi e que regne la patz,aprés hi haurà pas los desplaçament massius de la paura gent que fuig de la barbària.
lo poble ongrès qu'es estat pron mau-maumenat per l'istoria recenta vbei lo perilh imminent d'èstre submergit e pren de mesuras drasticas, en estent que l'EDurpa es una passadoira. Podèm quez leis aprovar, encara que lo poble ongrès siá un poble antipatic, se ne cresi quauqu'un de prochi que li agut viscut
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari