Actualitats
Macron despassa Le Pen e ganhariá lo primièr torn de la presidenciala francesa, segon un sondatge
Lo candidat independent s'impausariá sus la cap de l’ultradrecha francista amb lo 65% dels vòtes al segond torn
Emmanuel Macron seriá ara lo favorit per ganhar l’eleccion presidenciala de la Republica francesa, segon un nòu sondatge publicat ièr, ont superariá la cap del Front Nacional, Marine Le Pen, tant al primièr coma al segond torn.
Segon aquel sondatge fach per Harris Interactive, Macron ganhariá lo 23 d’abril amb lo 26% dels vòtes, mentre que Le Pen demorariá al 25%. E al segond torn, lo 7 de mai, lo candidat independent s’impausariá sus l’ultrafrancista amb lo 65% dels vòtes.
De son costat, lo candidat dels Republicans, François Fillon, qu'a insistit per restar candidat malgrat l’escàndol dels presumits emplecs fictius de sa femna e que poiriá èsser jutjat, demorariá tresen, amb lo 20%. S'arribèsse de recobrar son retard e de passar al segond torn, el tanben s’impausariá sus Le Pen, mas amb lo 59% dels vòtes.
Lo sondatge d’aqueste dijòus passat es lo segond que prevei Macron coma ganhant de l’eleccion presidenciala francesa, çò que confirmariá qu’es a consolidar sa posicion demest los electors. De son costat, Le Pen vei que lo marge que li prendrián sos rivals aumenta de mai en mai al segond torn.
Segon aquel sondatge fach per Harris Interactive, Macron ganhariá lo 23 d’abril amb lo 26% dels vòtes, mentre que Le Pen demorariá al 25%. E al segond torn, lo 7 de mai, lo candidat independent s’impausariá sus l’ultrafrancista amb lo 65% dels vòtes.
De son costat, lo candidat dels Republicans, François Fillon, qu'a insistit per restar candidat malgrat l’escàndol dels presumits emplecs fictius de sa femna e que poiriá èsser jutjat, demorariá tresen, amb lo 20%. S'arribèsse de recobrar son retard e de passar al segond torn, el tanben s’impausariá sus Le Pen, mas amb lo 59% dels vòtes.
Lo sondatge d’aqueste dijòus passat es lo segond que prevei Macron coma ganhant de l’eleccion presidenciala francesa, çò que confirmariá qu’es a consolidar sa posicion demest los electors. De son costat, Le Pen vei que lo marge que li prendrián sos rivals aumenta de mai en mai al segond torn.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Amb Fi(ll)on, l'autra rasclanha d'ultradreita, e el, aquò nos fa tres delinquents de dreita. E i poiriam ajustar tota la còlha governamentala siá disent socialista, al servici de las bancas privadas, que rendon mai de comptes als banquièrs que non pas al pòble que los a elegit. Totes, aquí, als uèlhs de la democracia, son de delinquents de dreita.
Votarai pas per aqueste etatsunidenquisat. Empacha pas mens que se cal far amb el per evitar los dos delinquents de drecha...
bord que totis leis elefants e lei rinoceros sensa banas socialistas passaràn dins lo camp de Macron, la bofiga se desgonflarà, Macron serà considerat coma lo succesor de Hollande qu'a agut conselhat e que ne fuguèt ministre e Fillon li passarà davant; coma Narcis en la font, li restarà ren que son imatge de joinessa eterna e cantarà coma la Margarida de Faust e de Gounod : ah, je rie de me voir si belle dans ce miroir
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari