capçalera campanha

Actualitats

Espòrt

Fotbòl: Occitània festeja la victòria del Barça contra lo París SG

L’esquipa catalana reüssiguèt çò que semblava impossible e portèt una cachavièlha a París, que se festegèt dins Occitània tota

| Albert Salamé
Se tenguèt dimècres passat una partida de fobtòl entre lo F.C. Barcelona (Barça) e lo París Saint-Germain (PSG), que portèt una nuèch de glòria a Barcelona, una cachavièlha a París, e de jòia e de bonaür en Occitània tota.
 
Jogavan lor classificacion pels quarts de finala de la Liga dels Campions de l’UEFA 2017-2017, e lo Barça, batut a París lo 14 de febrièr passat per 4-0, deviá ganhar contra lo PSG d’almens 5 gòls. E o faguèt. Lo Barça reüssiguèt çò que semblava impossible. Faguèt una proesa encara pus epica, que los tres gòls qu’arribèron dins las darrièras sèt minutas de la partida. A la fin, los catalans s’impausèron suls franceses per 6-1.
 
Aquela partida, entre doas esquipas que concernisson pas Occitània, foguèt pasmens plan seguida dins tot lo país nòstre, e las mòstras de jòia per la victòria dels catalans, o puslèu, per la desfacha dels franceses, s’entendèron dins gaireben totas las vilas del país, de Pau fins a Niça.
 
En seguida podètz veire cossí se visquèt la darrièra minuta de la partida dins un pub de Marselha.
 

 
E vos mostram tanben qualques publicacions significativas suls rets socials. 
 
 
 
 

 








abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
31.

París SG al carrer. Mas s'ha de reconèisser que l'equip gal juguet esportivament e sa aficion foguet educada. Aquò una vegada veçut, cal tamben dir-ho. Hi ha equips que saben perdre, e aquò es bon.
Ara, tamben es bon reconèissser que Catalunya e Occitania son duas nacions e que las cal respectar, començant per que l'occitan sia lenga oficial, etc, ...

  • 4
  • 0
Emmanuèl Isopet
30.

#29 Bòf, banham dins una confusion tarribla ont espòrt e politica se mesclan… Qu'una equipa nacionala siá associada a un Estat(-nacion), perqué pas. Es un bocin ridicul, un simulacre militar, mas enfin…
Mas far un rasonament : PSG=equipa de la capitala=Estat francés=reconeis pas nòstra lenga, cresi qu'es far pesar sus una equipa de fotbòl (compausada ultramajoritàriament d'estangièrs mas que son qualificats de « Franceses del PSG » e finançada per d'estrangièrs) una responsabilitat un bocin desmesurada. Enfin, me respondretz « lo simbolic » « l'istòria » « lo nacionalisme »…
Per çò qu'es de la causida del vocabulari, urosament que vòstra « santa puta » èra dedicat a la capitala francesa, sinon seriá estat vigorosament denonciat.

  • 3
  • 2
Chapbèrt de Barbeiran La Ròca del Buc
29.

Non soi pas d'acòrdi quand escrivètz : "Aquela partida, entre doas esquipas que concernisson pas Occitània…". París e sa santa puta de politica a gaireben escafa la lenga d'Occitania, mentre qu'a Barcelona, la meteissa lenga occitana es cooficiala !!! La victòria dels Catalans nos èra donc tant importanta coma la desfaita dels Franceses del P.S.G. (Partir Sense Ganhar).

  • 7
  • 1
francesc palma
28.

La nostra dobla nacion Oc-Cat ha aconseguit vencer l'opresor. Urra !

  • 9
  • 0
Emmanuèl Isopet
27.

#24 Mercés, d'aqueste comentari. Per l'imne del Barça, qu'es "mes que un club", segur, vos dirai que malgrat ma piètra cultura fotbolistica, o coneissi e amai o fau estudiar als mieus escolans. Es efectivament un polit cant, plan melhor que de nombroses cants de suportaires (?).
Per mon comentari maluros sul fach qu'ai agut trobat de catalans racistas contra los andaloses e los sudamericans, torni demandar perdon a totas las personas qu'ai poscut tocar, malcorar, encolerar, nafrar e tot e tot. O dirai pas mai. Gardarai mas experienças de vida per ieu tot sol ;) e contunharai de difusir un imatge positiu de Catalonha e dels catalans (si si, es quitament una critica que m'es facha).

  • 5
  • 0

Escriu un comentari sus aqueste article