Actualitats
Nòva teoria sus l’evolucion del temps
L’Univèrs patís una simetria que viòla lo movement del temps e es per aquesta rason que nosautres avançam totes cap al futur
L’evolucion del temps (o lo movement a travèrs d’aqueste) es totjorn estada una matèria malaisida. Òr, una fisiciana australiana a pogut descobrir una anomalia de la fisica convencionala: i a un misteriós fenomèn sonat “violacion del Temps” que poiriá èsser a l’origina de l’evolucion del temps e de las leis de conservacion de la matèria a travèrs d’aqueste.
La fisiciana qu’a efectuat l’estudi s’apèla Joan Vaccaro e trabalha al Centre Griffith per la Dinamica Quantica de Natah, en Queensland, en Austràlia. Sas conclusions pòdon arribar de cambiar la vision convencionala de l’espaci e del temps, e demostrar, fin finala, cossí es lo movement del Mond a travèrs del temps.
Una simetria que fòrça l’Univèrs
Segon Vaccaro, l’Univèrs patís una simetria que viòla lo movement del temps e es per aquesta rason que nosautres avançam totes cap al futur. Se i aguèsse pas aquesta violacion, dicha de T (violacion del Temps), avançariam pas a travèrs del temps e encara seriam al Big Bang. Mas la pròva de tot aquò es que, uèi lo jorn, avèm laissat endarrièr l’origina de l’Univèrs.
“Ai trobat lo mecanisme que nos fa avançar cap al futur. Es la rason fondamentala —çò confirmèt Vaccaro— que nos fa envielhir e la rason que nos fa avançar a travèrs lo temps. L’Univèrs sembla d’èsser simetric dins lo temps e l’espaci mas i a una direccion determinada per avançar a travèrs del temps e aquò nos fa envielhir e non rejovenir”.
L’anomalia que Vaccaro a trobada se basa sus doas rasons fondamentalas que ja son definidas en fisica convencionala. Son las teorias sus la direccion del temps e lo comportament dels mesons (de particulas subatomicas amb de talhas entre l’electron e lo proton). Aquestes an un movement desparièr segon la direccion del temps.
Las experiéncias de Vaccaro, publicadas dins lo jornal numeric Proceedingsof the RoyalSociety, mòstran que lo comportament dels mesons depend de la direccion del temps. S’aquesta direccion cambièsse, tanben o fariá lo comportament dels mesons.
“La fisica convencionala actuala parla solament d’una direccion del temps e d’un tipe solet de comportament dels mesons. Segon aquò, tot es asimetric —çò diguèt Vaccaro—. Mas lo problèma es que l’Univèrs pòt pas èsser asimetric”.
“Aquò vòl dire que las teorias de la fisica an d’èsser simetricas quand parlam del Temps —çò diguèt la fisiciana australiana—. Se foguèsson asimetricas a l’esgard del temps, se deurián adaptar a las direccions del temps e al comportament dels mesons. E aquò se passa pas ansin. Aquò es una anomalia en fisica qu’encara cal resòlver”.
A mai, Vaccaro a confirmat que se i aguèsse pas de violacion de T, i auriá un Univèrs fòrça singular pr’amor qu’un objècte coma una taula poiriá èsser situat dins lo temps e l’espaci sens desaparéisser.
“Un objècte existís en un luòc solet a l’encòp e un solet còp dins lo temps. D’èsser en un luòc de l’espaci es pas res d’especial mas d’èsser en un ponch del temps —çò confirmèt aquesta fisiciana— fariá desaparéisser puèi aqueste objècte, e aquò se passa pas”.
S’aquò se debanèsse, çò ditz Vaccaro, i auriá pas cap d’evolucion del temps. Las personas poirián solament existir en un ponch unic, e pro. I auriá pas de movement dins lo temps. Segon Vaccaro, aquò, una teoria de la violacion del Temps (violacion de T) o fa tot cambiar totalament. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
La fisiciana qu’a efectuat l’estudi s’apèla Joan Vaccaro e trabalha al Centre Griffith per la Dinamica Quantica de Natah, en Queensland, en Austràlia. Sas conclusions pòdon arribar de cambiar la vision convencionala de l’espaci e del temps, e demostrar, fin finala, cossí es lo movement del Mond a travèrs del temps.
Una simetria que fòrça l’Univèrs
Segon Vaccaro, l’Univèrs patís una simetria que viòla lo movement del temps e es per aquesta rason que nosautres avançam totes cap al futur. Se i aguèsse pas aquesta violacion, dicha de T (violacion del Temps), avançariam pas a travèrs del temps e encara seriam al Big Bang. Mas la pròva de tot aquò es que, uèi lo jorn, avèm laissat endarrièr l’origina de l’Univèrs.
“Ai trobat lo mecanisme que nos fa avançar cap al futur. Es la rason fondamentala —çò confirmèt Vaccaro— que nos fa envielhir e la rason que nos fa avançar a travèrs lo temps. L’Univèrs sembla d’èsser simetric dins lo temps e l’espaci mas i a una direccion determinada per avançar a travèrs del temps e aquò nos fa envielhir e non rejovenir”.
L’anomalia que Vaccaro a trobada se basa sus doas rasons fondamentalas que ja son definidas en fisica convencionala. Son las teorias sus la direccion del temps e lo comportament dels mesons (de particulas subatomicas amb de talhas entre l’electron e lo proton). Aquestes an un movement desparièr segon la direccion del temps.
Las experiéncias de Vaccaro, publicadas dins lo jornal numeric Proceedingsof the RoyalSociety, mòstran que lo comportament dels mesons depend de la direccion del temps. S’aquesta direccion cambièsse, tanben o fariá lo comportament dels mesons.
“La fisica convencionala actuala parla solament d’una direccion del temps e d’un tipe solet de comportament dels mesons. Segon aquò, tot es asimetric —çò diguèt Vaccaro—. Mas lo problèma es que l’Univèrs pòt pas èsser asimetric”.
“Aquò vòl dire que las teorias de la fisica an d’èsser simetricas quand parlam del Temps —çò diguèt la fisiciana australiana—. Se foguèsson asimetricas a l’esgard del temps, se deurián adaptar a las direccions del temps e al comportament dels mesons. E aquò se passa pas ansin. Aquò es una anomalia en fisica qu’encara cal resòlver”.
A mai, Vaccaro a confirmat que se i aguèsse pas de violacion de T, i auriá un Univèrs fòrça singular pr’amor qu’un objècte coma una taula poiriá èsser situat dins lo temps e l’espaci sens desaparéisser.
“Un objècte existís en un luòc solet a l’encòp e un solet còp dins lo temps. D’èsser en un luòc de l’espaci es pas res d’especial mas d’èsser en un ponch del temps —çò confirmèt aquesta fisiciana— fariá desaparéisser puèi aqueste objècte, e aquò se passa pas”.
S’aquò se debanèsse, çò ditz Vaccaro, i auriá pas cap d’evolucion del temps. Las personas poirián solament existir en un ponch unic, e pro. I auriá pas de movement dins lo temps. Segon Vaccaro, aquò, una teoria de la violacion del Temps (violacion de T) o fa tot cambiar totalament. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sort qu' anam envelhint, perquè s' anassem rejovenint seria lo mond al revés. Naisseriem vielhs e moririem infants, seria horrorós.
L’aso hèsqui a las quilhas se i encàpii quauquarren. Mes non n’èi pas vergonha.
Quauqu’un qu’a dit un jorn : "Se pénsatz que comprénetz la mecanica quantica, que vòu díser ne la comprénetz pas." — dab ua probabilitat non nulla aqueth quauqu’un que sii Richard Feynman.
E unhaut : "Lo qui n’ei pas espantat per la teoria quantica ne l’a pas compresa."
Qu’èra probablament Niels Bohr, mes anatz saber, dab los quanta…
Badonc ací qu’atz ua teoria qui nat n’ei supausat compréner mes qui, en practica, e hè foncionar lo GPS, l’IRM e un sarròt de causas d’aqueras, qui emplégatz en la vita vitanta…
—
La relativitat generau ne’s pòrta pas mei plan.
Lo sapient Ludwig Silberstein qu’auré dit a N’Arthur Eddington : "Professor Eddington, dab Einstein qu’atz d’estar l’ua de tres personas au monde qui comprenin la relavitat generau…"
E N’Eddington esitar. Alavetz Lo Silberstein insistir.
"Non hèsquitz deu modèste, Eddington."
"Non pas," ce’u hè Eddington. "Au contra que m’estoni la tresau qui serà."
—
E lo fisician egrègi Erwin Schrödinger qu’ei sovent mentavut per aver dit : "Hètz-me brombar de sostrar la caisha deu gat."
O pas.
#1Ai ben vist qu'a pas comprengut granda causa a la mecanica quantica; es pas simple dz zo comprener; es pas simple de l'esplicar.
perqué lei direccions dau temps an d'èstre simetricas quand parlam dau temps ? quau ei que determina lo comportament dei mesons que semblan particularament indisciplinats ?perqué una taula poiriá èsser situada dins lo temps e l'espaci sensa disparèsser e non pas una cadiera o,un liech,?en aquesta jornada de la femna, avèm d'estigmatizar aqueu violaire dau temps que pot estre ren qu'un mascle. se compreni ben se lo temps èra pas estat violat,ne seriam encara au big ban en companhiá_ dau bon Dieu que seriá donc immobil coma un santibelli, aquel metafisica de l'espaci me dona lei frejolums...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari