Actualitats
Tolosa: concèrt suspresa dels Motivés dins la requisicion Abat Pierre
Lo bastiment ocupat pel collectiu Drech Al Lotjament aculhís ara 70 personas e a plan capitat contra una denóncia en justícia
Dissabte passat, los abitants de la requisicion Abat Pierre de Tolosa foguèron suspreses per un concèrt dels Motivés, per carrièras, dins un ambient de fèsta, de lucha e de solidaritat.
La requisicion Abat Pierre es un ancian espital vuèg, qu’al començament de genièr passat l’ocupèron los activistas del collectiu Drech Al Lotjament (DAL) a l’ocasion de l’èrsa de freg e en remarcant que i aviá pas pro d’albergament public per evitar que de mond se vegèsson forçats de dormir per carrièras. Lo sit aculhís ara 70 personas, dont 35 enfants. Lo collectiu considèran que s’agís d’una “solucion d’urgéncia”. Totalament foncional amb d’aiga correnta, d’electricitat e de calfatge, lo bastiment dispausa sus tres estancis de cambras d’espital d’aperaquí 20 m2, de nombrosas salas de reünion e tanben d’un espaciós laboratòri transformat en una granda cosina partejada.
En febrièr passat, los activistas ganhèron en justícia contra una denóncia del Centre Espitalièr Universitari de Tolosa (CHU, segon sa sigla en francés). Ara, los activistas demandan un engatjament per relotjar las personas amb dignitat.
La requisicion Abat Pierre es un ancian espital vuèg, qu’al començament de genièr passat l’ocupèron los activistas del collectiu Drech Al Lotjament (DAL) a l’ocasion de l’èrsa de freg e en remarcant que i aviá pas pro d’albergament public per evitar que de mond se vegèsson forçats de dormir per carrièras. Lo sit aculhís ara 70 personas, dont 35 enfants. Lo collectiu considèran que s’agís d’una “solucion d’urgéncia”. Totalament foncional amb d’aiga correnta, d’electricitat e de calfatge, lo bastiment dispausa sus tres estancis de cambras d’espital d’aperaquí 20 m2, de nombrosas salas de reünion e tanben d’un espaciós laboratòri transformat en una granda cosina partejada.
En febrièr passat, los activistas ganhèron en justícia contra una denóncia del Centre Espitalièr Universitari de Tolosa (CHU, segon sa sigla en francés). Ara, los activistas demandan un engatjament per relotjar las personas amb dignitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari