Actualitats
Catalonha: an condemnats l’èx-president Artur Mas e dos autres èx-membres de son govèrn a l’ineligibilitat
La justícia espanhòla los considèra coma responsables d’aver organizat lo procès participatiu del 9 de novembre de 2014
La justícia espanhòla a condemnat l’èx-president de la Generalitat de Catalonha, Artur Mas, l’èx-vicepresidenta de son govèrn, Joana Ortega, e l’èx-conselhièra Irene Rigau, perque los considèra coma responsables d’aver organizat lo procès participatiu del 9 de novembre de 2014, un vòte popular non constrenhent ont los ciutadans diguèron lor vejaire sus l’independéncia de Catalonha e Aran.
Artur Mas l’an condemnat a dos ans d’ineligibilitat e una multa de 36 500 èuros. Joana Ortega l’an condemnada coma cooperatritz indispensabla del “delicte” a un an e nòu meses d’ineligibilitat e una multa de 30 000 èuros. De son costat, Rigau es estada condemnada a un an e mièg d’ineligibilitat e una multa de 24 000 èuros. Se las multan son pas pagadas, son previstas de penas de preson.
Parallèlament, se ten tanben un procès contra Francesc Homs, qu’es deputat al parlament espanhòl.
L’eveniment participatiu pel qual los an jutjats e condemnats foguèt una mobilizacion istorica en Catalonha e en Aran, que consistiguèt en una consultacion sus l’independéncia del país, e mai s’èra enebida per l’estat espanhòl. La consultacion se tenguèt dins d’escòlas publicas e foguèt organizada per l’executiu amb l’ajuda de benevòls e de las associacions independentistas.
“Farem un apèl de la senténcia e arribarem a las instàncias de la justícia europèa”
“Tornariam far çò que faguèrem, nos penedèm pas de res. Sèm de democratas e devèm escotar las gents e agir en consequéncia”, çò declarèt ièr Artur Mas, qualques minutas après que se faguèsse publica la senténcia. L’èx-president catalan anoncièt que farián apèl a la senténcia: “Farem un apèl de la senténcia e arribarem a instàncias de la justícia europèa, e mai caldrà. Avèm pas cap d’esperança que la Cort Suprèma nos done rason, perque agirà dins la linha de la duretat absoluda e avisatz-vos. Mas nos cal far nòstra denóncia la Cort Suprèma e al Tribunal Constitucional per arribar a las instàncias de la justícia europèa. Avèm depausada una nauta esperança en la justícia europèa”.
L’èx-vicepresidenta Joana Ortega apondèt: “Après escotar los cants de serena del dialòg, la sola responsa [de l’estat espanhòl] son tres condemnas. Nos condemnan uèi a tres personas, mas darrièr nosautres i a mai de mond. E aquò s’arrestarà pas”. En mai d’aquò, declarèt: “Me senti pas brica condemnada e arribarem a las darrièras consequéncias. E contunhi de pensar que lo 9 de novembre foguèt un acte d’obesissença a mon pòble”.
Irene Rigau diguèt: “Es una senténcia que tomba sus nosautres, mas es escotada, sentida e analisada per de milions de catalans. Nos an jutjats e nos an condemnats. Al pòble li an volgut donar un avertiment”.
Lo factor Rigau
De totas las ineligibilitats que la justícia espanhòla a dictadas, e dictarà dins los jorns a venir, lo cas de Rigau pòt venir un factor clau dins lo procès independentista de Catalonha e Aran. L’èx-conselhièra de l’educacion es ara deputada del Parlament de Catalonha, e aquela cambra declarèt formalament que “se sometrà pas a las decisions de las institucions de l’estat espanhòl”.
Per tant, çò de mai probable es que la presidenta del Parlament de Catalonha, Carme Forcadell, convide Irene Rigau a contunhar son trabalh de deputada amb normalitat absoluda dins la cambra.
Puigdemont torna afortir son engatjament pel referendum
Lo president de la Generalitat, Carles Puigdemont, faguèt una conferéncia de premsa per valorar la senténcia. Acompanhat del vicepresident, Oriol Junqueras, e del conselhièr dels afars exteriors, Raül Romeva, Puigdemont tornèt afortir son engatjament pel referendum d’independéncia.
“Los 2,3 milions de personas que votèron lo 9 de novembre an recebut lo verdicte de culpabilitat. Çò que la justícia a condemnat uèi o graciarà lo pòble de Catalonha amb lo referendum que farem ongan, sens cap de dobte”, çò diguèt.
Artur Mas l’an condemnat a dos ans d’ineligibilitat e una multa de 36 500 èuros. Joana Ortega l’an condemnada coma cooperatritz indispensabla del “delicte” a un an e nòu meses d’ineligibilitat e una multa de 30 000 èuros. De son costat, Rigau es estada condemnada a un an e mièg d’ineligibilitat e una multa de 24 000 èuros. Se las multan son pas pagadas, son previstas de penas de preson.
Parallèlament, se ten tanben un procès contra Francesc Homs, qu’es deputat al parlament espanhòl.
L’eveniment participatiu pel qual los an jutjats e condemnats foguèt una mobilizacion istorica en Catalonha e en Aran, que consistiguèt en una consultacion sus l’independéncia del país, e mai s’èra enebida per l’estat espanhòl. La consultacion se tenguèt dins d’escòlas publicas e foguèt organizada per l’executiu amb l’ajuda de benevòls e de las associacions independentistas.
“Farem un apèl de la senténcia e arribarem a las instàncias de la justícia europèa”
“Tornariam far çò que faguèrem, nos penedèm pas de res. Sèm de democratas e devèm escotar las gents e agir en consequéncia”, çò declarèt ièr Artur Mas, qualques minutas après que se faguèsse publica la senténcia. L’èx-president catalan anoncièt que farián apèl a la senténcia: “Farem un apèl de la senténcia e arribarem a instàncias de la justícia europèa, e mai caldrà. Avèm pas cap d’esperança que la Cort Suprèma nos done rason, perque agirà dins la linha de la duretat absoluda e avisatz-vos. Mas nos cal far nòstra denóncia la Cort Suprèma e al Tribunal Constitucional per arribar a las instàncias de la justícia europèa. Avèm depausada una nauta esperança en la justícia europèa”.
L’èx-vicepresidenta Joana Ortega apondèt: “Après escotar los cants de serena del dialòg, la sola responsa [de l’estat espanhòl] son tres condemnas. Nos condemnan uèi a tres personas, mas darrièr nosautres i a mai de mond. E aquò s’arrestarà pas”. En mai d’aquò, declarèt: “Me senti pas brica condemnada e arribarem a las darrièras consequéncias. E contunhi de pensar que lo 9 de novembre foguèt un acte d’obesissença a mon pòble”.
Irene Rigau diguèt: “Es una senténcia que tomba sus nosautres, mas es escotada, sentida e analisada per de milions de catalans. Nos an jutjats e nos an condemnats. Al pòble li an volgut donar un avertiment”.
#presidentMas:"A l’Estat espanyol es persegueix a la gent per seves idees i com nostres són sobiranistes les combaten per terra, mar i aire" pic.twitter.com/WlBZn2hGw2
— Partit Demòcrata (@Pdemocratacat) 13 de març de 2017
Lo factor Rigau
De totas las ineligibilitats que la justícia espanhòla a dictadas, e dictarà dins los jorns a venir, lo cas de Rigau pòt venir un factor clau dins lo procès independentista de Catalonha e Aran. L’èx-conselhièra de l’educacion es ara deputada del Parlament de Catalonha, e aquela cambra declarèt formalament que “se sometrà pas a las decisions de las institucions de l’estat espanhòl”.
Per tant, çò de mai probable es que la presidenta del Parlament de Catalonha, Carme Forcadell, convide Irene Rigau a contunhar son trabalh de deputada amb normalitat absoluda dins la cambra.
Puigdemont torna afortir son engatjament pel referendum
Lo president de la Generalitat, Carles Puigdemont, faguèt una conferéncia de premsa per valorar la senténcia. Acompanhat del vicepresident, Oriol Junqueras, e del conselhièr dels afars exteriors, Raül Romeva, Puigdemont tornèt afortir son engatjament pel referendum d’independéncia.
“Los 2,3 milions de personas que votèron lo 9 de novembre an recebut lo verdicte de culpabilitat. Çò que la justícia a condemnat uèi o graciarà lo pòble de Catalonha amb lo referendum que farem ongan, sens cap de dobte”, çò diguèt.
▶Declaració institucional #president@KRLS amb motiu sentència del TSJC pel judici del #9N contra Artur Mas, Joana Ortega i Irene Rigau pic.twitter.com/zkdNbGTbtU
— Govern. Generalitat (@govern) 13 de març de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
deuriem fer una nació occitana, països occitans, amb diferents estats confederats, un president per a tota occitània unida amb catalunya, país valencià, balears, andorra, l'alguer i la franja ponent de l'aragó, seria més fàcil aconseguir aixì la independència, em serien uns 25 milions de persones, tot un repte, amb una llengua única, l'occità, mare de tots els altres parlars
visca occitània lliure independen, europea, tolerant, oberta
Espanha perdet Sudamerica, Puerto Rico, Cuba, Filipinas, per voler pas cedir res. Ara perdrà la democràcia o Catalunya, per no saber reconèisser la nacion Catalana, lo concert econòmic, l'Estatut aprovat pel poble català e que rebutjà lo parlament de Madrid.
A ben ! Es pas vermenós lo centralisme castilhan ! Ò, mès los catalans finiràn que i arrivaràn. Los comtats modèrnes coma "Catalunya" o "Occitanie" son a se destacar plan-plan de l'empresa dals Estats centralizats e sobeirans. Enfin, son mai avançats los catalans : poiriáun èstre nòstra locomotiva eles mès tanben poiriam nautres demorar vagon !... Afaire de seguir.
Pasmens, quand i pense, aimariái de sentir en cò nòstre la butada identitària coma la vivon en Catalonha. Una dolor fonsa l'absença de la lenga per carrièiras, e de l'accent de mai en mai : un DÒU de mau faire !
Deguessiam pas veire lo reviure duradís de nòstra lenga emb de nòstra cultura dinc la societat d'Òc avans 2050, e fauguèsse causir entre, imagine ieu, una Democracia populara catalana lumenosa e l'Estat francés immudable, consentiriái de venir catalan sens drandalhar e d'ofrir mon país a una cultura catalana que nos entegrariá a sa bastison emb de las rèstas de nòstra identitat.
Adios Franpaña !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari