Actualitats
I aurà un candidat de lenga occitana a la presidenciala francesa, Jean Lassalle
Segon lo Conselh Constitucional francés, lo deputat centrista bearnés Jean Lassalle, que parla la lenga nòstra, fa partida dels onze candidats oficials. Oscar Temaru poirà pas participar a l’eleccion
Dissabte 18 de març, lo Conselh Constitucional francés anoncièt la lista dels onze candidats qu’an superat l’obstacle dels 500 pairinatges d’elegits per se presentar a l’eleccion presidenciala. Amb 708 signaturas validadas, ne fa partida lo deputat centrista bearnés Jean Lassalle, que parla la lenga nòstra. Lo coneisson per aver cantat en 2003 l’imne occitan per protestar pendent una sesilha de l’Assemblada Nacionala francesa, e per aver facha una cauma de la fam de 39 jorns, en 2006, per fin de salvar una usina de la Val d’Aspa. Per far campanha, s’èra retirat de son partit, lo Movement Democrata, qu’èra son vicepresident, mentre que son president, François Bayrou, decidiguèt de sosténer la candidatura centrista e liberala d’Emmanuel Macron.
Los autres 10 candidats, son, segon l’òrdre aleatòri causit pel comunicat del Conselh Constitucional, Nicolas Dupont-Aignan (De pè, França!), Marine Le Pen (Front Nacional), Emmanuel Macron (En Marcha!), Benoît Hamon (Partit Socialista), Nathalie Arthaud (Lucha Obrièra), Philippe Poutou (Nòu Partit Anticapitalista), Jacques Cheminade (Solidaritat e Progrès), Jean-Luc Mélenchon (La França Insomesa), François Asselineau (Union Populara Republicana) e François Fillon (Los Republicans).
Temaru e Troadec eliminats
Per contra e contràriament a çò qu'aviá anonciat, l’independentista polinesian Oscar Temaru poirà pas concórrer a la presidenciala francesa. Voliá far de l’eleccion presidenciala un referendum sus l’independéncia de son país mas obtenguèt solament, segon lo Conselh Constitucional, 109 dels 500 pairinatges de besonh. Los recebèt mai que mai de Polinesia, de Nòva Caledònia e de Corsega.
Tanpauc se presenta pas Christian Troadec qu'aviam sostengut la còla de Jornalet. Lo candidat breton se retirèt en veire que podiá pas aténher las 500 signaturas demièg los 47 000 elegits que i a en Republica Francesa. Per ansin, aviá fach amb cinc autres candidats una crida contra contra “lo verrolh antidemocratic dels grands partits”.
Los autres 10 candidats, son, segon l’òrdre aleatòri causit pel comunicat del Conselh Constitucional, Nicolas Dupont-Aignan (De pè, França!), Marine Le Pen (Front Nacional), Emmanuel Macron (En Marcha!), Benoît Hamon (Partit Socialista), Nathalie Arthaud (Lucha Obrièra), Philippe Poutou (Nòu Partit Anticapitalista), Jacques Cheminade (Solidaritat e Progrès), Jean-Luc Mélenchon (La França Insomesa), François Asselineau (Union Populara Republicana) e François Fillon (Los Republicans).
Temaru e Troadec eliminats
Per contra e contràriament a çò qu'aviá anonciat, l’independentista polinesian Oscar Temaru poirà pas concórrer a la presidenciala francesa. Voliá far de l’eleccion presidenciala un referendum sus l’independéncia de son país mas obtenguèt solament, segon lo Conselh Constitucional, 109 dels 500 pairinatges de besonh. Los recebèt mai que mai de Polinesia, de Nòva Caledònia e de Corsega.
Tanpauc se presenta pas Christian Troadec qu'aviam sostengut la còla de Jornalet. Lo candidat breton se retirèt en veire que podiá pas aténher las 500 signaturas demièg los 47 000 elegits que i a en Republica Francesa. Per ansin, aviá fach amb cinc autres candidats una crida contra contra “lo verrolh antidemocratic dels grands partits”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#17
Lo coneissètz vertadèirament lo Joan Lassala ? Vos bote çai-sos un liam fèrme interessant que nos balhèt, fai quauques jorns, nòste amic mossur Ltrobat... Maleirosament veiretz qu'es pas gis lo candidat dau terrador que pretend d'èsser...
➡️ http://blogyy.net/2016/12/26/jean-lassalle-ou-le-mythe-de-la-bonne-vieille-droite-du-terroir/
#17
Òc, e que digò d'autas causas interessantas com, per exemple, qu'èra nascut dab ueit dias de retard.
Que soi desolat, mes ne vòti pas per un palhassa.
Nosautes du sud-oest que passam dejà per cons, n'èra pas la pèna de forçar lo trèit de la caricatura..
A l'escasènço de la charadiso di presidenciable de uèi, Lassalle es lou soulet que palè di lengo regiounalo, un instant à la perfin de l'emissioun.
Diguè: "Les jeunes doivent pouvoir apprendre 2 langues étrangères et même une langue régionale."
Emai se pèr d'uni, Lassalle a d'imperfecioun, es lou soulet candidat dèu terraire, lou soulet de s'engaga pèr li lengo de Franço, lou soulet pasta de nosto culturo d'OC.
Es pèr aco, que me semblo de boun de se ranja touti darrié-èu au 1è tour dis eleicioun.
#12 Dins lo Dauphiné Libéré de la desmenja (excellent jornau…), es en "basc" que l'autre a chantat ( ah, chaux pas dire, un s'avesina, geograficament parlant).
Suu fons, es verai que lo tipe es simpatic, mai que d'autres, mas empacha pas que sus pas mau de problèmes a de pausicions de bona drecha.
La Sala per tot simpatic que sia amb son gascon als pòts, non a pas mai defendut l'occitan al Parlament francés (que ieu sàpia), nimai pendent los debats que s'i son tenguts sus las lengas "regionalas" per l'obtencion d'un estatut legal e sa glotopolitica.
De mai es un deputat (ultra)liberal qu'a votat de leis retrogradas e antisocialas; Es un republicanista francés encegat per la lora "République", que defensa los servicis publics (franceses, francistas)... Pièger que Bayrou/Vairon qu'almens a creat lo CAPES e a defendut publicament la lenga, encara que pas pro: foguèt invisible durant los darrièrs debats sus las lengas "regionalas" (se m'engani pas...).
A cap de moment non propausa una autra França, mens centralizada, mens francoetnica e parisocentrada...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari