Se son plan batuts, mas la sason es acabada pels Dracs qu’an pas pogut passar l’obstacle Leeds aqueste divendres en serada: desfaita 27-20. La partida virèt solament dins lo darrièr quart d’ora. Per un còp, los catalans avián marcat d’entrada puèi per Blanch al moment de la còrna. Los angleses menavan 12-10 a la pausa. Los Dracs prenguèron l’avantage 14-12 a la 49a minuta per un ensag, lo segond de la serada, de l’alièr Damian Blanch.
A la 68ena, Tomas Bòsc ramenava la marca a 24-20. Trent Robisnon fasiá dintrar Leon Pryce reservat long de la partida. Mas lo dobertura capitèt pas de se tarnsformar en Zorrò d’un ser.
E una penalitat de Sinfield e un tombat de Mac Guirre clavava la victòria dels Rinoceròsses. Domatge que la partida se siague jogada un divendres de ser, çò que permetèt pas d’emplenar l’estadi e de butar cap a las mièja-finalas los Dracs.
Èra la darnièra partida amb Trent Robinson coma entrainaire. Laurenç Fraissinós ven de rendre publica sa candidatura pel pòste.
Dins l’autra partida de la dimenjada, dissabte, los Lops de Warrington se desbarrassèron pro aisidament d’HullFC: 24-12.
Wigan a causit de reçaupre divendres, Leeds en mièja-finala e ensajarà d’escafar la desfaita en mièja-finala de la Cup.
De son costat, Warrington anirà a St-Helens pel revenge del primièr torn de las pelhòfas.
En campionat NRL d’Australia, la tempèsta dels Storm de Melbourne remandèt sus un 40-12 sens apèl los campions-aglas de mar de Manly faire de surf sus las èrsas del Pacific; alara que, davant 70 000 espectators, los Boldògs de Canterbury se faguèron un afart de Lapinons de South Sydney: 32-8. Finala dimenge 30 dins l’estadi bèl de Sydney (retrasmission prevista sus BeinSport dimenge de matin).
Al país, la Dimenjada Magica de Lesinhan-Corbièras dobrissiá la sason del campionat d’Elit.
Dissabte, per la primièra partida, Limós se fasiá surprendre per la jove e dinamica formacion de Vilanòva: 31-18. Puèi, Lesinhan mes dins lo bon sens per son pilar novèl Fifità, daissèt cap iniciativa a Avinhon: 32-8; Dimenge, entre la victòria de Lescura sus Montpelhièr: 24-8 (una sason malaisida s’anóncia tornar pels Diables roges) e aquela logica del Tolosa Olimpic, mai entrepreneire, suls Dragonets 16-6, se debanava lo revenge de las doas finalas de la prima entre Carcassona e Pià.
Mas cò dels canarís, los estrangièrs son pas totes arribats e l’equipa se presentava amb sèis joves. D’entrada, los catalans marcavan lor territòri e al cap d’un quart d’ora èran ja anats tres còps darrèr la linha: 18-0. Los audencs trapèron las ressorças per tornar dins la partida: un audaciós còp de pè a seguir de Guiraud sus sortida de mesclanha permetiá a Mazard, non pas de marcar, mas de se veire, retengut pel malhòt, autrejar un ensag de penalitat.
Lo segonda linha Marc Offerdalh, atalentat de joc aprèp una annada passada a sonhar una espatla macada, marquèt sus una penalitat jogada lèu-lèu; 18-12 pel monde de salanca a al pausa.
A la represa, l’alièr Peault profitava d’una patanada catalana a la recepcion d’un còp de pè a seguir de Luc Towers: 18-16.
Carcassona dominava mas marcava pas. Dins lo darrièr quart d’ora, la poténcia catalana s’exprimissiá amb la signatura de quatre ensags novèls: 36-16 al planchòt final. Mas las confrontacions de l’an prometon quand las equipas seràn al complet.
Dissabte, per la partida cap d’aficha de la jornada, Pià anirà desfisar Avinhon alara que Carcassona reçauprà Montpelhièr a Domèc (18h30; asc13.fr).
Dimenge, Lesinhan jòga a Vilanòva la partida entre Verds e Blancs; los Dragonets seràn reçauputs pels Minotaures de Lescura.
A Limós, aprèp una brava taulejada amb los produits del terrador (pels espectators, pas pels jogaires!), Limós se deurà pas pèrdre en camin fàcia al Tolosa-Olimpic.
En debuta de setmana, se coneisserà la primièra pre-seleccion de 26 jogaires en vista del rescontre França-País de Galas programat lo dissabte 20 d’octobre dins lo Grand Nòrd (estadi Bollaert, a Lens).
Aprèp una primièra eatapa en Provença (Entraigas, aqueste diluns 24), una esquipa de joves australians, los Young Achievers, en virada en Euròpa, rescontrarà formacions catalanas dijòus 27 sus l’estadi de Sant-Estève, puèi les elements del Pòl Esper a Carcassona lo diluns 1èr d’octobre.
Alan Roch
A la 68ena, Tomas Bòsc ramenava la marca a 24-20. Trent Robisnon fasiá dintrar Leon Pryce reservat long de la partida. Mas lo dobertura capitèt pas de se tarnsformar en Zorrò d’un ser.
E una penalitat de Sinfield e un tombat de Mac Guirre clavava la victòria dels Rinoceròsses. Domatge que la partida se siague jogada un divendres de ser, çò que permetèt pas d’emplenar l’estadi e de butar cap a las mièja-finalas los Dracs.
Èra la darnièra partida amb Trent Robinson coma entrainaire. Laurenç Fraissinós ven de rendre publica sa candidatura pel pòste.
Dins l’autra partida de la dimenjada, dissabte, los Lops de Warrington se desbarrassèron pro aisidament d’HullFC: 24-12.
Wigan a causit de reçaupre divendres, Leeds en mièja-finala e ensajarà d’escafar la desfaita en mièja-finala de la Cup.
De son costat, Warrington anirà a St-Helens pel revenge del primièr torn de las pelhòfas.
En campionat NRL d’Australia, la tempèsta dels Storm de Melbourne remandèt sus un 40-12 sens apèl los campions-aglas de mar de Manly faire de surf sus las èrsas del Pacific; alara que, davant 70 000 espectators, los Boldògs de Canterbury se faguèron un afart de Lapinons de South Sydney: 32-8. Finala dimenge 30 dins l’estadi bèl de Sydney (retrasmission prevista sus BeinSport dimenge de matin).
Al país, la Dimenjada Magica de Lesinhan-Corbièras dobrissiá la sason del campionat d’Elit.
Dissabte, per la primièra partida, Limós se fasiá surprendre per la jove e dinamica formacion de Vilanòva: 31-18. Puèi, Lesinhan mes dins lo bon sens per son pilar novèl Fifità, daissèt cap iniciativa a Avinhon: 32-8; Dimenge, entre la victòria de Lescura sus Montpelhièr: 24-8 (una sason malaisida s’anóncia tornar pels Diables roges) e aquela logica del Tolosa Olimpic, mai entrepreneire, suls Dragonets 16-6, se debanava lo revenge de las doas finalas de la prima entre Carcassona e Pià.
Mas cò dels canarís, los estrangièrs son pas totes arribats e l’equipa se presentava amb sèis joves. D’entrada, los catalans marcavan lor territòri e al cap d’un quart d’ora èran ja anats tres còps darrèr la linha: 18-0. Los audencs trapèron las ressorças per tornar dins la partida: un audaciós còp de pè a seguir de Guiraud sus sortida de mesclanha permetiá a Mazard, non pas de marcar, mas de se veire, retengut pel malhòt, autrejar un ensag de penalitat.
Lo segonda linha Marc Offerdalh, atalentat de joc aprèp una annada passada a sonhar una espatla macada, marquèt sus una penalitat jogada lèu-lèu; 18-12 pel monde de salanca a al pausa.
A la represa, l’alièr Peault profitava d’una patanada catalana a la recepcion d’un còp de pè a seguir de Luc Towers: 18-16.
Carcassona dominava mas marcava pas. Dins lo darrièr quart d’ora, la poténcia catalana s’exprimissiá amb la signatura de quatre ensags novèls: 36-16 al planchòt final. Mas las confrontacions de l’an prometon quand las equipas seràn al complet.
Dissabte, per la partida cap d’aficha de la jornada, Pià anirà desfisar Avinhon alara que Carcassona reçauprà Montpelhièr a Domèc (18h30; asc13.fr).
Dimenge, Lesinhan jòga a Vilanòva la partida entre Verds e Blancs; los Dragonets seràn reçauputs pels Minotaures de Lescura.
A Limós, aprèp una brava taulejada amb los produits del terrador (pels espectators, pas pels jogaires!), Limós se deurà pas pèrdre en camin fàcia al Tolosa-Olimpic.
En debuta de setmana, se coneisserà la primièra pre-seleccion de 26 jogaires en vista del rescontre França-País de Galas programat lo dissabte 20 d’octobre dins lo Grand Nòrd (estadi Bollaert, a Lens).
Aprèp una primièra eatapa en Provença (Entraigas, aqueste diluns 24), una esquipa de joves australians, los Young Achievers, en virada en Euròpa, rescontrarà formacions catalanas dijòus 27 sus l’estadi de Sant-Estève, puèi les elements del Pòl Esper a Carcassona lo diluns 1èr d’octobre.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari