Actualitats
Norvègia es lo país pus aürós del Mond
Lo rapòrt foguèt fach a l’ocasion del Jorn internacional del Bonaür, lo 20 de març passat
Segon un rapòrt de las Nacions Unidas, Norvègia es lo país mai aürós de la planeta. Segon la lista realizada per aquel organisme mondial, los abitants de Norvègia son quitament mai aüroses que los de Danemarc, qu’èran los mai aüroses fins a l’ora d’ara. Aquela es la conclusion del rapòrt sul bonaür efectuat per l’ÒNU. Après Norvègia venon Danemarc, Islàndia, Soïssa e Finlàndia. Los darrièrs luòcs de la lista son per de païses africans.
A d’autras posicions dins la lista de las Nacions Unidas son los Estats Units (14n) e lo Reialme Unit (19n). Fòrça luènh de las primièras plaças son Siria (152n sus 155 païses) o Iemèn e Sodan del Sud amb las posicions 146 e 147. Lo rapòrt foguèt fach a l’ocasion del Jorn internacional del bonaür, lo 20 de març passat.
Per far lo rapòrt, s’es pausada una sola question: “Imaginatz que i a una escalièr amb dètz grasas: sus quina grasa sètz?” Amb aquò Norvègia s’es poguda plaçar sus la 7a grasa de l’escalièr e la Republica Centreafricana sus la 2a. A mai, l’estudi a tanben analisat de factors economics, lo sosten social al govèrn, la libertat e la corrupcion dins cada país.
La crisi estatsunidenca
L’estudi annal de las Nacions Unidas conten tanben un capítol entitolat “Salvar lo bonaür dels Estats Units” pr’amor que sembla que lo nivèl de bonaür dels abitants d’aquel país es tombat dins los darrièrs tempses, e mai se l’economia a ja superat la crisi. Segon los autors del rapòrt, aquela casuda del nivèl de bonaür dels estatsunidencs a coma rasons principalas las inegalitats, la corrupcion, l’isolament internacional, e la manca de vertat. Tot aquò seriá pus important que l’economia. “Es una crisi sociala, pas economica”, çò afortiguèron.
Lo director de l’estudi, Jeffery Sachs, a confirmat que la politica de Donad Trump, l’actual president dels Estats Units, aumentarà encara mai aquesta crisi sociala. Las taxas de las classas pus nautas son de mai en mai mai bassas mentre que lo mond an mai de besonhs. E lo Govèrn solament respond amb mai d’argent per l’armada. Totes veson que la direccion es la marrida, çò diguèt Sachs a Reuters.
Christian Andreu
A d’autras posicions dins la lista de las Nacions Unidas son los Estats Units (14n) e lo Reialme Unit (19n). Fòrça luènh de las primièras plaças son Siria (152n sus 155 païses) o Iemèn e Sodan del Sud amb las posicions 146 e 147. Lo rapòrt foguèt fach a l’ocasion del Jorn internacional del bonaür, lo 20 de març passat.
Per far lo rapòrt, s’es pausada una sola question: “Imaginatz que i a una escalièr amb dètz grasas: sus quina grasa sètz?” Amb aquò Norvègia s’es poguda plaçar sus la 7a grasa de l’escalièr e la Republica Centreafricana sus la 2a. A mai, l’estudi a tanben analisat de factors economics, lo sosten social al govèrn, la libertat e la corrupcion dins cada país.
La crisi estatsunidenca
L’estudi annal de las Nacions Unidas conten tanben un capítol entitolat “Salvar lo bonaür dels Estats Units” pr’amor que sembla que lo nivèl de bonaür dels abitants d’aquel país es tombat dins los darrièrs tempses, e mai se l’economia a ja superat la crisi. Segon los autors del rapòrt, aquela casuda del nivèl de bonaür dels estatsunidencs a coma rasons principalas las inegalitats, la corrupcion, l’isolament internacional, e la manca de vertat. Tot aquò seriá pus important que l’economia. “Es una crisi sociala, pas economica”, çò afortiguèron.
Lo director de l’estudi, Jeffery Sachs, a confirmat que la politica de Donad Trump, l’actual president dels Estats Units, aumentarà encara mai aquesta crisi sociala. Las taxas de las classas pus nautas son de mai en mai mai bassas mentre que lo mond an mai de besonhs. E lo Govèrn solament respond amb mai d’argent per l’armada. Totes veson que la direccion es la marrida, çò diguèt Sachs a Reuters.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Son 4 cats assetats sus un barril de petròli. Pas de subrepopulacion e de moneda a bodre. O sabèm plan, las dardenas fan pas lo bonaür, mas ajudan fòrça!
Dempuei plusors setmanas, la Nòrvegia nos contamina emben de la radio-activitat que s'echappe d'un reactor nucleari (Halden) mas la pressa n'en parla pas belcòp.
L'òm nos dich que la crisa seria pas sociala mas economica aus USA e lo paubre Trump en seria responsable. Mas quò fai mas tres mes que Trump a prengut lo poder. A trobat dins los pais una situacion economica catastrofica e as degut far emben. Mas los medias officiaus catan tot aquò.
normau, pas d'imigracion, n'ei pas en er'union europenca ,m'a pas eth eurò coma moneda ?
E ben ò mon vièlh Novègia es lo país qu'arrefuset dos còps de dintrar dins Europa : en 1972 e 1994
Demest la tièra dels paísses los mai urós del mond sus los cinc primièrs Un sol país fa partida d'europa...
França es 32 N. dins lo classament. Occitània... ? devèrs los 100 benlèu ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari