Actualitats
Lo dirigent istoric del Sinn Féin, Máirtín Mag Aonghusa, es mòrt a 66 ans
L’èx-cap de l’IRA foguèt una figura clau del procès de patz de l’Irlanda del Nòrd. L’aclapava una malautiá estranha
Lo dirigent istoric del Sinn Féin Máirtín Mag Aonghusa (apelat Martin McGuiness en anglés) moriguèt aqueste dimars passat a 66 ans. L’èx-cap de l’IRA foguèt una figura clau del procès de patz de l’Ulster.
Lo 9 de genièr passat, fa solament dos meses, Mag Aonghusa renoncièt a sa carga de viceprimièr ministre perque la primièra ministra del Partit Unionista (DUP), Arlene Foster, aviá refusat de demissionar per un escàndol de presumida corrupcion. Sa partença provoquèt alavetz la fin de l’acòrdi entre lo Sinn Féin e lo DUP e, doncas, la convocacion de nòvas eleccions, ont lo Sinn Féin atenguèt un resultat istoric.
Mas Mag Aonghusa se presentèt pas a aquelas eleccion. Lo 19 de genièr anoncièt que quitava la politica perque l’estranha malautiá que la patissiá li permetiá pas de manténer son activitat publica. Foguèt sa darrièra confercéncia de premsa, ont lo poguèron veire fragil e aflaquit. En decembre, sa santat l’empediguèt de far un viatge comercial en China.
Lo cap irlandista moriguèt a l’espital Altnagelvin de la vila de Doire acompanhat de sa familha. Mag Aonghusa l’aclapava una malautiá nomenada amiloïdòsi, qu’ataca lo còr, los rens e d’autres organs vitals.
Dins un comunicat, lo cap del Sinn Féin, Gearóid Mac Ádhaimh (apelat Gerry Adams en anglés) assegura que Máirtín Mag Aonghusa foguèt “un republican passionat que trabalhèt sens relambi per la patz e la reconciliacion e per la reünificacion de son país”. En mai d’aquò, Mac Ádhaimh apond que “subretot aimava sa familha e las gents de Doire e n’èra immensament fièr”.
Lo 9 de genièr passat, fa solament dos meses, Mag Aonghusa renoncièt a sa carga de viceprimièr ministre perque la primièra ministra del Partit Unionista (DUP), Arlene Foster, aviá refusat de demissionar per un escàndol de presumida corrupcion. Sa partença provoquèt alavetz la fin de l’acòrdi entre lo Sinn Féin e lo DUP e, doncas, la convocacion de nòvas eleccions, ont lo Sinn Féin atenguèt un resultat istoric.
Mas Mag Aonghusa se presentèt pas a aquelas eleccion. Lo 19 de genièr anoncièt que quitava la politica perque l’estranha malautiá que la patissiá li permetiá pas de manténer son activitat publica. Foguèt sa darrièra confercéncia de premsa, ont lo poguèron veire fragil e aflaquit. En decembre, sa santat l’empediguèt de far un viatge comercial en China.
Lo cap irlandista moriguèt a l’espital Altnagelvin de la vila de Doire acompanhat de sa familha. Mag Aonghusa l’aclapava una malautiá nomenada amiloïdòsi, qu’ataca lo còr, los rens e d’autres organs vitals.
Dins un comunicat, lo cap del Sinn Féin, Gearóid Mac Ádhaimh (apelat Gerry Adams en anglés) assegura que Máirtín Mag Aonghusa foguèt “un republican passionat que trabalhèt sens relambi per la patz e la reconciliacion e per la reünificacion de son país”. En mai d’aquò, Mac Ádhaimh apond que “subretot aimava sa familha e las gents de Doire e n’èra immensament fièr”.
Sinn Féin Leader and former Deputy First Minister Martin McGuiness dies after short illness https://t.co/OvB8BMQhxZpic.twitter.com/1xlbkFqiMt
— Sinn Féin (@sinnfeinireland) 21 de març de 2017
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Els millors marxen, però ni poden haver de nous, ell era un lluitador, i segur que algun dia, Irlanda serà reunificada, gent com ell mouen el Mon.
Amb tot el record ven viu.
Visca la Terra...Lliure!
L'Ernest, "El Tàrrega".
e Emmanuelli ? seré estat interessant un bilanç de son accion politica vista de l'angle occitan, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari