Actualitats
Ataca terrorista a Londres: almens quatre personas mòrtas
Una veitura s’es ronçada suls pedons sul pont de Westminster, e una fusilhada s’es tenguda dins la zòna. Un policièr es estat atacat amb un cotèl
Almens quatre personas mòrtas, dont un policièr e l'atacant, e un vintenat de feridas es lo bilanç d’una dobla ataca terrorista que s’es passada aqueste dimècres de tantòst al centre de Londres, al costat del parlament britanic. D’un latz, s’es debanada una fusilhada dins la zòna e la polícia a abatut un òme qu’auriá ferit un agent amb un cotèl. De l’autre, una veitura s’es ronçada suls pedons sul pont de Westminster. Los nafrats son estats menats a l’espital de Saint Thomas.
L’unitat antiterrorista de la Polícia Metropolitana es cargada de l’enquèsta sus las atacas, que son estadas qualificadas de terroristas.
Durant l’agresssion, al parlament britanic s’es suspenduda la sesilha que se teniá, mentre que lo parlament escocés suspendiá la siá, que deviá decidir un eventual segond referendum independentista.
Aqueste dimècres fa precisament un an que se cometèron los atemptats de Brussèlas.
Shocked witnesses describe Westminster terror attack https://t.co/k2Sq8epeGEpic.twitter.com/z0DFzL8tXZ
— Daily Mail U.K. (@DailyMailUK) 22 de març de 2017
Parliament shooting: Knifeman ploughs into pedestrians before being shot by police in Westminster 'terrorist attack' https://t.co/oiCGGVWrPqpic.twitter.com/A8MLsxOtLO
— The Telegraph (@Telegraph) 22 de març de 2017
Çai jos, podètz seguir en dirècte las informacions de Sky News de Londres:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Isis ha reivindicat l'atac.
Per què és que el nostre Jornalet no en fa esment?
La vostra islamofília ultrapassa tots els límits.
Aquestes ocultacions vostres, habituals, cauen dins la mentida, i ja sabeu que les mentides tenen les cames curtes.
E l'Estròsi, de qué ditz sul sicut?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari