Actualitats
Ja es creada una agregacion per l’occitan
Los professors d’occitan e d’autras lengas dichas regionalas o de França poiràn enfin passar amb lor disciplina lo concors de recrutament mai naut de l’ensenhament public segondari
La ministra de l’Educacion Nacionala francesa o aviá promés en octòbre passat, la FÈLCO e lo Blòg Occitan de France 3 o anoncièron ièr 23 de març: ven de se publicar al Jornal Oficial de la Republica Francesa l’arrestat datat del 15 de març de 2017 que crèa oficialament l’agregacion de Lengas de França.
Concretament, los professors d’occitan e d’autras lengas dichas regionalas o de França poiràn enfin passar amb lor disciplina lo concors de recrutament mai naut de l’ensenhament public segondari. Fins ara, existissiá solament lo CAPES, lo concors de nivèl inferior, çò que causava una discriminacion. Los professors d’occitan, de basco, de breton, de catalan, de còrs, de creòl e de tahitian, per èsser titulars de l’ensenhament segondari public, avián pas d’autra causida, per ensenhar lors lengas, que de passar lo CAPES, amb la lenga mal nomenada regionala sovent partejada amb una autra disciplina coma lo francés, l’istòria-geografia o l’espanhòl, e una remuneracion e un temps de servici inferiors als de l’agregacion.
Lo nòu concors, jos sa forma extèrna, prevei una espròva comuna escricha de sèt oras sus un programa de civilizacion definit per de problematicas sociolingüisticas e istoricas, e d’espròvas especificas a cada lenga de comentari de tèxt e de traduccion a partir del francés e devèrs lo francés. Los candidats qu’auràn reüssit l’escrich passaràn puèi d’espròvas oralas, dont la tradicionala leiçon d’agregacion e doas explicacions de tèxt, la primièra en francés e la segonda dins lor lenga dicha regionala. I aurà tanben una agregacion intèrna, reservada als que son ja professors, amb d'espròvas especificas.
Demòra de saber la data exacta del començament d’aquela nòva agregacion e lo nombre de pòstes afectats al concors. D’efièch, lo feble nombre de pòstes prepausats al CAPES d’occitan es dempuèi un bèl brieu un chepic constant dels defensors de la lenga nòstra.
Concretament, los professors d’occitan e d’autras lengas dichas regionalas o de França poiràn enfin passar amb lor disciplina lo concors de recrutament mai naut de l’ensenhament public segondari. Fins ara, existissiá solament lo CAPES, lo concors de nivèl inferior, çò que causava una discriminacion. Los professors d’occitan, de basco, de breton, de catalan, de còrs, de creòl e de tahitian, per èsser titulars de l’ensenhament segondari public, avián pas d’autra causida, per ensenhar lors lengas, que de passar lo CAPES, amb la lenga mal nomenada regionala sovent partejada amb una autra disciplina coma lo francés, l’istòria-geografia o l’espanhòl, e una remuneracion e un temps de servici inferiors als de l’agregacion.
Lo nòu concors, jos sa forma extèrna, prevei una espròva comuna escricha de sèt oras sus un programa de civilizacion definit per de problematicas sociolingüisticas e istoricas, e d’espròvas especificas a cada lenga de comentari de tèxt e de traduccion a partir del francés e devèrs lo francés. Los candidats qu’auràn reüssit l’escrich passaràn puèi d’espròvas oralas, dont la tradicionala leiçon d’agregacion e doas explicacions de tèxt, la primièra en francés e la segonda dins lor lenga dicha regionala. I aurà tanben una agregacion intèrna, reservada als que son ja professors, amb d'espròvas especificas.
Demòra de saber la data exacta del començament d’aquela nòva agregacion e lo nombre de pòstes afectats al concors. D’efièch, lo feble nombre de pòstes prepausats al CAPES d’occitan es dempuèi un bèl brieu un chepic constant dels defensors de la lenga nòstra.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 Mercé: l'article es mes a jorn.
La responsa (en partida) a la question d'Emmanuel es tanben dins lo BO:
"Les candidats font l'objet d'un classement distinct selon l'option choisie."
L'agregacion intèrna es tanben creada . Per legir lo detalh de las espròvas (Cf BO https://www.legifrance.gouv.fr/affichTexte.do?cidTexte=JORFTEXT000034258671&dateTexte=&categorieLien=id)
Òm pòt totjorn cercar bregas, mas per un còp qu'i a una avançada clara la cal sustot festejar!
Per l'agregacion intèrna, veirem plan çò que l'evolucion dirà e se caldrà batre encara de segur. Tant coma lo nombre de pòstes al CAPES... e d'un biais général, s'ameritariá mai de pòstes dins totas las disciplinas en extèrn coma en intèrn... Mas avèm enfin una agregacion, macarèl ! Es a dire lo concors mai naut dins l'EN e doncas una reconeissença que grandís ! E quora agacham en rèire, cal plan reconéisser que tota victòria es de bon prene quitament si podriá èsser mai completa.
Dins lo microcòsme de l'ensenhament de l'occitan i poiriá aver una dificultat consecutiva a aquela creacion.
Efectivament se i a pas d'agreg intèrna, a bon drech anar seràn los professors ja en plaça, e titulari del capes, qu'i se presentaràn. Aital lo nombre de pòstes autrejat a l'agregacion aumentarà pas lo nombre de professors davant los escolans...mas poiriá far demesir mecanicament lo nombre de pòstes al capes.
Per las autras matèrias (metem: lo francés), es çò meteis, mas en occitan i a una reivindicacion especifica a causa d'un ensenhament que denonciam coma estent embrionari.
D'un punt de vista sindical viva l'agregacion d'occitan (legitima que jamai pus) ; d'un punt de vista occitanista viva la creacion de doás agregacions : una intèrna e l'autra extèrna.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari