Actualitats
Brutala agression faissista a Marselha, lo collectiu antifaissista respond
Accion Antifaissista de Marselha denóncia una agression politica, mòstra sa determinacion contra l’ultradrecha e crida a manifestar contra lo Front Nacional
Marselha respond après una brutala agression faissista. Lo collectiu antifaissista de la Ciutat Focèa a fach un comunicat per clarificar l’agression e mostrar sa “determinacion dins la lucha còntra l’extrèma drecha e seis idèas e per la justícia sociala”.
Los faches se passèron dins la nuèch del 20 al 21 de març, quand Hazem El Moukaddem, un militant antifaissista conegut, foguèt agressat al cotèl e als còps de matraca. “Veniáu de rintrar en cò mieu e auvi picar a ma pòrta. Duerbi, un tipe me pica amb una matraca. Èri un pauc ensucat. E aquí, au sòu, son amic me dona de còps de cotèu. L’autre, un pichòt merdós tot magrinèu, l’encoratjava”, çò rapòrta la victima a 20 Minutes.
Una agression politica
Accion Antifaissista de Marselha denóncia una agression politica. Dins un comunicat ont explica los faches, e precisa que la santat del camarada agarrit es bona, assegura que i a pas cap de dobte de la motivacion politica de l’ataca. “Durant l’agression, eu siguèt tractat de «marrit roge», çò que laissa pauc de dobtes quant a la motivacion politica de l’acte”.
En mai d’aquò, plusors sits, blògs e forums d’extrema drecha an publicat d’articles e de vidèos en ciblant particularament l’agarrit, amb sa fòto, son adreiça e son luòc de trabalh, amb d’encoratjaments per l’agressar.
Manifestar contra lo Front Nacional
Lo collectiu antifaissista marselhés afirma que son “mai que jamai determinats dins la lucha còntra l’extrèma drecha e seis idèas e per la justícia sociala”. En mai d’aquò, fan una crida lo 19 d’abril per manifestar contra lo miting del Front Nacional a Marselha.
De legir l’entrevista d’Hazem El Moukaddem publicada sus Jornalet lo 23.07.2016
Los faches se passèron dins la nuèch del 20 al 21 de març, quand Hazem El Moukaddem, un militant antifaissista conegut, foguèt agressat al cotèl e als còps de matraca. “Veniáu de rintrar en cò mieu e auvi picar a ma pòrta. Duerbi, un tipe me pica amb una matraca. Èri un pauc ensucat. E aquí, au sòu, son amic me dona de còps de cotèu. L’autre, un pichòt merdós tot magrinèu, l’encoratjava”, çò rapòrta la victima a 20 Minutes.
Una agression politica
Accion Antifaissista de Marselha denóncia una agression politica. Dins un comunicat ont explica los faches, e precisa que la santat del camarada agarrit es bona, assegura que i a pas cap de dobte de la motivacion politica de l’ataca. “Durant l’agression, eu siguèt tractat de «marrit roge», çò que laissa pauc de dobtes quant a la motivacion politica de l’acte”.
En mai d’aquò, plusors sits, blògs e forums d’extrema drecha an publicat d’articles e de vidèos en ciblant particularament l’agarrit, amb sa fòto, son adreiça e son luòc de trabalh, amb d’encoratjaments per l’agressar.
Manifestar contra lo Front Nacional
Lo collectiu antifaissista marselhés afirma que son “mai que jamai determinats dins la lucha còntra l’extrèma drecha e seis idèas e per la justícia sociala”. En mai d’aquò, fan una crida lo 19 d’abril per manifestar contra lo miting del Front Nacional a Marselha.
De legir l’entrevista d’Hazem El Moukaddem publicada sus Jornalet lo 23.07.2016
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los fachas son quatre gats mal avenguts, se tenen pas l'exèrcit, la banca e la policia son pas res. Cal pas tenir-los paur.
Mesfiatz- vos quand mesme de qui acusat. Lo front nacionau es pas un anheu per aquò, zo saba. Mas, darrier i a benleu daus interests financiers qu'alimentan la propaganda de dreicha o mesme lo ploitic d'esquera los mai poderos. A qui vai profitar lo crime?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari