capçalera campanha

Actualitats

SocietatPoliticaEconomia
crotz-tolosaCreated with Sketch.LengadòcLengadòc BasNarbonés

Narbona: fòrta protèsta dels vinhairons

Planhon las importacions massissas de vin del sud dels Pirenèus del temps que lors tinas son plenas

| France Bleu
Qualques milièrs de vinhairons occitans manifestèron dissabte a Narbona per protestar contra las importacions massissas de vin del sud dels Pirenèus del temps que lors tinas son plenas. E mai se los vinhairons del Bas Lengadòc èran a l’origina de la protèsta, fòrça productors d’autres endreches d’Occitània jonguèron la manifestacion.
 
Los vinhairons planhon una “concurréncia desleiala”. Los productors de l’estat francés an de cargas fòrça mai importantas que los de l’estat espanhòl. En mai d’aquò, deploran que las grandas superfícias e los negociants privilègien pas los provesiments locals.
 
Segon los manifestants, “los uèch milions d'ectolitres d’importacion de vin” son “un recòrd istoric”, mentre que los productors del país arriban pas de vendre lor vin. Dins aquel sens, lo tèma central de la protèsta èra “lo desfís de la mondializacion”.

La protèsta foguèt seguida d’accions còp de ponh coma de pneumatics incendiats que copavan la rota e de magazins que lor seccion de vins espanhòls foguèt vandalizada.

 
 
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Francesc Palma
5.

L'ultra liberalisme pot portar a situacions coma aquesta, e fins e tot que sian vins de fora de l'UE que los entren e que son produits a bas cost, la quala causa rabenta als productors que volen haver uns guanhs raonables o preus justes.

  • 1
  • 0
Pirolet
4.

#3 Cal vaire se i a de vins etiquetats en occitan (que siagan bons, solide!) e s'es lo cas ont los crompar per mostrar al Rouanet* que i a un mercat.

*Coma se vòl de la nacion francesa, li vau pas botar lo nom en occitan.

  • 2
  • 0
Felip
3.

Faguèron parlar Frederic Roanet a la ràdio ièr de vèspre. Es pas gaire en ligam amb Occitània la revendicacion del Sindicat dels Vinhairons d'Aude:
-Demandan que siá escrich sus cada botelha: ''Produch de la nacion'' (la nacion francesa per eles).
-Es la fauta d'Euròpa se los vinhairons son dins aquela situacion. Pr'aquò, son plan contents de las subvencions que lor balha l'Union Europèa.
-I aguèsse pas agut los drapèus occitans de País Nòstre, ''l'occitanitat'' d'aquela protèsta seriá pas estada brica presenta ...
Fredric Roanet ten un discors que pudís a França. Fin finala, las revendicacions d'aqueles vinhairons es la meteissa dempuèi los ans 70 (emai benlèu dempuèi 1907). Çò positiu, podèm dire que los vins de Lengadòc son de mai en mai requistes !

  • 5
  • 0
Ferriòl Macip
2.

#1 Ops!!! Son uèch milions d'ectolitres. Es ja corregit. Mercés d'o aver vist

  • 2
  • 0
Marcelin Carcassona
1.

Citacion :
“los uèch ectolitres d’importacion de vin” son “un recòrd istoric”,


Question :
Tot aquò per 800 litres de vin ?

  • 2
  • 0

Escriu un comentari sus aqueste article