Actualitats
La Cort Suprèma d’Índia demanda a indós e musulmans de negociar
Lo temple de Babri, dins la vila d’Ayodhya, es un endrech disputat per las doas comunautats religiosas. En 1992, los indós destruguèron una mosqueta del sègle XVI en tuant mai de 2000 personas
La Cort Suprèma d’Índia a tornat demandar de barrar la batalha judiciala sul contraròtle del temple de Babri, lo luòc mai conegut de la vila d’Ayodhya. Aital respond aquela cort de justícia al litigi que s’es tengut durant fòrça annadas per un temple que i a al nòrd d’aquela vila indiana. En 1992, los indós destruguèron una mosqueta del sègle XVI e tuèron mai de 2000 personas. Ara, la justícia indiana vòl metre lo ponch final al litigi amb de negociacions.
Es una causa malaisida pr’amor que dempuèi 1992 los indós i vòlon bastir un temple indó dins lo luòc e los musulmans i vòlon bastir una nòva mosqueta. Los indós dison que la mosqueta foguèt lo luòc de naissença d’un dieu indó, Ram, e que los musulmans i bastiguèron una mosqueta sul sit d’un temple indó pendent una invasion musulmana que se debanèt al sègle XVI.
Ara, la Cort Suprèma d’Índia demanda de resòlver la disputa amb de negociacions pr’amor qu’es un afar fòrça sensible. Aquò arriba après qu’a anullat la senténcia judiciària d’un tribunal inferior que diguèt que dos tèrces del sit avián d’èsser balhats als indós e un tèrç als musulmans.
Aquela senténcia, de la Nauta Cort d’Allahabad, confirmèt en 2010 que l’endrech èra lo luòc de naissença d’un dieu indó. Un fach estonant al nivèl judiciari. Tanben confirmèt que la mosqueta èra estada bastida après tombar lo temple indó e que sa bastison seguissiá pas las nòrmas musulmanas. Mas aquela senténcia semblèt fòrça polemica e las doas comunautats ne demandèron una revision.
Una disputa d’annadas
Aquela disputa judiciària sus la mosqueta de Babri, a Ayodhya, dins l’estat indian d’Huttar Pradesh, a durat tant temps que fòrça demandors originals son ja mòrts. Los musulmans dison que i preguèron fins a l’an 1949. En aquela epòca, çò dison, divèrsas idòlas del dieu Ram apareguèron dins la nuèch dins la mosqueta. E la bastison de las estatuas de Ram foguèt posteriora.
Al delà, en 1992, los indós destruguèron la mosqueta en provocant la mòrt de mai de 2000 personas musulmanas e indóas. La primièra demanda de justícia a l’entorn del temple de Babri data de fa mai de 40 ans. E ara la Cort Suprèma a decidit de suspendre la senténcia judiciària de l’an 2010 que donava una personalitat juridica al dieu Ram.
Ansin o decidiguèron dos dels jutges indós que rendèron la senténcia, mas, lo tresen, musulman, foguèt pas d’acòrdi e demandèt una revision judiciària de la quita senténcia. Sembla, doncas, una batalha judiciària de fòrça mal ganhar. Benlèu las negociacions socialas de las doas comunautats, coma o ditz la nòva senténcia de la Cort Suprèma d’Índia, trobaràn una solucion.
Christian Andreu
Es una causa malaisida pr’amor que dempuèi 1992 los indós i vòlon bastir un temple indó dins lo luòc e los musulmans i vòlon bastir una nòva mosqueta. Los indós dison que la mosqueta foguèt lo luòc de naissença d’un dieu indó, Ram, e que los musulmans i bastiguèron una mosqueta sul sit d’un temple indó pendent una invasion musulmana que se debanèt al sègle XVI.
Ara, la Cort Suprèma d’Índia demanda de resòlver la disputa amb de negociacions pr’amor qu’es un afar fòrça sensible. Aquò arriba après qu’a anullat la senténcia judiciària d’un tribunal inferior que diguèt que dos tèrces del sit avián d’èsser balhats als indós e un tèrç als musulmans.
Aquela senténcia, de la Nauta Cort d’Allahabad, confirmèt en 2010 que l’endrech èra lo luòc de naissença d’un dieu indó. Un fach estonant al nivèl judiciari. Tanben confirmèt que la mosqueta èra estada bastida après tombar lo temple indó e que sa bastison seguissiá pas las nòrmas musulmanas. Mas aquela senténcia semblèt fòrça polemica e las doas comunautats ne demandèron una revision.
Una disputa d’annadas
Aquela disputa judiciària sus la mosqueta de Babri, a Ayodhya, dins l’estat indian d’Huttar Pradesh, a durat tant temps que fòrça demandors originals son ja mòrts. Los musulmans dison que i preguèron fins a l’an 1949. En aquela epòca, çò dison, divèrsas idòlas del dieu Ram apareguèron dins la nuèch dins la mosqueta. E la bastison de las estatuas de Ram foguèt posteriora.
Al delà, en 1992, los indós destruguèron la mosqueta en provocant la mòrt de mai de 2000 personas musulmanas e indóas. La primièra demanda de justícia a l’entorn del temple de Babri data de fa mai de 40 ans. E ara la Cort Suprèma a decidit de suspendre la senténcia judiciària de l’an 2010 que donava una personalitat juridica al dieu Ram.
Ansin o decidiguèron dos dels jutges indós que rendèron la senténcia, mas, lo tresen, musulman, foguèt pas d’acòrdi e demandèt una revision judiciària de la quita senténcia. Sembla, doncas, una batalha judiciària de fòrça mal ganhar. Benlèu las negociacions socialas de las doas comunautats, coma o ditz la nòva senténcia de la Cort Suprèma d’Índia, trobaràn una solucion.
Christian Andreu
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E ban! auràn un brave trabalh a la cort suprèma amb lo Modi...
#2 Error d'inatencion corregida. Grandmercé!
la Cort? la Còrt?
totjorn que mai la mosqueta e jamai la mosquèia, amb una indulgéncia copabla envèrs l'islam e son senhor de la guerra Bafomet;lo tèxte sacrat dau coran prepausa una finalitat : l'Umma politica e de mejans la guerra santa lo djihad, am'aquo, pas mai, au vii°sègle coma vuei e estent pas coneissént deis eveniments de 1992, me prononçarai pas, en tot cas dobti que lei politeistas de l'indoïsme ne foguèsson estat responsables que li aguèsse agut aquelei revoïras, coma ei causa coneiguda que lo politeisme greco-latin an pas agut persecutat aquelei que cresián pas en eli, luchar contra lei mau-cresènts e leis eretges, aquo es una especialitat dau Dieu unic de la Biblia e dau Coran
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari