Actualitats
Rojava: un grop armat anarquista
D’anarquistas e d’antifaissistas de pertot anóncian aver constituit un grop armat qu’ajuda los curds a combatre l’autoproclamat Estat Islamic
En Siria, los curds abitan divèrsas zònas del nòrd del país, geograficament separadas entre elas e que son nomenadas Rojava, çò que vòl dire “oèst” en lenga curda. Aquí, dempuèi lo comencament de la guèrra, las fòrças armadas curdas an bastit un estat gaireben independent. Ça que la, aquel estat es totjorn fragil. L’autoproclamat Estat Islamic (EI) es lo primièr enemic dels combatents curds, mai que mai après que la comunautat internacionala saludèt lor resisténcia fàcia als jihadistas a Kobanê.
Mentretant, los curds luchan totjorn contra l’EI e contra lo grop Hayat Tahrir Al Sham (èx-Front Al Nusra). Per los ajudar, qualques grops europèus d’esquèrra an causit de los sosténer en prenent las armas. Aqueles combatents se son amassats dins lo Batalhon Internacional de Liberacion ont se tròban de ciutadans turcs d’extrèma esquèrra, d’alemands, d’espanhòls, d’albaneses e fòrça residents dels pòbles de Caucàs. Sembla que i auriá tanben qualques ciutadans franceses, mai que mai d’aderents de la CGT. En novembre 2016 publiquèron un messatge sus Facebook al nom de la “Brigada Henri Krasucki”, que definissián coma brigada francesa del Batalhon Internacional. Aquel messatge respondriá a la burocracia de la CGT.
A l’ora d’ara, d’anarquistas e d’antifaissistas anóncian aver constituit un grop armat autonòm: l’IRPGF (International Revolutionary People’s Guerrilla Force, Fòrça de Guerrilha Populara Revolucionària Internacionala). Aquel grop es tanben dins lo Batalhon Internacional mas a una cèrta autonomia d’accion. An publicat un vidèo en anglés suls rets socials per presentar lo grop.
Fabien Lécuyer/redaccion
Mentretant, los curds luchan totjorn contra l’EI e contra lo grop Hayat Tahrir Al Sham (èx-Front Al Nusra). Per los ajudar, qualques grops europèus d’esquèrra an causit de los sosténer en prenent las armas. Aqueles combatents se son amassats dins lo Batalhon Internacional de Liberacion ont se tròban de ciutadans turcs d’extrèma esquèrra, d’alemands, d’espanhòls, d’albaneses e fòrça residents dels pòbles de Caucàs. Sembla que i auriá tanben qualques ciutadans franceses, mai que mai d’aderents de la CGT. En novembre 2016 publiquèron un messatge sus Facebook al nom de la “Brigada Henri Krasucki”, que definissián coma brigada francesa del Batalhon Internacional. Aquel messatge respondriá a la burocracia de la CGT.
A l’ora d’ara, d’anarquistas e d’antifaissistas anóncian aver constituit un grop armat autonòm: l’IRPGF (International Revolutionary People’s Guerrilla Force, Fòrça de Guerrilha Populara Revolucionària Internacionala). Aquel grop es tanben dins lo Batalhon Internacional mas a una cèrta autonomia d’accion. An publicat un vidèo en anglés suls rets socials per presentar lo grop.
Fabien Lécuyer/redaccion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
tot ço que rientra fai ventre : l'internacionala anarquista contra l'Islam, quente bèu pantais ! pèr la revolucion, bomb badabomb !
Osco.
Es uno plan bouno causo.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari