Actualitats
Artur Mas qu’auance es eleccions catalanes en tot díder qu’“ei arribat eth moment d’exercir era autodeterminacion”
“Ara que cau accions concrètes, ara que cau decidir” ce diguec eth president catalan en tot apondre que “Catalonha ei en tot fatigar-se d’ua dependéncia que mos prejudície”
Eth president dera Generalitat de Catalonha, Artur Mas, qu’anoncièc agèr er auançament des eleccions ath Parlament de Catalonha entath 25 de noveme que ven. “Era votz deth carrèr deu esdevier era votz des urnes”, ce diguèc Mas, qu’ahigèc: “Un viatge Catalonha aurà artenhut es objectius nacionaus qu’eth pòble decidisque, non me tornarè a presentar as eleccions”. Segontes eth president, que cau arténher aguest “objectiu nacionau” ena legislatura que ven, mielhor qu’en dues.
Mas qu’a qualificat era situacion actuau de Catalonha d’inospitalèra. “Ça que la, era comprenença des ciutadans e era complicitat des ajuntaments e deth hilat associatiu qu’ajuden a preservar es politiques de coesion. I a ua tension, e era tension s’incrementarà enes pròplèus mesi”, ce prediguèc Mas.
Totun, que soslinhèc era grana capacitat exportadora de Catalonha, qu’a creishut a un ritme superior a 10% annau. “Peth prumèr viatge, en 2011 es exportacions an superat es ventes en estat. Aguesta tendéncia be s’incremente en 2012. Son donades fòrça positives.” ce arrebrembèc.
Ça que la, eth tèma principau d’aguest debat parlamentari que proven dera manifestacion deth passat 11 de seteme, a on 2 milions de catalans manifestèren pera independéncia.
Era independéncia de Catalonha qu’ei un tèma que non ère cap contemplat en programa electorau deth sòn partit, Convergència i Unió, que prometie arténher un pacte fiscau damb er Estat espanhòu similar ath concèrt economic qu’an en Bascoat. Era negativa deth govèrn espanhòu ad aguest pacte b’ei çò que lo fòrce a convocar eleccions entà tornar-se-i a presentar damb un programa sobeiranista.
Eth discors d’Artur Mas qu’inaugurèc agèr eth debat de politica generau deth Parlament de Catalonha que se debanarà aguesti dies. Dijaus qu’ei previst qu’eth Parlament e apròve ua resolucion sus eth dret des catalans a decidir eth sòn futur.
Ferriòl Macip
Mas qu’a qualificat era situacion actuau de Catalonha d’inospitalèra. “Ça que la, era comprenença des ciutadans e era complicitat des ajuntaments e deth hilat associatiu qu’ajuden a preservar es politiques de coesion. I a ua tension, e era tension s’incrementarà enes pròplèus mesi”, ce prediguèc Mas.
Totun, que soslinhèc era grana capacitat exportadora de Catalonha, qu’a creishut a un ritme superior a 10% annau. “Peth prumèr viatge, en 2011 es exportacions an superat es ventes en estat. Aguesta tendéncia be s’incremente en 2012. Son donades fòrça positives.” ce arrebrembèc.
Ça que la, eth tèma principau d’aguest debat parlamentari que proven dera manifestacion deth passat 11 de seteme, a on 2 milions de catalans manifestèren pera independéncia.
Era independéncia de Catalonha qu’ei un tèma que non ère cap contemplat en programa electorau deth sòn partit, Convergència i Unió, que prometie arténher un pacte fiscau damb er Estat espanhòu similar ath concèrt economic qu’an en Bascoat. Era negativa deth govèrn espanhòu ad aguest pacte b’ei çò que lo fòrce a convocar eleccions entà tornar-se-i a presentar damb un programa sobeiranista.
Eth discors d’Artur Mas qu’inaugurèc agèr eth debat de politica generau deth Parlament de Catalonha que se debanarà aguesti dies. Dijaus qu’ei previst qu’eth Parlament e apròve ua resolucion sus eth dret des catalans a decidir eth sòn futur.
Ferriòl Macip
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal dire que per far de politica, e per se far una plaça sus l'empont meditico-politic actual, cal aver las dents que rasclan pel sòl, una indiferéncia totala al patiment dels autres, una enveja furiosa que psicopatologica de ganhar en fasent perdre los autres (ja que tot lo mond pòt pas ganhar, al país de la competicion electorala), çò qu'es pas gaire compatible amb la defensa d'unas lengas fòrtament minorizadas, lengas estatisticament programadas per perdre totes los combats… Defensor de lenga fòrtament minorizadas, aquò necessita una psicologia fòrça diferenta de la del "ganhaire" en politica o en afar. Los que lor agrada de far seriosament de politica, e pas solament de polemicar, lor agrada bèl primièr lo poder. Poder e lenga occitana, dempuèi lo tracat de París 1240, dempuèi l'edicte de François Ier de France sus la sola lenga legala que seriá lo francés, sus la traïson d'Enric de Navarra passat a l'enemic, tot aquò nos parla pas gaire d'un maridatge probable entre defensa de l'occitan e set inamorçabla de poder… E mai ajam decidit d'aver rason. Aver rason e aver lo poder son doás causas fòrça desparièras que coïncidisson mai aisidament al Principar de Catalonha que non pas en Occitània o al Tibet. Autras tèrras, autres combats, autras armas, autras dificultats, çò qu'es pas brica una rason per daisar caire las luchas.
Los catalans an decidit d'aver rason, tant mièlhs.
Los occitans de França se desvèlhan pas. La pròva comptabla, i es pas tant d'escritura politica en occitan coma de literatura poetica, romansiera en occitan. Seriam dins un instinct de mòrt, dins un gueto literari, legit per 3 pelucres ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari