Actualitats
Baiona: de milièrs de personas an festejat lo desarmament d’ÈTA
Divendres passat, l’organizacion armada liurèt son arsenal amb l’ajuda de la societat civila
De milièrs de personas festegèron dissabte lo desarmament d’ÈTA dins un rassemblament festiu sus la Plaça Paul Bert de Baiona, en tot seguir l’apèl dels Artisans de la Patz. Durant l’acte, se legiguèt un manifèst que remarcava l’importància del desarmament del grop independentista que “marcarà lo passat e tanben l’avenir del Bascoat amb ÈTA completament desarmada”.
Un ecran gigant projectava d’imatges dels amagatalhs que contenián las armas d’ÈTA ont se podiá veire cossí los Artisans de la Patz avián marcat lo terren per ajudar los policièrs a i arribar. Lo collectiu pacifista avián mandat a la justícia francesa un document amb la localizacion d’uèch amagatalhs que contenián l’arsenal de l’organizacion armada.
“Serà pas aisit, mas nos cal aprene a viure totes amassa”, çò diguèt lo pòrtavotz dels Artisans de la Patz, Michel Berhocoirigoin. “Nos cal comprene que l'enemic del passat pòt pas èsser l'enemic del futur. Nos cal luchar contra l'òdi”, çò precisèt en tot insistir qu’“es pus complicat de far la patz que la guèrra”.
De remarcar tanben la participacion d’Harold Good, lo prèire irlandés que participèt activament al procès de patz en Irlanda del Nòrd. “En tot procès de patz cal far tot çò possible per oblidar pas degun. Uèi es pas qu’un començament. Lo començament d'un jorn, e nos caldrà de temps e de fisança per garir e per arribar a la reconciliacion plena”, çò diguèt.
Los membres de la Comission Internacionala de Verificacion (CIV) demandèron als govèrns espanhòl e francés d’èsser a la nautor de l’enjòc per consolidar la patz al Bascoat.
L’eveniment faguèt venir de representants politics e sindicals del Bascoat e d’endacòm mai.
Un desarmament inedit
Just après la liurason de la localizacion dels amagatalhs a la justícia francesa, lo cònsol de Baiona, Jean-René Etchegaray, faguèt una conferéncia de premsa dissabte a 9h del matin, amb lo pòrtavotz de la Comission Internacionala dels Verificadors, Ram Mannikalingam.
Mannikalingam assegurèt qu'ETA es desarmada. “Sèm davant una escasença istorica, se desarma lo darrièr grop terrorista autoctòn de l'Euròpa Occidentala”. En mai d’aquò, mercegèt totes los qu’an rendut possible aquel procès de desarmament en tot assegurar qu’èra “un modèl inedit” per l’istòria.I a pas agut cap de negociacion amb lo govèrn espanhòl e es estat lo grop de mediators qu'a supervisat lo procès.
“Un grand pas” per l’estat francés
Tre qu’aguèron obtengut la localizacion de las armas, las autoritats francesas comencèron lo desmantelament d’aqueles amagatalhs. En mai d’aquò, lo govèrn francés se mostrèt conciliant. Vòl acabar lo procès de desarmament, qu’ÈTA se dissòlga e trobar una solucion consensuala amb lo govèrn espanhol pels 78 presonièrs de l’organizacion armada que son embarrats dins de presons de l’estat francés.
Pendent una conferéncia de premsa, lo ministre de l’Interior francés, Matthias Fekl, assolidèt que lo desarmament “[èra] un grand pas” e qualifiquèt la jornada d’“incontestablament importanta”.
“Una operacion mediatica” per l’estat espanhòl
Fòrça desparièra foguèt la reaccion del govèrn espanhòl. Lo ministre de l’Interior, Juan Ignacio Zoido, exigiguèt d’ÈTA que se dissolguèsse e demandèsse perdon a las victimas, afirmèt que lo desliurament de la lista dels amagatalhs èra pas mai qu’una “operacion mediatica” e diguèt que l’organizacion voliá dissimular “sa desbranda” per “ensajar de ne tirar un profièch politic”.
“Los terroristas pòdon pas esperar cap de tractament de favor ni mai d’impunitat per lors delictes”, çò diguèt lo ministre espanhòl, qu’insistiguèt qu’ÈTA èra vencuda, sens cap d’avenir e que sos dirigents èran encarcerats. Zoido avertiguèt que lo govèrn espanhòl cambiariá sa posicion e qu'analisariá lo nòu scenari amb França.
Los Artisans de la Patz avián anonciat que l’8 d’abril s’acabariá lo desarmament del grop armat. Pasmens, la responsa del govèrn espanhòl foguèt de mesprètz. “Que o faga e que se dissòlga”, çò respondèt amb desdenh lo president espanhòl Mariano Rajoy en tot apondre que “lo govèrn aplicarà la lei del meteis biais per tothòm”. Aquela responsa faguèt polemica, se prenèm en compte que la lei espanhòla s’aplica pas en çò que tanh a las politicas de dispersion dels presonièrs bascos.
Un ecran gigant projectava d’imatges dels amagatalhs que contenián las armas d’ÈTA ont se podiá veire cossí los Artisans de la Patz avián marcat lo terren per ajudar los policièrs a i arribar. Lo collectiu pacifista avián mandat a la justícia francesa un document amb la localizacion d’uèch amagatalhs que contenián l’arsenal de l’organizacion armada.
“Serà pas aisit, mas nos cal aprene a viure totes amassa”, çò diguèt lo pòrtavotz dels Artisans de la Patz, Michel Berhocoirigoin. “Nos cal comprene que l'enemic del passat pòt pas èsser l'enemic del futur. Nos cal luchar contra l'òdi”, çò precisèt en tot insistir qu’“es pus complicat de far la patz que la guèrra”.
De remarcar tanben la participacion d’Harold Good, lo prèire irlandés que participèt activament al procès de patz en Irlanda del Nòrd. “En tot procès de patz cal far tot çò possible per oblidar pas degun. Uèi es pas qu’un començament. Lo començament d'un jorn, e nos caldrà de temps e de fisança per garir e per arribar a la reconciliacion plena”, çò diguèt.
Los membres de la Comission Internacionala de Verificacion (CIV) demandèron als govèrns espanhòl e francés d’èsser a la nautor de l’enjòc per consolidar la patz al Bascoat.
L’eveniment faguèt venir de representants politics e sindicals del Bascoat e d’endacòm mai.
La foule brandit le symbole des artisans de la paix #desarmement#ETApic.twitter.com/aQd6nRacgD
— Bleu Pays Basque (@Bleu_Basque) 8 d’abril de 2017
Un desarmament inedit
Just après la liurason de la localizacion dels amagatalhs a la justícia francesa, lo cònsol de Baiona, Jean-René Etchegaray, faguèt una conferéncia de premsa dissabte a 9h del matin, amb lo pòrtavotz de la Comission Internacionala dels Verificadors, Ram Mannikalingam.
Mannikalingam assegurèt qu'ETA es desarmada. “Sèm davant una escasença istorica, se desarma lo darrièr grop terrorista autoctòn de l'Euròpa Occidentala”. En mai d’aquò, mercegèt totes los qu’an rendut possible aquel procès de desarmament en tot assegurar qu’èra “un modèl inedit” per l’istòria.I a pas agut cap de negociacion amb lo govèrn espanhòl e es estat lo grop de mediators qu'a supervisat lo procès.
“Un grand pas” per l’estat francés
Tre qu’aguèron obtengut la localizacion de las armas, las autoritats francesas comencèron lo desmantelament d’aqueles amagatalhs. En mai d’aquò, lo govèrn francés se mostrèt conciliant. Vòl acabar lo procès de desarmament, qu’ÈTA se dissòlga e trobar una solucion consensuala amb lo govèrn espanhol pels 78 presonièrs de l’organizacion armada que son embarrats dins de presons de l’estat francés.
Pendent una conferéncia de premsa, lo ministre de l’Interior francés, Matthias Fekl, assolidèt que lo desarmament “[èra] un grand pas” e qualifiquèt la jornada d’“incontestablament importanta”.
Déclaration de @MatthiasFekl suite à l'opération de police judiciaire en cours pour localiser et neutraliser les stocks d'armes de l'#ETApic.twitter.com/BLHOeEu6xm
— Ministère Intérieur (@Place_Beauvau) 8 d’abril de 2017
“Una operacion mediatica” per l’estat espanhòl
Fòrça desparièra foguèt la reaccion del govèrn espanhòl. Lo ministre de l’Interior, Juan Ignacio Zoido, exigiguèt d’ÈTA que se dissolguèsse e demandèsse perdon a las victimas, afirmèt que lo desliurament de la lista dels amagatalhs èra pas mai qu’una “operacion mediatica” e diguèt que l’organizacion voliá dissimular “sa desbranda” per “ensajar de ne tirar un profièch politic”.
“Los terroristas pòdon pas esperar cap de tractament de favor ni mai d’impunitat per lors delictes”, çò diguèt lo ministre espanhòl, qu’insistiguèt qu’ÈTA èra vencuda, sens cap d’avenir e que sos dirigents èran encarcerats. Zoido avertiguèt que lo govèrn espanhòl cambiariá sa posicion e qu'analisariá lo nòu scenari amb França.
Los Artisans de la Patz avián anonciat que l’8 d’abril s’acabariá lo desarmament del grop armat. Pasmens, la responsa del govèrn espanhòl foguèt de mesprètz. “Que o faga e que se dissòlga”, çò respondèt amb desdenh lo president espanhòl Mariano Rajoy en tot apondre que “lo govèrn aplicarà la lei del meteis biais per tothòm”. Aquela responsa faguèt polemica, se prenèm en compte que la lei espanhòla s’aplica pas en çò que tanh a las politicas de dispersion dels presonièrs bascos.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Grand dia, per fi es pot parlar sens embuts, i sense tenir que recórrer a res mes que la paraula, l'estat ispà, no vol reconèixer res , ja que en el fons es la seva derrota, els Bascos no s'han matat entre ells, sinó que s'han posat, d'acord, i han trovat el camí, del qual ja ningú el en podrà apartat.
Gora Euskadi askatu!
Visca la Terra...Lliure!
L'Ernest, "El Tàrrega".
eta s'hauria d'haver disolta quan moriguet lo dictador.
Bon viatge per als guerrers
si al seu poble són fidels,
el velam del seu vaixell
afavoreixi el Déu dels vents,
i malgrat llur vell combat
l’amor ompli el seu cos generós.
Itaca t’ha donat el bell viatge,
sense ella no hauries sortit.
I si la trobes pobra, no és que Itaca
t’hagi enganyat. Savi, com bé t’has fet,
sabràs el que volen dir les Itaques.
(LLuis LLach, Viatge a Itaca)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari