Actualitats
Ara fa 5 ans. Linça (Marensin): explosions en una fabrica de panèus de husta
Quate explosions se hadoren audir dimècres 11 d'abriu matin, chic avant dètz òras, suu sit de l'enterpresa Darbo, en Linça (Marensin). Uèit emplegats son nafrats, dus d'eths pro seriosament.
Una reaccion quimica causèt aquera explosion. Lèu, l'incendi s'es espandit a las sèrvas a l'entorn, e n'es pas estat estupat encara. Un PC de crisi es estat installat, e un camion cistèrna de 12 000 litres s'ahana de har tàiser los eslams.
Los nafrats mei grèus son estats mandats per elicoptèr cap tau CHU de Bordèu, o sunhats suu sit. Son emplegats de Darbo, e d'enterpresas exterioras de mantinença.
Es uèi-lo-dia la tresau explosion dempuish 2006, data que l'enterpresa Darbo estot crompada peu grop portugués Sonae, peu biais de la soa filiala espanhòla Tafisa.
Pèir-Joan Masdiset
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari