Actualitats
Son a desbretonizar lo departament del Léger Atlantic
Mentre que lo bretonisme revendica lo retorn del departament en Bretanha, las autoritats son a eliminar tota traça de bretonitat
En 2004, lo socialista Patrick Maréschal èra elegit president del Conselh General del Léger Atlantic. Abans èsser un dels quadres socialistas del departament, foguèt un dels fondadors del Comitat per l’Unificacion Administrativa de Bretanha (CUAB) en 1980, que puèi vendriá Bretanha Reünida, e quitament ne foguèt lo primièr president. S’agís de la principala associacion que lucha per la reünificacion administrativa de Bretanha (la reünificacion dels 4 departaments de la region nomenada Bretanha amb lo departament del Léger Atlantic).
Son arribada al cap del Conselh General del departament foguèt una alenada pels partisans del retorn del departament perdut. Demest d’autras accions, s’installèt de panèls a las intradas del departament que disián en breton “Benvenguts en Léger Atlantic” e “Bretanha Istorica” e lo drapèu negre e blanc foguèt issat sus un mast davant l’ostal del Conselh General. D’unes esperavan una reünificacion de Bretanha, d’aitan mai qu’un vòte s’èra fach al conselh dins aquel sens. Mas aquelas mesuras foguèron simplament simbolicas.
A l’ora d’ara, aqueles petits detalhs simbolics de la passada epòca Maréschal son abolits. En plaça dels panèls bretons n’i trobam ara d’autres que dison, solament en francés, “lo departament vos dona la benvenguda”. Los ancians panèls son desmontats un a un. Pasmens, dins lo centre de Nantas, la municipalitat es a installar de panèls de carrièra en breton despuèi fa gaire. E lo novèl president del Conselh Departamental Philippe Grosvalet a sostengut lo centre Yezhoù Ha Sevenadur per las lengas e culturas de Saint-Herbllain/Sant-Ervlan, pel breton e lo galò.
Mas tot aquò sembla cosmetic e i a pas pus de mesuras simbolicas. En mai d’aquò, Philippe Grosvalet aviá enterrat en 2014 tot espèr de reünificacion e tota idèa de referendum.
Mentretant, se contunha de desbretonizar discretament lo país e de i promòure los “Païses de Léger” o, aquò es novèl, lo “Val de Léger”, mai que mai dins lo domeni del vin (lo famós muscat de Nantas) ont l’identitat bretona es combatuda per cèrts sectors de las instàncias corporativas ajudadas pel Conselh Regional de la region nomenada País de Léger. Mas los bretons resistisson e an creat un fum d’associacions e de productors per promòure l’identitat bretona de las vinhas de Nantas, dont los Vinhairons Artisans de Bretanha o lo Comitat dels Vins Bretons.
Fabien Lécuyer/redaccion
Son arribada al cap del Conselh General del departament foguèt una alenada pels partisans del retorn del departament perdut. Demest d’autras accions, s’installèt de panèls a las intradas del departament que disián en breton “Benvenguts en Léger Atlantic” e “Bretanha Istorica” e lo drapèu negre e blanc foguèt issat sus un mast davant l’ostal del Conselh General. D’unes esperavan una reünificacion de Bretanha, d’aitan mai qu’un vòte s’èra fach al conselh dins aquel sens. Mas aquelas mesuras foguèron simplament simbolicas.
A l’ora d’ara, aqueles petits detalhs simbolics de la passada epòca Maréschal son abolits. En plaça dels panèls bretons n’i trobam ara d’autres que dison, solament en francés, “lo departament vos dona la benvenguda”. Los ancians panèls son desmontats un a un. Pasmens, dins lo centre de Nantas, la municipalitat es a installar de panèls de carrièra en breton despuèi fa gaire. E lo novèl president del Conselh Departamental Philippe Grosvalet a sostengut lo centre Yezhoù Ha Sevenadur per las lengas e culturas de Saint-Herbllain/Sant-Ervlan, pel breton e lo galò.
Mas tot aquò sembla cosmetic e i a pas pus de mesuras simbolicas. En mai d’aquò, Philippe Grosvalet aviá enterrat en 2014 tot espèr de reünificacion e tota idèa de referendum.
Mentretant, se contunha de desbretonizar discretament lo país e de i promòure los “Païses de Léger” o, aquò es novèl, lo “Val de Léger”, mai que mai dins lo domeni del vin (lo famós muscat de Nantas) ont l’identitat bretona es combatuda per cèrts sectors de las instàncias corporativas ajudadas pel Conselh Regional de la region nomenada País de Léger. Mas los bretons resistisson e an creat un fum d’associacions e de productors per promòure l’identitat bretona de las vinhas de Nantas, dont los Vinhairons Artisans de Bretanha o lo Comitat dels Vins Bretons.
Fabien Lécuyer/redaccion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca la vida de las personas e de totas manieras, tamben de las lengas. Qui va contra la vida és un assassin.
Legissi dins Viquipèdia que lo galò es una varietat de francés: "És una llengua romànica, més concretament una de les llengües d'oïl".
#1 Non : dau costat de Guerande e Batz los darriers locutors dau breton locau (pron particulier segon l'atlas de Bassa Bretanha de Le Roux debuta dau sègle XX) an degut morir vès las annaas 50 dau sègle XX. E l'i a encara probablament de monde ailai que se sovenon de l'aguer auvit parlar per los vielhs. Que los miltants dau breton pur aien considerat qu'aquela minoritat perdua dins los paluns (aqui ont l'i a encara de toponims en ker-) parlavan pas lor breton pur es una autra question, que los regarda.
Suu fons, que la region de Nantes sieie istoricament bretona es pas contestable. Après, las logicas notabiliàrias eau monde de "Pays de Loire" (que volria ben aguer son accès a la mar…), es quaque ren que nos despassa.
E de que ne'n pensan los defendeires dau galo Nantés d'aquelos panèus de charrèiras en breton en plaça de lhor linga ? Tròbe aquò curiós... Pasmens, en fòra d'aquela question lingüistica, es clar que lo biais de faire damòra mai que mai vergonhós, que demòstra un còp de mai l'ostilitat irracionala de França devès las lingas minorizadas.
#1
#2
Planhon que París decidisca la lenga de lors pannèls. Decidiscam pas nosautres la lenga de lors pannèls. Que sián dins la lenga qu'eles decidiscan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari