Actualitats
Pas de tabós sobeiranistas ni independentistas per Macron e Fillon
Dins la campanha electorala de la presidenciala francesa, Macron es dispausat a reformar la constitucion per que Corsega reüssisca. De son costat Fillon, se mòstra favorable al drech de decidir dels catalans
Lo procès de patz al Bascoat, la majoritat sobeiranista a l’Assemblada de Corsega e las cambadas independentistas en Escòcia e Catalonha son a provocar un cambiament del discors dins la campanha de l’eleccion presidenciala francesa. Lo discors francista e centralista que i sèm abituats sembla que comença d’èsser mes en question pels candidats respectivament liberal e conservator Macron e Fillon.
Macron: “La reüssida de Corsega se decidirà pas dins un ministèri parisenc”
L’èx-ministre de l’economia francés e candidat a l’Elisi, Emmanuel Macron, s’es engatjat a far “sens tabó” un diagnostic de la situacion en Corsega, se cal en reformant la Constitucion de la Republica. O diguèt dins sa darrièra vesita a l’illa: “S’apareis que l’encastre actual permet pas a Corsega de desvolopar sas potencialitats, alara poiriam considerar d’anar pus luènh e de revisar la Constitucion. Vòli pas una Corsega jos perfusion”. Per ansin anoncièt que s’el veniá president de França, dialogariá amb l’Assemblada de Corsega, qu’a l’ora d’ara es compausat d’una majoritat de partits sobeiranistas.
A mai, lo candidat afirmèt sus Twitter, que “la reüssida de Corsega se [decidiriá] pas dins un ministèri parisenc”.
Fillon a prepaus de Catalonha e Escòcia: “L’independéncia es pas un tabó”
Aquelas declaracions del liberal Macron, las podèm ajustar a las que faguèt lo candidat conservator, François Fillon, divendres passat sus Radio France. E mai nuancèsse puèi son prepaus, Fillon defendèt lo drech dels catalans de decidir lor avenir dins una entrevista, e se mostrèt estonat del refús de l’estat espanhòl d’autorizar un referendum. Apondèt que l'independéncia èra pas un tabó e saludèt que lo Reialme Unit permetèsse de votar los escoceses, que serián acceptats dins l’Union Europèa. O podètz escotar dins lo vidèo que seguís.
Macron: “La reüssida de Corsega se decidirà pas dins un ministèri parisenc”
L’èx-ministre de l’economia francés e candidat a l’Elisi, Emmanuel Macron, s’es engatjat a far “sens tabó” un diagnostic de la situacion en Corsega, se cal en reformant la Constitucion de la Republica. O diguèt dins sa darrièra vesita a l’illa: “S’apareis que l’encastre actual permet pas a Corsega de desvolopar sas potencialitats, alara poiriam considerar d’anar pus luènh e de revisar la Constitucion. Vòli pas una Corsega jos perfusion”. Per ansin anoncièt que s’el veniá president de França, dialogariá amb l’Assemblada de Corsega, qu’a l’ora d’ara es compausat d’una majoritat de partits sobeiranistas.
A mai, lo candidat afirmèt sus Twitter, que “la reüssida de Corsega se [decidiriá] pas dins un ministèri parisenc”.
La réussite de la Corse ne se décidera pas dans un ministère parisien.
— Emmanuel Macron (@EmmanuelMacron) 7 d’abril de 2017
Fillon a prepaus de Catalonha e Escòcia: “L’independéncia es pas un tabó”
Aquelas declaracions del liberal Macron, las podèm ajustar a las que faguèt lo candidat conservator, François Fillon, divendres passat sus Radio France. E mai nuancèsse puèi son prepaus, Fillon defendèt lo drech dels catalans de decidir lor avenir dins una entrevista, e se mostrèt estonat del refús de l’estat espanhòl d’autorizar un referendum. Apondèt que l'independéncia èra pas un tabó e saludèt que lo Reialme Unit permetèsse de votar los escoceses, que serián acceptats dins l’Union Europèa. O podètz escotar dins lo vidèo que seguís.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Fillon es partidari de l’independéncia catalana coma Hollande èra partidari de ratificar la carta de las lengas minorizadas. Partidari l’engatja pas a ren.
—
E quant a la vertut, quin bèl argument! Tot lo monde filona, doncas prengam lo mai filon coma cap d’Estat! Sufís de lo tirar una L…
—
D’en primièr tot lo monde filona pas. Comparar la situacion d’un capulat cossut ambe la d’un que depend dals minima socials per pas crebar, aquò’s una puta engana.
Un temps foguèri al RSA. Contunhèri de pagar las talhas qu’aviái de l’an d’abans. Quan tornèri tà l’emplèc, demandèri pas la "prime pour l’emploi" mès contunhèri de pagar talhas de tota mena e me calguèt encara dos ans per me tirar dal gorgàs.
E de tot aquel temps agachèri de pas far de descobèrt a la banca.
Alara se i a de RSAires que declaran pas quicòm per rapugar 60 euròs per mes, sabi que ba fan per suberviure e soi pas ieu que los vau jutjar.
Lo Fillon a pas aquela excusa, es cofle d’argent e jamai sadol.
Bonas novas son aquestas, mas lo primier que han de reconèisser es l'oficialitat de las lengas de França, aprés l'autonomias, se volen ser reconeguts pel poble coma bons polítics onestes,e naturalamen la defensa de la causa publica davant los bancs e empresas privadas que la dretas los dodona tots los diners de l'estat . Lo partit comunista francès ha de ser dels mai avançat en la defensa dels trabalhadors i de las nacionalitats e lengas de l'Estat.
quant son lei ciutadans francés que cometon de pecats " veniels", coma un professor que qu'omete dins sa declaracion de revengutde declarar lei cors particulier, un fonccionari o un obrieren bona santat que se fai marcar malaut per prene quauquei jorns suplemenraris de congier, un qu'es au RSA que se declara celibatari e que l'ei pas,un autre que se fai remborsar de fres imaginaris ? La lista ei longa e au nom de la la vertut auriam benlèu de far fonccionar la guilhotina coma o faguèt Robespierre ? non, votem puslèu per Filhon, partisan de l'independéncia catalana !
#3 Lachaud que nos fai aura dins lo populisme e l'anti-intellectualisme primari, a chasque comentari, quò vai de mau qu'en pieg, ente se plantará la soa chasuda?
Aquò-es triste, mas se vei enquèra qu'aquestes òmes an pas gis de fàcias ! Son capables d'afortir per la campanha tot çò que d'ordinari detestan... A ieu, lai crese pas una segonda a lhor vam regionalista subit !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari