capçalera campanha

Actualitats

SocietatInternacionalEspòrt

Confusion après l’ataca de l’autobús dels jogaires del Borussia de Dortmund

La partida que se deviá téner dimars se reportèt a dimècres amb un resultat de 2 a 3 favorable a l’esquipa monegasca

La confusion e la discrecion de la polícia alemanda permeton pas de saber pas grand causa sus l’ataca que la patiguèt dimars de ser un autobús de l’esquipa de fotbòl Borussia de Dortmund, que deviá jogar contra l’esquipa de Mónegue. Segon lo ministèri public federal, cal parlar d’una tòca terrorista, e mai se la motivacion de l’atemptat es pas encara clara. Per ara i a un detengut islamista, e una autra persona mesa en examen, mas sens cap d’òrdre de detencion.
 
L’autobús del Borussia de Dortmund foguèt agarrit mentre que se dirigissiá devèrs l’estadi Signal Iduna Park, ont los jogaires devián jogar la partida dels quarts de finala de la Liga dels Campions de l’UEFA 2016-2017 contra l’esquipa de Mónegue. Un artefacte amb una tripla carga explosiva esbriguèt las vitras del veïcul e feriguèt un jogaire.
 
Per ara, an trobat doas letras que revendican l’ataca, una del caire jihadista que critica la participacion alemanda a la guèrra de Siria, e l’autra de grops antifaissistas que blaiman la permissivitat del club Borussia de Dormund devèrs sos suportaires neonazis e racistas.
 
La partida se suspendèt quand l’estadi èra comol d’afogats de las doas esquipas. Lo mond agachavan lors telefòns intelligents en esperant de nòvas, inquiets de çò que s’èra passat. En fin finala, lo match se reportèt a l’endeman, e doncas se joguèt ièr de ser amb un resultat de 2 a 3 favorable a l’esquipa monegasca.
 
 
Solidaritat amb los suportaires monegasques
 
A causa del repòrt d’un jorn de la partida, fòrça afogats del Mónegue deguèron passar una nuèch non prevista a Dortmund, mas i foguèron aculhits per una iniciativa plan solidària dels locals. Amb l’etiqueta #bedforawayfans (lièch pels suportaires de luènh), lo club de Dormund demandèt que s’ofriguèsse de luòcs per passar la nuèch als suportaires de Mónegue qu’avián pas cap d’ostalariá en vila.
 
 
Lo Mónegue a celebrat la campanha sus Twitter amb una rejoncha dels images qu’a generats, en mercejant l’iniciativa e en afirmant en alemand: “Aquò es de fotbòl!”
 
 
Lo Borussia, en retorn, a mercejat los suportaires per lor responsa.
 
Sul terren, long de la partida, se visquèron de moments esmovents de solidaritat e fraternitat entre los suportaires de las doas esquipas.
 
 
 

 
abonar los amics de Jornalet
 


Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Francesc Palma
1.

Al final capitet la solidaritat dels aficionats. Urra ! Los fols violents perderon.

  • 1
  • 0

Escriu un comentari sus aqueste article