Actualitats
Festenal de Canas: Michael Haneke, Sofia Coppola, François Ozon e Naomi Kawase se batràn ongan per la Palma d’aur
La 70a edicion del prestigiós festenal de Vencenc, que se tendrà del 17 al 28 de mai, publiquèt dijòus son programa complet
De grands realizaires de prestigi coma Michael Haneke, Sofia Coppola, François Ozon o Naomi Kawase seràn los protagonistas de l’edicion d’ongan del Festenal de Cinèma de Canas, que serà la 70a. Lo prestigiós festenal de Vencenc, que se tendrà del 17 al 28 de mai, publiquèt dijòus passat son programa complet, e doncas los dètz e uèch filmes de la seleccion oficiala.
Amb la volontat de servar son prestigi coma lo primièr festenal de cinèma del Mond, ongan s’incorpòra de novetats coma l’avantprimièra de la tresena temporada de la sèria Twin Peaks o un filme de realitat virtuala.
Lo president de la jurada d’ongan es l’espanhòl Pedro Almodóvar. Per el serà complicat d’autrejar la Palma d’Aur en vesent la qualitat dels filmes que se presentan, dont The Beguiled, un drama istoric realizat per l’estatsunidenca Sofia Coppola; Hikari, de la japonesa Naomi Kawase; Le redoutable, un biopic sus Jean-Luc Godard del realizaire francés Michel Hazanavicius, o Happy End, la darrièra proposicion de Michael Haneke, un classic del festenal.
Dins la seccion de las projeccions especialas, se poirà veire de filmes de tòca politica. Dins aquel sens, l’actritz britanica Vanessa Redgrave presenta, ara coma realizaira, Sea Sorrow (Dolor de mar), sul drama dels refugiats. De solinhar tanben An Inconvenient Truth (Una veritat que destorba), protagonizat per Al Gore.
Amb la volontat de servar son prestigi coma lo primièr festenal de cinèma del Mond, ongan s’incorpòra de novetats coma l’avantprimièra de la tresena temporada de la sèria Twin Peaks o un filme de realitat virtuala.
Lo president de la jurada d’ongan es l’espanhòl Pedro Almodóvar. Per el serà complicat d’autrejar la Palma d’Aur en vesent la qualitat dels filmes que se presentan, dont The Beguiled, un drama istoric realizat per l’estatsunidenca Sofia Coppola; Hikari, de la japonesa Naomi Kawase; Le redoutable, un biopic sus Jean-Luc Godard del realizaire francés Michel Hazanavicius, o Happy End, la darrièra proposicion de Michael Haneke, un classic del festenal.
Dins la seccion de las projeccions especialas, se poirà veire de filmes de tòca politica. Dins aquel sens, l’actritz britanica Vanessa Redgrave presenta, ara coma realizaira, Sea Sorrow (Dolor de mar), sul drama dels refugiats. De solinhar tanben An Inconvenient Truth (Una veritat que destorba), protagonizat per Al Gore.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Va començar lo mes de mai, poirem atudar lo fenestron. S'i parlarà pas que del festenal e de Roland Garròs. E per emplenar los vuèges, lo fotbòl.
Almodovar president? Lo qu'a perduda l'inspiracion mas qu'a pas perduts los bilhets a Panamà? A es vertat, es pas el, es son fraire Agustín que li a deslocalizada la fortuna aval e lo Pedro o sabiá pas, çò ditz (totes fan la meteissa defensa, lo Vargas Llosa per exemple). Mas lo Pedro a repotegat son productor de fraire*, tot va plan.
*Info L'Obs, que li a balhat mièja pagina per s'explicar sus las doas que presentavan "Julieta".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari