Actualitats
Narbona: d’activistas an blocat un tren nuclear
Vòlon denonciar lo dangièr del sit de Malvesin, que tracta tot l’urani de las centralas de l’estat francés, en generant 1 000 000 m3 de degalhs radioactius
De militants antinuclears de l’associacion Stop-Uranium bloquèron dissabte passat a Narbona un tren cargat d’urani en destinacion de Pèiralata (Tricastin). Amb aquel blocatge temporari, los activistas an denonciat los dangièrs de l’usina de Malvesin (Narbonés) que tracta tot l’urani utilizat dins totas las centralas nuclearas de l’estat francés, çò seriá “lo 25% de l’urani mondial” segon los protestataris, qu’afirman que lo sit “es classificat Seveso lindal naut (perilhositat maximala) e Installacion Nucleara de Basa (INB) sus dos de sos bacins”, çò rapòrta France 3.
L’usina de Malvesin, del grop Areva, foguèt mes en servici en 1959. Practica lo rafinatge e la conversion d’un concentrat de mineral d’urani jos la forma de tetrafluorur d’urani. Aquel procès emplega un grand nombre de produches quimics e genèra aperaquí 1 000 000 m3 de degalhs servats sul sit. S’agís de degalhs a l’encòp quimics e cargats en radioactivitat, çò estiman las associacions conscientas del risc nuclear.
L’usina de Malvesin, del grop Areva, foguèt mes en servici en 1959. Practica lo rafinatge e la conversion d’un concentrat de mineral d’urani jos la forma de tetrafluorur d’urani. Aquel procès emplega un grand nombre de produches quimics e genèra aperaquí 1 000 000 m3 de degalhs servats sul sit. S’agís de degalhs a l’encòp quimics e cargats en radioactivitat, çò estiman las associacions conscientas del risc nuclear.
#Uranzug#Blockade nach 2 Stunden beendet - Zwischen #Narbonne u. #Pierrelatte 1 #Atomtransport pro Woche - Versorgungstransporte stoppen! pic.twitter.com/oBAk3EIWr5
— Urantransport (@urantransport) 15 d’abril de 2017
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Aquí un avatar del Cheminade que lo darrièr còp nos voliá enviar sus Mart. Sembla qu'aqueste còp o ausa pas cridar tròp fòrt. Se sap, l'electorat es tròp piòt e es pas prèste per de viatges intersiderals. Enfin, ieu soi siderat que d’aquesta ora, contunhar de dire que lo nuclear polluïs pas e qu’es pas gaire dangierós es pas ges “sisius”.
lo nucleari produtz d'electricitat sensa polluar, l'energia qu'es un motor de progrès considerable. Per ara, n'i a agut ren que doas catastrofs nuclears consenquentas, l'una provocada per un regime tiranic collectivista de fonccionaris irresponsables qu'agrada tant a Melanchon, l'autre per de castatrofas naturalas -tsunami-inconeigudas sota nostra latitud, per quant ai degalhs , me pensi que dins l'afaire de trenta ans, l'ome aura trobat mejan de lei tractar correctament; diguem quand l'ome aurà pausat lo pè sus la planeta Mart e que meis enfants cessaràn de florir ma tomba
Malvesin: èra un nom predestinat per que li pòrten de porcariás.
"Pica pica sus lo tamborin
Te’n fagues pas per lo vesin!"
Lo Còr de la Plana
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari