Actualitats
Pau: un militant occitanista agarrit mentre que fasiá campanha per Mélenchon
Retirat de 67 ans, Alain Berit-Debat es conegut dins l’occitanisme per son activisme amb lo movement occitanista revolucionari Libertat. Foguèt ferit dimars passat amb un cotèl dins la cuèissa dins lo quartièr del Hedars
Lo militant occitanista Alain Berit-Debat se faguèt agarrir dimarts passat dins lo centre de Pau mentre que fasiá campanha pel movement politic nomenat França Insomesa que presenta per candidat Jean-Luc Mélenchon. Berit-Debat recebèt un còp de cotèl dins la cuèissa, çò rapòrta La République des Pyrenées.
Retirat de 67 ans, Alain Berit-Debat es conegut dins l’occitanisme per son activisme amb lo movement occitanista revolucionari Libertat dempuèi l’epòca d’Anaram au Patac. Son accion politica se ten mai que mai dins lo quartièr del Hedars de Pau, qu’es ont se faguèt precisament agarrir. “Que marchavi dab ma bicicleta e que discutivi dab gents entà explicar lo vòte Mélenchon”, çò explica Alain. “Tot que sigó hèra rapid. Que sigoi honhat hens l’esquia, qu’entenoi cridar «insomés de...», que prengoi un còp hens la cuèisha e que tombèi coma un sac”, çò precisa totjorn segon La République des Pyrenées. Ferit sens tròp de gravetat, Berit-Debat faguèt sa denóncia dimècres al comissariat de Pau.
S’agís pas de la primièra agression patida dins l’encastre de la campanha electorala. Segon la candidata de França Insomesa dins la primièra circonscripcion, Severine Ghedjati, los activistas del movement de l’esquèrra jacobina an raportat “plusors faches d’agression”.
Uèi, darrièr jorn de campanha, los militants melenchonistas se passejaràn per gros de dos dins lo centre de Pau, amb de ponches d’aperitiu, “entà arrescontrar las gents hens lo partatge e la bona umor”. Aquel movement a fach una campanha revolucionària en emplegant las nòvas tecnologias e en fasent de discorses simultanèus amb d’ologramas. Lo candidat èx-trotskista e èx-socialista cèrca lo vòte dels electors socialistas e ecologistas decebuts.
Retirat de 67 ans, Alain Berit-Debat es conegut dins l’occitanisme per son activisme amb lo movement occitanista revolucionari Libertat dempuèi l’epòca d’Anaram au Patac. Son accion politica se ten mai que mai dins lo quartièr del Hedars de Pau, qu’es ont se faguèt precisament agarrir. “Que marchavi dab ma bicicleta e que discutivi dab gents entà explicar lo vòte Mélenchon”, çò explica Alain. “Tot que sigó hèra rapid. Que sigoi honhat hens l’esquia, qu’entenoi cridar «insomés de...», que prengoi un còp hens la cuèisha e que tombèi coma un sac”, çò precisa totjorn segon La République des Pyrenées. Ferit sens tròp de gravetat, Berit-Debat faguèt sa denóncia dimècres al comissariat de Pau.
S’agís pas de la primièra agression patida dins l’encastre de la campanha electorala. Segon la candidata de França Insomesa dins la primièra circonscripcion, Severine Ghedjati, los activistas del movement de l’esquèrra jacobina an raportat “plusors faches d’agression”.
Uèi, darrièr jorn de campanha, los militants melenchonistas se passejaràn per gros de dos dins lo centre de Pau, amb de ponches d’aperitiu, “entà arrescontrar las gents hens lo partatge e la bona umor”. Aquel movement a fach una campanha revolucionària en emplegant las nòvas tecnologias e en fasent de discorses simultanèus amb d’ologramas. Lo candidat èx-trotskista e èx-socialista cèrca lo vòte dels electors socialistas e ecologistas decebuts.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#27 Que i a d'un costat la mager part deus candidats que ne n'a pas arren a fóter de l'occitan (la mager part). E de l'aute costat los que son opausat a las nostas reivindicacions e que ns'an tostemps escopit a la cara: Mélenchon, Le Pen, Dupont-Aignan...
#26 "èsser occitanista e far la campanha del sénher Melanchon me sembla una contradiccion de las bèlas"
soi pas segur que la causida qu'avèm pel segond torn siá melhora per l'occitan; pr'aquò soi segur que d'occitanistas votaràn. I a lo problèma de l'occitan e los autres problèmas, e un ciutadan es plan forçat de pesar çò que li conven lo mai dins un programa. Le Pen prepausèsse l'occitan coma lenga co-oficiala e son ensenhament obligatòri (es de ficcion!) votariái pas per ela. Un ciutadan pòt pensar que lo programa de Mélenchon es bon quitament se l'òme es contra las lengas regionalas. Pichon remembre comun: quantes de presidents nos an promés la ractificacion de la carta europenca de las lengas al nom de "lor estacament a las lengas regionalas"? Avèm vist la resulta. Alara que crentar de Melenchon?
èsser occitanista e far la campanha del sénher Melanchon me sembla una contradiccion de las bèlas.
Pasmens los Melanchonistas an lo drech de far campanha sense se far escotelar. Si los Occitanistas fan la campanha de Melanchon aquí es occitània que se fa escotelar...
#22 Mercé per la cortesiá. Me sentissi pas pertocat per l'allusion. D'autan mai que m'arriba de defendre lo drech de s'exprimir de mond abituat al comentari amagat. Vos ai quichat sul verd!
#20:
Un militant occitaniste que vòta Mélenchon qu'ei com ua poloja que votaré entà Nadau...
Aquò dit, n'i a pas tostemps ua pensada politica hèra coerenta en çò de Libertat...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari