Actualitats
Sant Seren: jornada d’omenatge a Marcela Delpastre
L’Espaci Occitan Carcinòl aculhirà deman dissabte una jornada d’omenatge a la granda escrivana e poèta lemosina
L’Espaci Occitan Carcinòl de Sant Seren aculhirà deman dissabte una jornada d’omenatge a Marcela Delpastre. Organizada per Les Films du Horla e Les Films du Genièvre, en partenariat amb l’associacion Aquí l’òc, l’eveniment contendrà dins lo tantòst una lectura de sos tèxtes, e après sopar se passaràn los filmes Marcelle Delpastre, à fleur de vie e Marcelle, parole, consagrats a la granda escrivana e poèta lemosina.
A 17 oras, Domenja Decomps, professora d’occitan a la retirada e poèta que contribuiguèt bravament a la descobèrta dels talents literaris de Marcela Delpastre dins los ans 1980 evocarà per sos sovenirs e la lectura d’una causida de tèxtes en occitan e en francés sa coneissença prigonda e son grand respècte per l’òbra de la femna que la frequentèt pendent prèp de quaranta ans.
A 19 oras, i aurà un repais sus reservacion (10 èuros) al +33(0)6 73 62 64 63.
A 21 oras, Patrick Cazals, cineasta e fondador dels Films du Genièvre e dels Films du Horla, presentarà dos dels filmes que consagrèt a Marcela Delpastre: Marcelle Delpastre, à fleur de vie e Marcelle, parole. Dins lo primièr, rodat a Germont, se torna trobar Marcela Delpastre, dins son quotidian, seguissent amb vam son trabalh poetic exigent, marginal, al contacte de la tèrra e de sas intuicions. Analisa son trabalh d’escritura e parla amb umor e conviccion d’aquela recèrca capuda d’una paraula autentica e poderosa a l’entorn de sa tèrra. Dins lo segond filme, rodat a l’origina en format 35 mm e presentat dins las salas en primièra partida del filme de Claude Berri Manon des Sources, Marcela Delpastre capita a traduire amb sobrietat lo trabalh e las emocions d’un autor ferotjament ligat a sa ruralitat e a son environament.
Pendent aquela jornada del dissabte 22 d’abril, serà possible de tornar trobar lo percors estonant de Marcela Delpastre, mercé a la mòstra que li es consagrada, prestada per la Bibliotèca Multimèdia de Lemòtges e visibla del 18 d’abril al 22 de mai lo dimècres e lo dissabte de 15 oras a 18 oras a l’Espaci Occitan Carcinòl a Sent Seren, de partejar un repais sus plaça e de rencontrar los organizaires e intervenents.
Jornada d’omenatge a Marcela Delpastre
Dissabte 22 d’abril, de 17 a 23 oras a l’Espaci Occitan Carcinòl
prèp del Casino e de la sala polivalenta,
60 avenguda Pierre e Andrée Delbos, a Sant Seren (Limarga)
Per mai d’informacion e reservacions:
Associacion Aquí l’òc
204, carrièra del General Ambert
46400 Sant Seren (Carcin/Limarga)
Tel: +33(0)6 73 62 64 63
aqui.loc(a)laposte.net
A 17 oras, Domenja Decomps, professora d’occitan a la retirada e poèta que contribuiguèt bravament a la descobèrta dels talents literaris de Marcela Delpastre dins los ans 1980 evocarà per sos sovenirs e la lectura d’una causida de tèxtes en occitan e en francés sa coneissença prigonda e son grand respècte per l’òbra de la femna que la frequentèt pendent prèp de quaranta ans.
A 19 oras, i aurà un repais sus reservacion (10 èuros) al +33(0)6 73 62 64 63.
A 21 oras, Patrick Cazals, cineasta e fondador dels Films du Genièvre e dels Films du Horla, presentarà dos dels filmes que consagrèt a Marcela Delpastre: Marcelle Delpastre, à fleur de vie e Marcelle, parole. Dins lo primièr, rodat a Germont, se torna trobar Marcela Delpastre, dins son quotidian, seguissent amb vam son trabalh poetic exigent, marginal, al contacte de la tèrra e de sas intuicions. Analisa son trabalh d’escritura e parla amb umor e conviccion d’aquela recèrca capuda d’una paraula autentica e poderosa a l’entorn de sa tèrra. Dins lo segond filme, rodat a l’origina en format 35 mm e presentat dins las salas en primièra partida del filme de Claude Berri Manon des Sources, Marcela Delpastre capita a traduire amb sobrietat lo trabalh e las emocions d’un autor ferotjament ligat a sa ruralitat e a son environament.
Pendent aquela jornada del dissabte 22 d’abril, serà possible de tornar trobar lo percors estonant de Marcela Delpastre, mercé a la mòstra que li es consagrada, prestada per la Bibliotèca Multimèdia de Lemòtges e visibla del 18 d’abril al 22 de mai lo dimècres e lo dissabte de 15 oras a 18 oras a l’Espaci Occitan Carcinòl a Sent Seren, de partejar un repais sus plaça e de rencontrar los organizaires e intervenents.
Jornada d’omenatge a Marcela Delpastre
Dissabte 22 d’abril, de 17 a 23 oras a l’Espaci Occitan Carcinòl
prèp del Casino e de la sala polivalenta,
60 avenguda Pierre e Andrée Delbos, a Sant Seren (Limarga)
Per mai d’informacion e reservacions:
Associacion Aquí l’òc
204, carrièra del General Ambert
46400 Sant Seren (Carcin/Limarga)
Tel: +33(0)6 73 62 64 63
aqui.loc(a)laposte.net
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cal se bolegar la flama de la nostra cultura que prenga als cors e esperits de la gent. Coma lo Sant Esperit que donet força als apòstols e sortigueron a predicar sensa paur sa ser tuats.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari