Actualitats
D’arqueològs egipcians an fach una descobèrta importanta a Luxor
S’agís d’un tombèl d’un nòble de la XVIIIa Dinastia pràcticament intacte. E mai se se conesca son existéncia despuèi lo començament del sègle XX, sa pòrta d’intrada l’an pas trobada qu’en març passat
D’arqueològs egipcians anoncièron dimècres passat, 19 d’abril, la descobèrta d’un tombèl important a Luxor de l’epòca de la XVIIIa Dinastia, entre los ans 1500 e 1295 abans lo Crist, e qu'aperteniá probablament a un eminent jutge de l’epòca.
Lo director general de las antiquitats de Luxor, Mustafa Waziri, afirmèt que lo tombèl, restacat a la necropòli de Zeraa Abu Al Nagaa, aperteniá probablament al jutge Userhat. Tanben indiquèt que i avián trobat de milièrs d’artefactes.
Çò de mai remarcable es que s’agís d’un tombèl que se coneissiá dempuèi lo començament del sègle XX, mas que son intrada l’an pas pogut localizar fins al mes de març d’ongan, çò rapòrta lo jornal local Al Ahram que ne presenta tanben una galariá d’imatges.
De son costat, lo ministre de las antiquitats del país, Khaled Al Anani, a assegurat que, en despièch de sas dimensions pichonas, lo tombèl representa una descobèrta plan importanta car la colleccion funerària es practicament intacta.
Lo sit conten divèrses ataücs de fusta amb d’ornaments acolorits que representan de scènas. A mai, i a de mascas funeràrias de fusta e aperaquí mila figurinas egalament de fusta, mas tanben de tèrra cuècha e majolica.
Los arqueològs contunhan de trabalhar sus aquel tombèl, que ten un pati que connècta doas cambras, ont an trobat divèrsas momias que per ara se’n desconeis l'identitat.
Lo director general de las antiquitats de Luxor, Mustafa Waziri, afirmèt que lo tombèl, restacat a la necropòli de Zeraa Abu Al Nagaa, aperteniá probablament al jutge Userhat. Tanben indiquèt que i avián trobat de milièrs d’artefactes.
Çò de mai remarcable es que s’agís d’un tombèl que se coneissiá dempuèi lo començament del sègle XX, mas que son intrada l’an pas pogut localizar fins al mes de març d’ongan, çò rapòrta lo jornal local Al Ahram que ne presenta tanben una galariá d’imatges.
De son costat, lo ministre de las antiquitats del país, Khaled Al Anani, a assegurat que, en despièch de sas dimensions pichonas, lo tombèl representa una descobèrta plan importanta car la colleccion funerària es practicament intacta.
Lo sit conten divèrses ataücs de fusta amb d’ornaments acolorits que representan de scènas. A mai, i a de mascas funeràrias de fusta e aperaquí mila figurinas egalament de fusta, mas tanben de tèrra cuècha e majolica.
Los arqueològs contunhan de trabalhar sus aquel tombèl, que ten un pati que connècta doas cambras, ont an trobat divèrsas momias que per ara se’n desconeis l'identitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I tot el que descobrirem...
Visca la Terra...Lliure!
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari